قصيدتي في حاضرة العجمان بالرس

[الشاعر فهد الفوزان]

السلام عليكم
الله يمسيكم بالرضا والمحبه
هذي قصيدتي في احتفال الشوارخ بعيد الفطر الماضي
وهي تجمع العوايل التي تمثل حاضرة العجمان في القصيم
وبالأخص بمحافظة الرس
للجميع مودتي ومحبتي ،،
//

سلام الله على كل الحظور ومرحبا واهلين
،،،،،،،،،،،،، سلام ٍ ياصل اصحاب الحفل ، والحفل ، والضيفان
هلا باللي لفونا من قريب ، ومن لفو عانين
،،،،،،،،،،،،،،،،،،،، هلا .. ياعزوة الديره ،، هلا يا ريحة الجدان
بعيد الفطر اهنيكم .. وعيدي هالسنه عيدين
،،،،،،،،،،،،،،،،، بجمعتكم ، وشوفتكم يد ٍ وحده كما الاخوان
ومدام الجد واحد والاصل واحد فـ هالثنتين
،،،،،،،،،،،،،، سبب كافي لجمعتنا ، شباب وشيب ٍ وشيبان
ترانا من نسل رجل ٍ حباه الله فضل ودين
،،،،،،،،،،،،،،،،،،،،، وبارك له بنسله ، وبحلاله .. والله المنان
رحل ، وعقّب اعيال ٍ ، بفعل الخير مذكورين
،،،،،،،،، حمد وارميحي وشارخ وعلي ، والخامس سليمان
وحنا من سلالتهم ، سنين ٍ من وراها اسنين
،،،،،،،،،،،،،،،،،،، عوايل ، جعل خالقنا يثبتنا على الإيمان
وألا يارب للحيين ــ غفرانك ــ وللميتين
،،،،،،،،،،،،،، إليك الأمر في شأن الخلايق يا عظيم الشان
وألا يا رب تجمعنا ، وتجعلنا من البادين
،،،،،،،،، بلم الشمل ، قول وفعل .. بالحسنى وبالإحسان
وترى كل الشوارخ والعواجا والعذل ..وافين
،،،،،،،،،،،،،، مع العساف والحواس والقرناس والفوزان
ومع الدهلاوي وكل الغفالا والحمد .. وافين
،،،،، ومع المتعب مع الاكرش مع الحصيّن مع الطولان
ومع المزروع والجمعه والاصقه والسعد .. وافين
،،،،،،،،،،،،،،،، ومع العماش والمجحود والرفاع والبلطان
ومع الرميحي والدخيلي ومع الحزابي ترى وافين
،،،،،،،،،،، ولا ننسى الرشيد ومعهم المزيد مع العقلان
مع الصغيّر والأميّر مع المطوع .. ترى وافين
،،،،،، مع الحميد ومع الرميح ومع المفيز ومع العلوان
ومع المسعود والشريّف ومعهم العلي .. وافين
،،،، مع العبيشي مع السيف ومع الفديح ومع الهوشان
مع الحزاب ومع العضيب ومع النصيان .. هم وافين
،،،،،،،،، ولا ننسى الصبي ويا الزراج ومعهم العفيسان
حمايل .. جدهم واحد ، من ايامه إلى هالحين
،،،،،،، بأمارتهم وسيرتهم .. غدو من سادة العجمان
بهم دين ولهم صيت وبهم بأس ٍ شقيق لــ لين
،،،،،،،،، جبابرة ٍ على الظالم ، مضامين ٍ مع الجيران
وقد قيلت : بماضيهم وحاضرهم .. وإلى بعدين
،،،،،،،، سلاطين بتواضعهم ، شياطين ٍ على العدوان
وختام القاف : يالرس العزيزه .. صار لي يومين
،،،،،،،، وانا آفكر وش أكتب بالأهل والربع والعمان
وتذكرت المطية ، والمزارع مع بيوت الطين
،،،،،،،،، وذكرت العيد وامطار الشاء والحزم والقلبان
وجاد الفكر بأبيات الشعر .. عيدية الغالين
،،،،،،،،، هدية للجماعه .. والشرف للشعر والقيفان
وتحياتي لكم .. والله يمسكنا زمام أمرين
،،،،، محبتنا لبعض ، واحمايته من نزغة الشيطان
وتحياتي لأهل الرس ، من الوادي إلى القشيعين
،،،،،، وغلاي لديرتي ماله حدود ، وما يبي برهان
وترى هالأرض قطعه من حشا الماضين والتالين
،،،،،،،، واذا للحزم صبيان ٍ .. فحنا أشجع الصبيان

اخوكم الشاعر /
فهد الفوزان الشارخ
25 / 9 / 1434 هـ

[●• Ŝђǿǿq •●]

والنِعم فيَهم ..
صح لسآنكـَ وتِسلَم يمينكـَ ..~

[الباشا]

صح السانك
ولا هنت

[الـعـابـر]

صح لسانك

[عذب المعاني]

صح لسانك يـ السنافي