هية خريص وقصيدة الفارس ناصر بن سرحان السفراني فيها

[العماني]

السلام عليكم روحمة الله وبركاته

خريص عد ماء معروف ، وهو أحد الموراد المشهورة للغييثات من الدواسر ،وفي وفي احد السنين وردت أحدى القبائل على خريص وكان أمير خريص من قبل الحكومة السعودية أنذاك منهم واسمه (شالح) وكان قد شجعهم على النزول على خريص والتحرش بأهلها فوردوا على الماء وكان عنده امرأة من الغييثات اسمها (نويّر) فقاموا أولائك القوم بكب قرب الماء اللي معها وطرحوا الصملان وطردوها من الماء فبكت البنت وصاحت واستنجدت بالغييثات .

فهبوا ابناء الغييثات القريبين منهم وصارت معركة بين الطرفين انتهت بانتصار الغييثات و هزيمة القوم المعتدين بقتل عدة رجال منهم وتصويب الكثيرين وطردهم من خريص.

وقد شهد هذه الهية الفارس المعروف ناصر بن سرحان آل سفران العجمي(أبو كروز) رحمة الله عليه

فأنشد هذه القصيدة بعدما رأى ما فعله الغييثات في المعركة.منها

ليل(ن) على ...... ياليـل النـدم=ماجنبـت ********هـا اللـي يقودهـا
هذا كلـه لعينـا مـزادت ( نويـّر)=وذا شرع من زار العرب بحدودها
كله لعينا صبيحا والجوف=واللي تبين من عاريات نفودها
ولا لعينا صفرا ً يوم درهمت=.اللي ما تعاين مفرودها
جلدهـم (الجـلادي) فـي مركـاظـه=مايعرف لوحهـا مـن عمودهـا
عن المهاة اللـي تقـود الجميلـة=ياشيب عيني من محاجر خدودهـا
ياللي تجون القريني عندي موتـر=مع ذودنا خمسين فـي معدودهـا
اما يعطيني شيمة العرب للعـرب=ولد حسين وفارس(ن) من اسودها
وان كـان لامعطـي ولا بـايـع=فالله يقرب رمتـه مـن لحودها

الجلادي: حسن الجلادي الغييثات.

وعندما وصل خبر النصر لعبدالله بن مسفر آل عويفي الغييثات انشد قصيدة مطلعها :ـ

يوم ليل خريص نعماً بربعي في لقاه = عزه الله ليلتا شاع ذكر اخبارها
يوم دبر (شالح) شاف شي ما هواه= فزعته يم الاساتك يبي نثارها
لا وزانا مجرم توسم عصاه =عزه الله بدنتاً ما يعارض جارها
هيه ياللي نهده صغيراً في حشاه= اطمحي للي يحتمل لأشرارها

وللأسف لا يحظرني باقيها.

واسمحولي على القصور.

[فيصل بن حجرف]

السلام عليكم
لاهنت اخي العزيز العماني على المشاركة الرائعة
والله يرحمهم جميع ويرحم ابو كروز

[محمد الغريري]

يا بن غياث ...


العارف لا يعرف واهل الفعول البيّنة انتوا اهلها

[العماني]

Alajman

ولا انت والله لايهينك ومشكور على الرد الطيب.

تقبل تحياتي،،

[راكان اليامي]

لاهنت يابو مبارك
والله يرحم بن سرحان وشيبانا اجمعين

ونعم فيكم يالغييثات انتو هل القول والفعل طال عمرك

[ابوحمد الشامري]

ونعم ونعم مليون بالغييثات اهل الردات وذي ماهيب غريبة عليه ذا الامور ونعم بهم في حقهم اشوي وشهادتي فيهم مجروحه لان تاريخهم وتاريخ ربعهم الدواسر مثل البيرق اللي يرفرف وكل الخلق يشوفه.

والله يرحم ابن سرحان ويسكنه جنات النعيم وموتى المسلمين اجمعين.

اخيك ابو حمد الشامري

[الهتلاني]

لاهنت يالعمانى
وبيض الله وجهك
وعموم الدواسر لهم تاريخ يبيض الوجه
والله يرحم ابو كروز قول وفعل

[العماني]

محمد الغريري

حياك الله وماعليك زود يالقرم ولاهنت على المرور

تقبل تحياتي،،

[واثق]

والنعم والله بالغييثات وألاد زايد عموما, وما قصرت يالعماني على السالفة.

[الحساام]

ونعم بالغيثات

وبوكروز شجاع وطيب ويحب اهل الشجاعه والطيب