ليت المرض ينقل عن اللي نوده
والله لشيله عن غلا الناس سلطان
شيخ(ن) جميع الناس ذخر(ن) تعده
إن ضاقت الايام واشتدت أزمان
محد(ن) وصل بالجود والطيب حده
ووانا اشهد إنه أكثر الناس إنسان
كم واحد(ن)عن لحظة الياس رده
حتى زرع له بالأمل روض بستان
أما الشجاعه فاسأل اللي ينده
وعزي لمن لاقاه سلطان غضبان
يمناه إذا همت بحصن(ن) تهده
ويسراه ياما عدلت راس غلطان
وكل(ن) عطاه الله من الحمل قده
ونصيب ابو خالد هزع كل ميزان
وتضحك لها عينه وسنه وخده
ماكنها الا ريشة شالها حصان
يالله ياربي من العمر مده
كم عين محتاج ترجاه باحسان
06-05-2004, 01:27 PM
رائعه جديده لخالد الفيصل في كحيلان لبى قلوبهم والله
العرض الشجري