يابنـت ياللـي بالـغـلا مالكتـنـي =خوفي من الله وارحميني وعـودي

[جطلي بن فهد]

سالت دموعي يـوم هـي ودعتنـي
وقالت تطمّن واحتفظ في عهـودي

بكـره أجيـك وفرحتـي غامرتنـي
واملا حياتـك يالحبيـب الـودودي

اقفـت وانـا كـل الغرابيـل جتنـي
طوّل غيابه وانبرى حـال عـودي

ابكـي عليهـا ودمعتـي حارقتنـي
وادعيلها بالخير حتـى بسجـودي

يابنـت ياللـي بالـغـلا مالكتـنـي
خوفي من الله وارحميني وعـودي

متجاهلتنـي !! ليـه؟ متجاهلتـنـي
أسأل عليـك ولاتحسّـي بجـودي

شوفـي عنـاي وعبرتـي خانقتنـي
والعين عيّـت تهتنـي بالرقـودي

وينك حياتي حـان موتـي وحتنـي
وشفت الظلام بكـل دربٍ يسـودي

وين العهـود اللـي بهـا حاكمتنـي
ويـن المـودّه يامبيّـح سـدودي

حسيت أنـا دنيـاي عقبـك جفتنـي
ضاقت علـى آفاقهـا والحـدودي

كنـت بوجـودك فرحتـي ساكنتنـي
واخشى على نفسي عيون الحسودي

لاواعـذابـي كانـهـا ناسيـتـنـي
وقامت تبادلني الغـلا بالصـدودي

وياشيـب عينـي كانهـا كارهتنـي
أهون عليّه موتتي مـن وجـودي
والله إنها عـن كـل شـي اشغلتنـي
واصبح غلاها بالضمايـر يـزودي

تبقـى و تبقـى بالغـلا ماخذتـنـي
واطلب من الله مايضيّـع جهـودي

ياموت خلّك حولـي وفـوق متنـي
خذنـي شهيـد لحبهـا باللحـودي




اتمنى تنال وتحوز على رضاكم واعجابكم


اهداء الى من احبه قلبي بس


تقبلو اطيب امنياتي لكم

اخيكم
سماوي بن نجم