## لا القوه ترده ولا طيب الاخلاق ##

[ريف الضعيف]

السلام عليكم ورحمة الله وبركاته
اسعد الله اوقاتكم بكل خير

جبت لكم قصيده جميله اتمنى ان تحوز على رضاكم

7
7
7


ضاق الصدر والحزن والله ما اطيقه
وحروفي هلّت دمعها فوق الأوراق

الوقت ضيّق زود على الغم ضيقه
والفرح ما له بالمخاليــــق ميـثاق

مره طبوع الحظ تصبح شفيــــقه
تعطف وتعطي للرضا أمر الإطلاق

وإلا بدال السعْد دمع(ن) تريـــقه
في ليل هم(ن) ماله اليوم إشراق

كنّ الحزن لا صاح أقبل رفيقه
لين اجتمع ضيقٍ وهمٍ وارهــاق

ما كنه إلا بحــــــر يهلـك غريـــقه
وما كنّي الا جثة(ن) وسط الأعماق!

أو كنه الثعبـــان والسم ريــــقه
ينفث سمومه بين زفرات وشهاق

وإلا سيوف عداك لاحت بريقه
وإلا مثل سارق للأموال بــوّاق

لا والله .. إلا موت محدن يعيقه!
لا القوه ترده .. ولا طيب الأخلاق!

وما كني إلا حلم بعد الحقيقة
أخذني نزّاع(ن) للأرواح زهّاق !

الجسم بارد والعقل به حريقه !
ثم التقى الضدين بارد وحراق !

حالي كما عاشـــق وخانـــه عشيـقه
ومن صدمة الموقف إلى الحين مافاق !

وإلا مفارق خلّ كنّــــه شقيـقه
وإلا غريب الدار لا حنّ واشـتاق

العــقل محتاس(ن) وضيّــع طريقه
والعين تنزف دمعها حيل رقــراق

يا اللـــــه فرّجــها يا رب الخليــــقه
والطف بقلب(ن) من عنا الوقت خفّاق

الهم ما يعرف قلوب(ن) رقيقه
الهــم حــــرّاقٍ وللفرح سـرّاق




الشاعر
ثامر البدراني
(صادق الغلا)



وسلامة الجميع
منقوووووووول