الفارس والشاعر : شالح ابن هدلان

[^^محمد ابن مرزوق^^]

السلام عليكم ورحمة الله وبركاته




اخواني المشرفين واعضاء وزوّار ....الكرام
أحب أنّ أطرح عليكم فكره جديده ... وهي نبذّه عن فارس وشاعر بنفس الوقت ... من جميع قبائل شبه الجزيره العربيه .... تحكي عن نشأته وفروسيتّه وشاعريتّه والأحداث المهمّه اللتي جرت في عصره ... وأتمنى من الله التوفيق ...




هذا موضوع الفارس والشاعر / شالح بن هدلان
هو الفارس المشهور / شالح بن حطاب بن هدلان بن قاشان بن قريان بن دراج بن حسن بن خنفر أل محمد .. الجحادر .. القحطاني
لايعرف تاريخ ميلاده بالتحديد ولكنه توفي سنة 1340هـ 1341هـ تقريباّ قرب ( ضرما )
نشأ شالح بين أفراد قبيلته الخنافره من قحطان فكان مثاليّا بشجاعته وامانته وصدقه وكرمه وحسن خلقه
وكان يحكم لحل المشاكل سواء ٍ كانت قبيلته اوّ فرديّه فكان محبوباّ عند قبائل قحطان والقبائل الاخرى
كان الفديع أصغر من شالح سنّا ولكنه يماثل اخيه شالح في كل شي بشجاعته باخلاقه وباالاضافه انه كان مغامراّ بفروسيتّه الى حدٍ بعيد ومطيعٍ لاخيه في كل شيئ والدليل على ذلك قصيده للفديع وهي كالتالي :




يابـو ذعـار افديـك لـونـي لحـالـي ***** واصبر علـى الدنيـا وباقـي تعبهـا
وان غـمّ اخـوه معثـريـن العيـالـي ***** انـا لخويـه سـعـد عيـنـه عجبـهـا
وان جـنّ مثـل مخزمـات الجمالـي***** كـم سابـقٍ تقـزا وانـا مـن سببهـا
كــم خـفـرةٍ قــد حـرمّـت للـدلالـي***** لبسـت سـوادٍ عقـب لــذّة طربـهـا
وان جيت لي قفرٍ من النشر خاليي**** فرج بي الحـوّاز يـوم أقبـل ابهـا
افـديـك ياشـالـح بحـالـي ومـالــيي***** افـارس الفرسـان مقـدم عربـهـا
يامتـيّـهٍ أبـلـه بـــروس المـفـالـيياللـي***** حميـت أحـدودهـا ياجنبـهـا






فتأثر شالح بما قاله الفديع فرد قائلاّ :





واخوي ياللـي عقـب فرقـاه باضيـع ***** كنيّ بمـا يجـري علـى العمـر داري
اخــوي يـاسـتـر الـبـنـيّ المـفـاريـع ***** ومطلق لسان اللـي باهلهـا تمـاري
مـاقـطّ يــومٍ شــد بـيــن الـفـراريـع ****** يـاكـود مابـيـن الكـمـى والمـشـاري
ليـتـه عصـانـي مــرةٍ قــال ماطـيـع ***** كود انيّ اصبر يوم تجري الجواري
انشهـد انّــه لــي سـريـع المنافـيـع ***** عـبـدٍ ملـيـكٍ لــي ولانــي بـشــاري
تشهـد علـيـه منـاتـلات المصـاريـع ***** ومطلق لسان اللـي باهلهـا تمـاري
يمـنـاه تنـثـر مــن دمـاهـم قراطـيـع ***** وعـوق العديـم اللـي بدمّـه يـثـاري
جــداّع سفـريـن الوجـيـه المـداريـع ***** خلي سـروج الخيـل منهـم عـواري
القـلـب ماينـسـى بـعـيـد المـنـاويـع ***** ليثٍ علـى صيـد المشاهيـر ضـاري



ووقع ماتوقعه شالح عن مستقبل اخيه الفديع والذي قتل في احدى معارك قحطان مع عتيبه ورثاه بالقصيده المشهوره وهي كالتالي



امس الضحى عديت روس الطويلات ***** وهيضـت فـي راس الحجـا ماطرالـي
وجريـت مـن خافـي المعاليـق ونّــات ***** والقلـب مـن بيـن الصنـاديـق جـالـي
واخوي ياللي يـم قـارة ( خفـا ) فـات ***** مـن عـاد مـن عقبـه بيستـر خمـالـي
ليـتـه كفـانـي ســوّ بـقـعـا ولا مـــات ***** وانـــا كفـيـتـه ســـوّ قـبــرٍ هـيـالــي
وليـتـه مــع الحيـيـن راع الجـمـالات ***** وانــا فــدا لــه مــن غـبـون الليـالـي
واخوي يومن بعـض الأخـوان فـلاّت ***** مــن خلقـتـه مـاقـال ذا لـــك وذالـــي
تبكـيـه هـجـنٍ تـالـي اللـيـل عـجـلات ***** ترقـب وعدهـا يــوم غــاب الهـلالـي
وتبكـي علـى شـوفـه بـنـيٍ عفيـفـات ***** ومـن عـقـب فـقـده حـرمّـن الـدلالـي
عوق العديم ان جـاء نهـار المثـارات ***** والخيـل مـن حسّـه يجيـهـن أجفـالـي



