اتصل بنا البحث up a3ln usercp home
 


العودة   ::. مـنتدى قبيلـة العجمـان .:: > الـمنتديات الادبيــــــة > :: مـنتدى القـــصص والروايـــات ::

إضافة رد
 
أدوات الموضوع انواع عرض الموضوع
  #1  
قديم 06-11-2004, 01:31 AM
الصورة الرمزية العماني
العماني العماني غير متواجد حالياً
 عضو فعال
 
تاريخ التسجيل: Apr 2004
المشاركات: 2,856
شاعر رنيه يفحم الشاعر الكبير محسن الهزاني بقصيدة على وزن (رنيه)


أرسل الشاعر المعروف محسن الهزاني قصيدة لرجل من اهل رنيه ويسمى (عبد رنيه) كلنا عبيد الله . هو بريك بن عذاب ال عذاب من موالي الوداعين من الدواسر
حيث سمع عنه انه شاعر حيث قال احد الاشخاص للهزاني : يا محسن انا لقيت واحد اشعر منك وكان محسن من اشعر اهل وقته الم يكن هو الاول.
فقال محسن: انا سوف ارى صحت ماقلت ان كنت صادق اوكاذب فارسل إليه هذه القصيدة.

يقول محسن الهزاني:


ياشين ماعينت لي داعج العين= قلبي عليها بالهوى زاد طنيَه
الى ضحك في مبسمه طقني بين= لجت محاحيل الحشا واقرشنيَه
ساره وزعبيه ونصرة غدت وين= خواتم باصباع سارة زهنيه
سارة حلاهن مير نصرة حلا العين= وسط كما الخاتم على ضو ضحنيَه
ان كان عندك وحدة عندنا الفين= حتى الرخيصه مانبيعه برنيَه
أمك ذلول بالخلا تردف اثنين=واختك تخرّف كنها المقفزنيه


فرد عليه عبد رنيه بقصيدة طويله علما بانها 90 بيت حسب قول العلامه بن خميس ولم يجمع منها الا القليل منها:



قال الذي يبدع من القاف تسعين=تسعين قاف كلبوهن علنيه
ياركب من فوق سمح الذراعين= فوقه غلام لاندبته شفنيَه
الميركه ماهود وشدادها زين=وخرج العقيلي والسفايف زهنيه
يطوي مسير العشر في ظرف ليلين =والليل الآخر بالحريق أمرحنيه
وصبح أربعٍ تلفي بيوت الهزازين =ولا جيتهم اعقل ذلولك بثنيه
يلفي الهزازنة القروم المسمين= من سمعني في مدحهم ماكذبنيَه
ذباحةٍ للحيل ومهبشٍ زين=وماكولهم يركد على الكبد هنيه
لا جيت مجلسهم ويلاهو يطرب العين=سيف الحرار سيوفهم يرهبنيه
واخص محسن شوق ضافي الجديلين= لولاه قال كليمة وازعلنيه
لومي عل اللي سامعه من زمانين= وراه ماقاضاه ولاعلمنيه
البارحه يقولون ليلة أثنين=أحس عيوني من الدمع حرقنيه
بكيت ولا بكان همٍ ولا دين=ولا لي غريم يذبحنيــه
أبكي على من له على المتن قرنين=سبيب شقراء عندما فزعنيه
ولا همني كود أنت يا مغيزل العين=يا بو قرون فوق متنه كسنيه
رقدت أنا واياه بالفراش نيمين=إلين حس الناس يوم أقعدنيه
أسقي من ريقه طعم سكرٍ زين=والله وقى ولا بغى يشرقنيه
يامحسن لوانك تشوف اريش العين= عفت الحريق وجيتنا صوب رنيه
لوشفت سعديه وثنوى وثنتين= في روشنن ماحلى حمامه وبنيه
ذرعان سعديه سواة العراجين =ومشرمخات بالذهب يلبسنيه
ولاشفت سعديه يجي القرن باعين= شروى حبال شفتهن يفتلنيه
وجسمه كما الدهدار والين من اللين=وخصره كما الفتخا بضبضاب حنيه
والعنق عنق الريم بين الشعيبين=لا شاف قناص الضحى واجفلنيه
وسنونها يا خوي بيض الفناجين=غزلان صيف عندما وضحنيه
وسعديه أزين مار نصره حلا عين=خواتمٍ بيدين نصره زهنيه
يا محسن قلبي تدالاه رمحين =وإلا حنيشٍ بالعقب ينهشنيه
لا تلومني يا خوي قلببي غدا وين=ولو شفتهن تعاف قصرك وبنيه
ان قلت لي قين فانا قين ابن قين= وان قلت انا شين فانا عبد رنيه
امي خلوج بالخلا تردف اثنين =واختي تهرول كنها المقفزنيه
والاانت شيخ من رجال عريبين =ارفع مقامك عن صرات الركنيه
مار أنت يلي شوفتك تطرب العين=رجليك بالمغراب لا تزلقنيه


ولقد تفاجأ محسن الهزاني بعد هذه القصيدة،واعترف انه اشعر منه
ولم يستطع الرد خوف من عبد رنيه وتهديده في اخر القصيدة.


