بعد انقطاع عن منتدى الشعر العام ..
اقدم لكم هذه القصيدة .. والتي هي ببساطه
يكفيها ان يكون شاعرها .. ((متعب التركي))
شاعر تناقلت وسائل الاعلام قصائده .. فحفظ الناس ابياته عن ظهر قلب
لأنها باختصار نابعة من القلب ,,
شاعرٌ ملأ الدنيا وشغل الناس .. ثم ترك الساحة الشعريه بصمت
اكره الإطاله .. فإليكم القصيده
نسيتني
نسيتنـي .. علمنـي شلـون ابنسـاك=في هالزمن نسيان الاحبـاب عـادي
وشلون لامرت على البـال ذكـراك=وطيفك سرق منـي لذيـذ الرقـادي
وشلون لا قالوا لي الناس وش جاك=من كنت فـي لـذة منامـك تنـادي ..؟!!
وشلون اعيش اللـي بقالـي بليـاك=لا من غدينا كـل واحـد.. بـوادي
لو قلت اداوي جرحي اللي تباطـاك=ماكل جرح يفيـد فيه...الضمـادي
((اعلنت حبـك ليـن كـلٍ .. تمنـاك=غلطه وغيري من خطاي استفـادي))
لو لي مثل قلبـك تمنيت .. فرقـاك=واكيد قبلك بالجفا.. صـرت بـادي
حلـوه عذاريبـك .. وحلوه مزايـاك=حتى بيوم فراقنـا.. (كنـت هـادي) ..!!
كن الليالي ودهـا تكسـب رضـاك=وآنا يطول مع الليالـي .. جهـادي
في ذمتي .. ماهي غريبـة خطايـاك=مبطي وقلبك لـو تنبهـت.. غـادي
سهله على من كان مثلك .. وشرواك=اهل الثياب .. يغيـرون المبـادي
علمنـي اكره .. ذكرياتك وطريـاك=وانسى من الليلة.. صدوق الـودادي
ولاني بقايل عقبها: ويـن ابالقـاك=راضي لو ان جروح قلبي .. جدادي
ولا القصايد.. جعلها مـن فدايـاك=لبستها مبطـي .. ثيـاب الحـدادي
باكر على المخطى يدورون الافـلاك=ونشوف من يصعب عليه البعـادي
للشاعر .. متعب التركي
عسى ان كون وفقت في اختياري
طيب الله اوقاتكم
الطرقي
العرض الشجري