وبقى شالح حزينّا على أخيه فعزم بالثأر للفديع .. وبقى شالح يترقّب الفرص بالحمده من رؤساء عتيبه بعد ان تقابل الطرفين في احدى المعارك .. عمد احد فرسان ال هدلان للفارس عبيد بن تركي بن حميد فقتله .. فكبرت مصيبة الحمده على مقتل عبيد .. فقال ضيف الله بن تركي هذه القصيده :




يـاونـتـي ونّـــة كـسـيـر الـجـبـاره ***** اليـا وقـف مااحتـال واليـا قعـد ونّ
علـيـك يـاشـبّـاب ضـــوّ الـمـنـاره ***** علـيـك تـرفـات الصبـايـا يـنـوحـن
مـن مـات عقـب عبيـد قلنـا وداره ***** لابـاكــيٍ عـقـبـه ولا قـايــلٍ مــــن
تبكـيـه صـفـراّ البسـوهـا الـغـيـاره ***** وتبكـيـه يــوم انّ السـبـايـا يـعـنـن
وتبكـيـه وضــحٍ ربـعّـت بالـزبـاره ***** الـيـا قــزن مــن خـايــعٍ مـايــردّن
الخيـل عقـب عبـيـد مـابـه نـمـاره ***** وشعاد لوّ راحن ووشعـاد لـوّ جـنّ
ياشـيـخ مـاتـامـر علـيـهـم بـغــاره ***** كود الجروح اللي على القلب يبرن
يـقـطـع صـبــيٍ مـايـنـادي بـثــاره ***** الـى اقبـلـن ذولــي وذولـيـك قـفّـن
ياهـل الرمـك كـلٍ يعسـف امـهـاره ***** والمـنـع مانطـريـه لاهــم ولا حــن



فرد شالح بن هدلان على قصيدة ضيف الله بالقصيده التاليه :




ضيـف الله اشـرب ماشربنـا مــراره ***** واصـبـر وكـنّـك شـالـحٍ يــوم حــزّن
راح الفـديـع الـلـي علـيـنـا خـســاره ***** واخـذ قـضـاه عبـيـد حـامـي ثقلـهـن
يمنـىّ رمــت بــه ماتجيـهـا الجـبـاره ***** الـلـي رمــت بعبـيـد فــي معتلـجـهـن
من نسـل ابـوي وضـاريٍ بالشطـاره ***** يصيـب رمحـه يـوم الأرمـاح يخطـن
وعـبـيـد خــلــيّ طــايــحٍ بـالـمـعـاره ***** علـيـه عكـفـات المـخـالـب يـحـومـن
وعـادتـنـا بالـصـيـد نـاخــذ اخـيــاره ***** ثــلاة الجـذعـان غـصـبٍ بـــلا مـــن
ياقاطـع الحسنـى تـرى العـلـم شــاره ***** لابــــد دورات الـلـيـالــي يـــــدورن
حـريـبـنـا كــنّــه رقــيــد الـخــبــاره ***** خطـرٍ عليـه اليـا تـوقّـظ مــن الـجـن
مــانـــي بـقــصّــادٍ بـلــيّــا نــمـــاره ***** اجـدع نطيحـي بالسـهـل وان تـلاقـن
مــن حــل دار الـنـاس حـلـوّ اديــاره ***** لابـــد مـاتـسـكـن ديــــاره ويـغـبــن
ومن شق ستر النـاس شقـوّ استـاره ***** ومن ضحك بالثرمان يضحك بلا سن
وان كان ضيـف الله يعسّـف امهـاره ***** فمهارنـا مــن عـصـر نــوحٍ يطيـعـن
تـدنــا لـصـبـيـانٍ ســــواة الـنـمــاره ***** شـهــبٍ لمـاضـيـن الفـعـايـل يـعـنـن



وعندما جلس شالح وقت وهو حزين على موت الفديع ورضى بقضى الله وقدره ... أعاضه الله ........( بذيب ) ...........
وكان لشالح ستة ابناء ( ذعار . وذيب . ومناحي . وسداح . وعبدالله . ومحمد ) رباهم شالح على مكارم الأخلاق وعلى الفروسيه وتبيّن لأب من سيعوضه بالفديع فكان ذيب محط اهتمام والده حيث بزغ نجم الفروسيه به والشجاعه والرجوله من الصغر
وبرز ذيب واصبح مضرب المثل بشجاعته بين قبائل الجزيره العربيه
وذات يوم اجتمع كبار قحطان في أمر مالم يدعو فيه شالح ... فغضب شالح من ذلك الأمر وقرر الرحيل وقال هذه القصيده المشهوره



