تَكْفَاَ تَرّاْ تَكْفَاَ لَهَاْ تَسَّْرَجَ اَلَخِيِلَ

[الـ ـشـ ـقـ ـا ويـ ـه]

صبحكم بالخير يااهل الشعر ..
حبيت انقل لكم قصيده للشاعر محمد الدحيمي الشهري المعروف بــ ( أخو تكفى )..

أما لطمنا العيل والا ألطم العيــــــل ×÷× مادام شب النار مندوب الاطفا
من ذاق حر القايله يعشق الليـــــل ×÷× ومن شب ضوه ليلة البرد يدفـا
امسيت في جيلٍ ولاهوب ذا الجيل ×÷× واصبحت والا ديرتي شبه منفـا
واللي حما بيته بطيـرن ابابيـــــل ×÷× ماجيت ادور كل من صد واقفا
ولاجيت ابشحذ يانما دلّه وهيـــل ×÷×جيتك وجرح الظلم غاديه يشفا
جيتك بكلمه كنها صعقة الــويـل ×÷× ان قلت تكفا لاتهـاون بتكفـــا
تكفا تراها كلمةٍ تقطم الحيــــــل ×÷× لابالله الا تنسف الحيـل نسفــا
تكفا ترا تكفا لها هدرة السيــــل ×÷× في صدر حرٍ ينتف الطيب نتفـا
تكفا ترا تكفا لها تسّرج الخيـــل ×÷× ان كان لك في مجمع الخيل عسفا
تكفا تراني من قرومٍ مشاكيـــل ×÷× حماية الساقه بسيـفٍ وشلفــــا
تكفا وتكفا ماتسـاق لمهابيـــــل ×÷× تكفا تخلّي القرم لاشٍ وهطفــا
تكفا ترى تكفا تهزّ الرجاجيـل ×÷× لولا صروف الوقت ماقلت تكفا

تقبلو تحياتي