يــامــل عيـــــنٍ في محاجيـــرهـا شـــوك ...

[الضاوي]

أحيي الجميـــع .. مع اول مشـاركة لي في منتدى الشعــر ..

واهديكم هذي القصيدة المشهورة لسليمان إبن شريم

يـامــل عيـنٍ في محاجيرهـا شـــوك && والصدر به عن لذة النـــوم .. دكــاك

لا دك في قلبي من الهــم داكــوك && جـاوبت طربات الحمايم على الــراك

عـــزّي لحـــالك ياعــزّيــز وانا ابوك && كـان الزمان اللي وطاني توطاك

تراك ماينفعــك خـــالك ... ولا اخــوك&& لاصــار ماتقضي لزومك بيمنـــاك

وربعك إلى بان الخلل فيـك عـافـوك && واقرب قريــبٍ لك من الناس يشناك

إن كثر مالك صدقوا لك وطــاعــــوك && وإن قـل مابيديــك .. شانت حلاياك

لو تطلب الما عندهم منــه مااسقــوك && أبعد مزارك عـن وطنهم ومــرباك

إن طاب حظك قربوا لـك وحبــــوك && وإن بـار بك محدٍ يبـــــي غير فرقـــاك

هــراجة المجلس إلـــى جيـت وزوك && منــازلٍ تطرب نظيرك بدنيـــاك

وإذا قضـــوا منك اللوازم وخلــــوك && تفرقــوا ... وأنت أحتمـل كـل ماجاك

كنك ســراج البيت .. للنـور شبوك && وإذا إنقضـى اللازم .. حدا الربـع طفـاك

وإذا جـفوك أهل الوطـن وإستخفوك && قــلّـــع غريسك منه .. واهدم ركاياك

تـراك لـو تـرجـع على الرجل صعلوك && أحســن من اللي تلتجي لــه .. وياطاك

وإحذر عن العيلة ..ترى الحق مدروك && مثـل القضـا يدركك .. مامنه فكــاك

وأحلم على الجاهل ترى الحلم مبروك && وقم للضعيف اللي من الظلــم ينخـاك

وقــم للضيوف اللي سعوا لك وضافوك && وأغلى كرامتهم حجاجــك وبشــراك

وإعـــرف ترى مالك من الضيـف مفكـوك && لــولاه يطلب حاجتـه منك .. ماجـاك


وسلامتــكم
سليمـــــان بن شريم ( رحمه الله )

[الاداره]

لاهنت يا ضاوي
ورحم الله سليمان بن شريم

[cool]

السلاااام عليكم ورحمة الله وبركااااته


وأحلم على الجاهل ترى الحلم مبروك && وقم للضعيف اللي من الظلــم ينخـاك

الله يرحم سليمان بن شريم ويغفر له .

صح لساااانك الضاااوي وتسلم على الاختياااار .


كـووول

[الضاوي]

ولا انت يابو فيصـــل ... وتشرفني مشاركتــــك

كـــول ... وعليكم الســلام ورحمة الله وبركاااااته ... ويامرحبا ياكــول ولاهنت

على المشاركة .

[شبيب ابن شبنان]

لاهنت يا ضاوي
ورحم الله سليمان بن شريم

[الضاوي]

ولا انت ياكريــــم سبــلا ...

[الشامرى]

ضاوى ،،،
الله يمسييك بالخير والنور
يا شيخ نورت المنتدى بالمشاركات والاختيارات الرائعه
لاهنت على الاختيار الاكثر من رائع للشاعر الكبير سليمان الشريم
وتقبل تحياتى ،،،،،،،،،

[الضاوي]

مرحبااااااا مرحباااااا يالشــــامري ...

المنتــــدى منـــوّر باهلــــه ..

الرجــــال اللي مواقفهـــم تــذاع ** مــاني إلا واحــدن من جيــزهــا

ولاااا هنت على المشـاركة

[محيط الهادي]

@@@
تراك ماينفعــك خـــالك ... ولا اخــوك&& لاصــار ماتقضي لزومك بيمنـــاك
@@@@@@

الضاوي صح لسانك ورحم الله قائل هذه الأبيات سليمان بن شريم

[سهوم بقعهـ]

،

إن طاب حظك قربوا لـك وحبــــوك
وإن بـار بك محدٍ يبـــــي غير [فرقـــاك]

،

(الظاميّ) . أمتعتنـآ بهـ القصيّـّد الطيبْ ،, لآهنتْ

.