تقبلوا تحياتي،،

__________________


التعديل الأخير تم بواسطة العماني ; 06-11-2004 الساعة 11:16 PM
رد مع اقتباس
  #2  
قديم 06-11-2004, 04:35 AM
محمد أبو زيد محمد أبو زيد غير متواجد حالياً
 عضو فعال
 
تاريخ التسجيل: Sep 2004
الدولة: الواقـــــع
المشاركات: 1,133

عزالله انه افحمه صح


العماني لاهنت على الموضوع يالسنافي


وتقبل تحياتي

__________________


الزمن ماهو رفيقٍ لي ولا إبن عمّي = يعني المصفوط لايمكن يجي من صوبه

أتحرّى منّه الفجعه .. وفورة دمّي = ويتفاجأ منّي بصبرٍ وسـاع دروبه

رد مع اقتباس
  #3  
قديم 06-11-2004, 05:34 AM
الصورة الرمزية أبو الوليد
أبو الوليد أبو الوليد غير متواجد حالياً
 عضو فعال
 
تاريخ التسجيل: Feb 2004
المشاركات: 1,586

لاهنت يا بومبارك جزل وما تجيب الا الجزل

تحياتي لك

__________________

رد مع اقتباس
  #4  
قديم 06-11-2004, 09:57 PM
الصورة الرمزية العماني
العماني العماني غير متواجد حالياً
 عضو فعال
 
تاريخ التسجيل: Apr 2004
المشاركات: 2,856

شديد الباس

ولا انت يالقرم وتسلم طال عمرك على الرد الطيب

تقبل تحياتي،،

__________________

رد مع اقتباس
  #5  
قديم 06-11-2004, 10:50 PM
الصورة الرمزية راكان اليامي
راكان اليامي راكان اليامي غير متواجد حالياً
 عضو خاص
 
تاريخ التسجيل: Nov 2003
الدولة: ديــار السلاطين
المشاركات: 7,659

والله حشر الرجال عبد رنيه

لاهنت يابو مبارك على الموضوع

__________________
ممنوع وضع الايميل بالتوقيع

رد مع اقتباس
  #6  
قديم 06-11-2004, 10:57 PM
الصورة الرمزية العماني
العماني العماني غير متواجد حالياً
 عضو فعال
 
تاريخ التسجيل: Apr 2004
المشاركات: 2,856

أبو الوليد

ولا انت وتسلم على الاطراء الطيب

تقبل تحياتي،،

__________________

رد مع اقتباس
  #7  
قديم 06-11-2004, 11:12 PM
حبيب حبيب غير متواجد حالياً
 عضو فعال
 
تاريخ التسجيل: Apr 2004
المشاركات: 1,294

العماني لاهنت على النقل الموفق

وعز الله انه رد عليه رد جامد

تحياتي

__________________


اني لمن قومٍ يعز عليهم= قتل الرعاة ودمعة الحسناءِ

رد مع اقتباس
  #8  
قديم 07-11-2004, 12:26 AM
عيد بن شدقان عيد بن شدقان غير متواجد حالياً
 عضو خاص
 
تاريخ التسجيل: Feb 2004
الدولة: الـــــــكويت
المشاركات: 7,999

اشهد انه رد عليه ردن جامد
لاهنت
وبيض الله وجهك يالعماني

اختياااااااااااااااار رائع

رد مع اقتباس
  #9  
قديم 07-11-2004, 03:04 AM
ابوتركى ابوتركى غير متواجد حالياً
 عضو خاص
 
تاريخ التسجيل: Mar 2004
الدولة: الكــــــــــــــــــــــويت
المشاركات: 7,170



لاهنت يابومبارك على اختيارك للمواضيع الجميله

لك الشكر

__________________

رد مع اقتباس
  #10  
قديم 07-11-2004, 11:19 AM
الصورة الرمزية غنواوى
غنواوى غنواوى غير متواجد حالياً
 عضو ذهبي
 
تاريخ التسجيل: May 2004
الدولة: كويت العز
المشاركات: 517

تسلم يالعمانى على الرديه الطيبه


كنت اعرفها ناقصه واول مره اقراها كامله

لاهنت يالذيب

رد مع اقتباس
  #11  
قديم 07-11-2004, 11:54 AM
سمو الامير سمو الامير غير متواجد حالياً
 عضو فعال
 
تاريخ التسجيل: May 2004
الدولة: المملكه العربيه السعوديه
المشاركات: 1,312

عز الله انه شاعر عبد رنيه

ولاهنت يالعماني على القصه والابيات الجزله

__________________
ممنوع وضع الايميل بالتوقيع

رد مع اقتباس
  #12  
قديم 07-11-2004, 12:08 PM
جالس بن مبارك جالس بن مبارك غير متواجد حالياً
 عضو خاص
 
تاريخ التسجيل: Jun 2004
الدولة: كويت العز
المشاركات: 7,851

لا هنت يا ابو مبارك و بيض الله و جهك

رد مع اقتباس
  #13  
قديم 10-11-2004, 12:32 AM
الصورة الرمزية العماني
العماني العماني غير متواجد حالياً
 عضو فعال
 
تاريخ التسجيل: Apr 2004
المشاركات: 2,856

راكان اليامي

ولا انت يالقرم وتسلم على الرد الطيب

تقبل تحياتي،،

__________________

رد مع اقتباس
  #14  
قديم 10-11-2004, 12:37 AM
الصورة الرمزية العماني
العماني العماني غير متواجد حالياً
 عضو فعال
 
تاريخ التسجيل: Apr 2004
المشاركات: 2,856

حبيب

ولا انت يالقرم وتسلم على الرد الطيب

تقبل تحياتي،،

__________________

رد مع اقتباس
  #15  
قديم 10-11-2004, 12:49 AM
الصورة الرمزية العماني
العماني العماني غير متواجد حالياً
 عضو فعال
 
تاريخ التسجيل: Apr 2004
المشاركات: 2,856

ذياب

ووجهك ابيض يالقرم وتسلم على الرد الطيب

تقبل تحياتي،،

__________________

رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 04:46 PM.


Powered by vBulletin® Version 3.8.0, Copyright ©2000 - 2014, Jelsoft Enterprises Ltd. TranZ By Almuhajir
Design And Develop By DevelopWay

تصميم : طريق التطوير
لحلول الإنترنت والتصميم DevelopWay.com