[أفلاطون العجمي]

للشاعر المبدع..

صديقي الغالي عايض الوقدان...





في عيون (العاشقين البائسين)
اصعب امن البعد لحظات الوداع

وفي عيون اللي قضى عمره سجين
السنين اللي يمرنه ضياع

ما سئلت القلب عن حزن(ن) دفين
وما جهلت الدرب وفجوجي وساع

البكى لو يرجع الغايب سنين
بنثر امن (الدمع) قدر المستطاع

المشاعر تختلط (شوق وحنين)
يا حبيبي لا تجافيني وراع

يا خدين الروح وينك يا خدين؟
مركبي وسط البحر ماله شراع

كيف تنسا يوم كنا عاشقين؟
لا خيانه / لا فراق / ولا خداع

والله أن القلب لك حصن(ن) حصين
ولك خفوقي بالخفا لبى وطاع

ماقويت البعد والخافي يبين
لو يضيع (الحلم) كل (العمر) ضاع

يا معين العاشقين الصابرين
لا تطول ظلمتي وين الشعاع؟