انا ماني اكبر منك لكنـي اخبـر منـك ...! لـ / ابراهيم الشيخي ( رائعه )

[بــ ــــــــرق]

السلام عليكم ورحمة الله وبركاته



مساء الخير



اعجبتني وحبيت انقلها .. لعلها ترتقي لـ / ذائقتكم





بين ايديكم

.
.
.
.

انا ماني اكبر منك لكنـي اخبـر منـك=وفرق العمر لاشي مع فـارق الخبـرة

يجي يوم تطلب فزعتي فيه غصبا عنـك=وادلك على المخرج واعلمـك بالدبـرة

تعلم تغانـم فرصـة الوقـت اذا مكّنـك=وكن في حياتك معتبـر لاتكـن عبـرة

واذا كنت تجهل من تكون اختبر معدنـك=كفيل الزمان انـه يبيّـن مـدى صبـره

على شان تعرف تحتقر شخص ماثمنـك=وتثبت لمن يفخر بك انك علـى خبـره

لو انك تصديت لهوى النفـس ماوطنـك=على الاتكال وضيعـة الحـال والثبـرة

فكـم ميـتٍ ودك لـو مكفنـك كفنـك=وكم حـي ودك تذبحـه وتحفـر قبـره

والانسان لو كفه بطاقـة وجيبـه بنـك=على جرته فـالارض مايلتقـي شبـره

لاترقب سعة غيرك تجد حالتك في ضنك=لو انك بقصر تشوفه اضيق من الابـرة

تندم علـى مـا فـات لكـن لايحزنـك=الانسـان ماتغسـل قـذا عينـه العبـرة

لـ / ابراهيم الشيخي




تقبلوا تحياتي


بــ ــــــــــــرق