تذكرون

[شيخ العرب]

نبي نسترجع بعض الذكريات الحلوه
لما كنا صغار يا حلو ذيك الايام
ذكريات العيال والبنات

1- تذكرون البنات قبل لي حطوا دهن في شعرهم ولا حنه كانوا يلفون راسهم بكيس جمعيه ولا كيس خبز لبناني ولازم شعار المطاحن يكون فوق لوووول
2- تذكرون لما اييلك واحد مليق من العايله اكبر منك ويقولك تبي اسويلك ساعه وانت مثل الاهبل تمدله ايدك ويقوم يعضك ذيج العضه اللي توارص منها
3- تذكرون لما كنا نصور فوري عند المصور مال الجمعيه وطبعا غصبن عليك الخلفيه زرقه مو بكيفك ولازم تمشط شعرك بالمشوطه اللي عنده كلهم قمل وصيبان وبعدين يقصلك الصورة بالاله اللي عنده ام ذراع والاطراف مشرشره يعني يكون حركه
4- تذكرون ايام حصة الموسيقى قبل كان الدرس لمدة سنه عباره عن تــــــــــافــــــــــــاتيــــــــــي فـــــــــــي تاتي والصفقه بصبعين بس ..... صج كان منهج صعب
5- تذكرون لي شفت واحد عنده سيارة مرسيدس كان يحوشك فضول الا تبي تعرف شنو اكو بالصيدليه اليل ورى بالسياره ونقعد انطلطل بالسياره واخر شي طلع بلاستر وباندج
6- تذكرون القوطي مال التفافيخ اللي على صابون كان لونه وردي ومغطاته زرقه والعود ماله اخضر ولي خلص بعد مايبيله صب فيه صابو اماعين ولا شامبو جونسن
7- تذكرون لما هبينا في نعل باته وانتوا بكرامه يعني انا واحد بايعها وشلايتي وراعي هوشات وما تهمني المظاهر 8- تذكرون اول يوم دوام بالمدرسه كانوا يسلمونا الكتب كلهم مع بعض وصافينهم من الكبيييييييييير لي الصغير وطبعا الكبير كتاب العلوم وكانوا يربطونهم بحل عشان ما ينفلون مع 6 كشاكيل
9- تذكرون المعجون الصغير اللي ريحته خايسه ومعاه عود لونه احمر وكنا نبطله بالمقلوب ونرعصه ونلف العود عليه وننفخ عشان نسوي تفاخيه وطبعا لاتفاخيه ولا قالها الله لين تطلع بلاعيمك منه
10تذكرون لما كنا نلعب كره مبارات بالفريج واذا كان واحد من الفريق ناقص لاعب بعد ما يبيله قولجي دفاع هجوم ماشاءالله قرندايزر مو قولجي وطبعا كان اللعب لــــــي اذان المغرب اول ما يقول الله اكبر يعني الصفاره11- تذكرون قبل ريحة شعر البنات كانت فايحه من الدهن ويلا الحمر تشم ريحته من بعد كيلو والله لا يوريك طابور المدرسه العموم ويلا
12- تذكرون يوم الجمعه كان ابو الغلقه الرده حق البيت كانت مبجر مع اذان المغرب وسبوح وتحضير دروس وتحط الجدول بالجنطه وطبعا الجدول يا ملزوق على باب الدار ولا على الطاوله ام نفر وفيها درج واحد وعلاق على جنب حق الجنطه
13- تذكرون لما كنا نشوف افتح ياسمسم وانتأثر بكعكي اللي ياكل بسكوت ونشتري بسكوت كاكاو ونقعد ناكل مثله والوالده تصارخ من قمة راسها قطيــــــعه شنو هالشفاحه من لاحقكم خخخخخ