عزي لقلب من عنا الوقت منظام ..
جاريت حرمانه و جوده لحالي
في دنيتي ياصعب تحقيق الاحلام ..
رضيت بالاقدار واللي جرالي
واشوف مع نور المشاريق مجهام ..
يرسم على وجه الهموم ارتحالي
واقول يالله يالمقادير قدام ..
الله كتب عمر الشقا والعنا لي
كله يهون اللي انكتب لي من اعوام ..
تلعب بي الاقدار اول وتالي
بس المصيبه لا الشقا حظه قام ..
بلمح البصر يرقاااا بروس الجبالي
يعيش من عرض الزمن فترة الهام ..
ويجود له حظه من الناس غالي
اللي ينسيه المصايب والاوهام ..
ومن الجفا يجزى بحلو الوصالي
ويشوف عمره لوحه بإيد رسام ..
يبدع بتصويره ولو هو خيالي
ويقول ياحلو الغلا ود و خصام ..
مع الحبيب اللي قلبه صفالي
وفي لحظه ماينتهي مسكها ختام ..
والشمس دايم تنتحي للزوالي
يفنى الورق بالحال وتجف الاقلام ..
ومطولك ياليلي ويااااااااعزتالي
عيون تحضن دمعة فراق وتنام ..
وعيون تسهر في وداع الغوالي
ويرتاح بال اللي من الحب ماهام ..
ياطيب قلب بالهوى مايبالي
مااقولها والقلب ماعود حطام ..
اقولها من ضيق قلبي وبالي
الدايم الله والهوى وقت مادام ..
اللي تدوم احزان سووود الليالي
15-08-2007, 07:32 AM
العرض الشجري