طريقه عمل (( الباستا )) بالصور

[سفيره بني خالد]

آلسلآم عليكَم ورحمه الله وبركَـآإته

بمـآ إني آموت على هّـ الأكله وكَنت آبحث عن طريقتهآ بـ آلنت
وعينتها وقلت آجيبهآ لخواتي يستفيدون معي ..~

طريقه عمل (( الباستا ))
المقادير



اول شي نبدآ بعمل الصلصه الحمره ..

وهي عباره عن طماطم .. وفلفل اخضر .. ومعجون طماطم .. وماء

وتقريبا .. 3 حبات طماطم .. و نص فلفل اخضر متوسطه .. و معجون طماطم .. كاس ماء

نحطهم بالخلاط ونخلطهم ..

وبعدين نحطهم بقدر صغير.. ونخليهم على نار هاديه لما يصير غليظ ..



بعضهم يحبون الصلصه حمره .. لما تشوفون لونها فاتح زيدوا عليها معجون طماطم اذا حبيتو ..

بعدين نضيف لها البهار ..

( فلفل اسود .. فلفل احمر .. ثوم مطحون .. كمون.. وشوي ملح ) وأي بهار تحبونه ..



وبعدين ننتقل للصلصه البيضه ..

في انواع واجد للصلصه البيضه ..

3 مكعبات جبن كيري .. و1 قيمر .. و 4 كاس ماء .. 6 ملاعق حليب بودره ..
7 الى 10 ملاعق طحين .. وشوي ملح

ونخلطهم بالخلاط ..



وبعدين نحطهم في قدر على نار هاديه .. لما يصير غليظ ..

مثل صلصه البشاميل ..



نقطع الكوسه .. والمشروم



ونقطع البروكلي



و نقطع شرايح الدجاج .. او بعضهم يحبون سجق .. او ربيان ..
و نسلق المعكرونه



ناخذ مقلآه شوي واسعه .. ونحط فيه شوي زيت ونحط فيه الكوسه والمشروم والبروكلي ونحركه



بعدين نضيف عليه الدجاج .. مع شوي ماء .. ونحركه لما يستوي الدجاج .. ويتبخر الماي ..



لما يتبخر .. نضيف عليه المعكرونه .. و تقريبا 4 ملاعق كبار صلصه بيضه و ملعقتين كبار صلصه حمره

وحسب المزاج .. بعضهم يحبونها حاره اكثر .. فيزيدون الحمره .. والعكس

اذا حسيتوا انها غليظه مره .. ضيفوا شوي ماء ..

وخلوها لين تغلي شوي ..



ونحط عليها جبن الموزريلا .. او اي جبن تحبونه .. ونطفي النار ونخلطه معاه

لانه الجبن يذوب بسرعه






وهني وعآإفيه حبيبآإتي