اضع بين ايديكم ابداع من ابداعات الشاعر / ناصر الحارثي
وعسا ان نوفق في الاختيار الذي نتمنى بأن يحوز ولو على بعض القليل من ارضاء الذائقه
وبأن لا تكون مكرره
الخاطر اللي ضـــاق بالهم وسعــــه = تنادت اجروحه وضاقت محانيـه
رجع عليــه الضيق والهم رجعـــــه = رجعة مسيء تايب عن مساويـــه
لا والله الا واقــــع فيــــه وقعـــــــه = وقعة عبث ساوت علاته بدانيــه
يامشتكي من جـــــور الايام وجعــه = وش حيلة اللي ثوب الاوجاع كاسيه
لامحجر اعيونه ذخـــــر فيه دمعـــه = ولا قدرت وضعه هواة المشاريه
ياغالي غــــلاه ماهــــوب بدعــــــــه = الا غــــلا مستوطن قلب مغليه
اسقيتني من كاسك العـــــذب ربعــــه = وانا ضميت الكاس وادمنت باقيه
صرت اتغذاء به على غيـــر شبعــــه = وصرت اشربه فوق الضما لجل يطفيه
عاشق شكا حب وراء قوس ضلعــــه = ياقلبي العاشق عط القوس باريه
قل يابعد عمري ترى العشق طبعـــه = لازاد زادت بالحنايا ضواميـــــه
قل صب لي عشق ترى العشق متعه = يفطر به الجرهــد وتزهر فيافيــه
يغسل هموم النفس من فيض نبعــــه = وتحيا به آمال على البعـد ترجيــه
وا حالي اللي شتت الشوق جمعــــه = وا وقتي اللي مالحقت اهتني فيــه
لي مدة والصبر ماطيق زرعــــــه = اسقيه عمري واحصد البوس والتيه
حمـــام ياللي كدر البــــال سجعــه = لاتجرح العاشق وتبحث خوافيــــــه
ماغيبت صلفات الايــــام وضعه = كفيلة ســـــود الليــــالي تبــــديـــــــه
02-04-2008, 04:45 AM
العرض العادي
