أمانه..يالنجوم اللي معايه تسهريـن الليـل
أبي سهره لذيذه..تبعد الهوجاس والضيقـه
أبي سهرة شعر..كفو السهر والليل والتعليل
على نور القمر..والا ظلام الليـل ماطيقـه
أمانه..خاطري يشهد علي ربي مكدّر حيـل
تعالي سامريني..ودّي ابسهـره وترويقـه
أمانه..سامريني والله ان العب وازيد الكيل
واخلّي من حكى يحكي..يعلّه مابلـع ريقـه
وُبَعَدْها..باتسنن واذكر الله واكْثر التهليـل
يَغَفْر..اذنوب من يقرأ..حْروفه كل ذوّيقـه