انـا ليـا كثـرت الأشـاويـر ماشـيـر ***** حلـفـت مـاتــي بـــارزٍ مـادعـانـي
وانــا خـويّـه بالـلـيـال المعـاسـيـر ***** والا الـرخـا كـلـنٍ يـســد بمـكـانـي
وشوري ليا هجّت توالي المظاهير ***** شلـفـاّ عليـهـا رايــب الــدم قـانـي
شلفّـا معـوّدهـا لـجـدع المشاهـيـر ***** يــوم السبـايـا كـنـهـا الديـدحـانـي
مـانـي بخـبـلٍ مايـعـرف المعايـيـر ***** قدني علـى قطـع الفـرج مرجعانـي
ان سندوّ حدرت صـوب الجوافيـر ***** وان حــدروا سـنـدت لمرييـغـانـي
تاخـذ بخيـران المريـبـخ مسايـيـر ***** ومادبـر المولـى علـى العبـد كانـي




فرحل شالح بعد هذه القصيده الى قبيلة الدواسر ... واثناء وجود شالح مع الدواسر أغار فرسان عتيبه على الدواسر وكان عمر ذيب 14 سنه وكان والده قد اعد فرساّ من الخيل ودربه على فنون القتال لانه يعلق عليه امالاّ كبيره
وكان الدواسر قد لحقو بالمغيرين وارتدوّا ابلهم ومعهم ابن جارهم ذيب بن شالح والذي دفع بجواده الى فارس من فرسان عتيبه فضربه بالرمح واخذ جواد الفارس وتعتبر غنيمه واللتي اتضح بعدها انه لايعادلها شي من خيل اعتيبه وربما نجد ايضّا
وعندما علم الأمير محمد بن سعود بن فيصل ومحمد بن رشيد امير حائل ارسل كلٍ منهما رساله لطلب الفرس الغنيمه من شالح ... ولكنه اعتذر وقال هذه القصيده :




ياسابقي كثرت اعلـوم العـرب فيـك ***** اعلـوم الملـوك امـن اولٍ ثـم تـالـي
لانــي بــلا بـايـع ولانــي بمهـديـك ***** وانا اللـي استاهـل هـدوا كـل غالـي
وانتي من الثلث المحرّم ولا اعطيك ***** وانتـي بهـا الدنيـا شـريـدة حـلالـي
يامـا حلـى خطـو القـلاعـه تبـاريـك ***** افـرح بهـا قلـب الصديـق المـوالـي
وياما حلى زيـن النـدا فـي مواطيـك ***** فـي عثعـثٍ تـوّه مـن الوسـم خالـي
وياحلـو شمشـولٍ مـن البـدو يتليـك ***** بقفـرٍ بـه الـجـازي تــرب الغـزالـي
الخـيـر كـلّـه نـابـتٍ فــي نواصـيـك ***** وادلـه لـيـا راعـيـت زولــك قبـالـي
بالضيـق لوجـيـه المـداريـع نثنـيـك ***** وعجله وريضه مـن خـلال التوالـي
حقـك علـيّ انـي مـن الـبـر ابـديـك ***** وعلى بدنـك الجـوخ أحطّـه اجلالـي
يانفـدا اللـي حصلـك مــن مجانـيـك ****** جابـك عقـاب الخيـل ذيـب العيـالـي
جابك صبيّ الجود من كـف راعيـك ***** فـي ساعـةٍ تذهـل عقـول الرجـالـي
ياسـابـقـي نـبــي نـبـعّـد مشـاحـيـك ***** والبـعـد سـلـم مكـرمـيـن السـبـالـي
صوب الجنوب وديرته ننتحي فيـك ***** لربـعٍ مـن الأونــاس قـفـرٍ وخـالـي





ورحل بعد ذلك الى الربع الخالي خوفاّ على جواد ذيب تؤخذ قسراّ
وفي هذه الفتره سطع نجم ذيب بن شالح واتجهت له الأنظار وزاد حب ابوه له وادرك شالح بانه مفارق ذيب لا محاله وقال شالح وهو يرثي ذيب بالقصيده المشهوره وهو حياّ !!! :




ماذكـر بـه حـيّـا بـكـى حــي يـاذيـب ***** واليـوم انـا ببكـيـك لــو كـنـت حـيّـا
وياذيب يبكونـك هـل الفطـر الشيـب ***** ان لايعـتـهـم مـثــل خـيــل الـمـحـيّـا
وتبكـيـك قطـعـانٍ عليـهـا الكوالـيـب ***** وشـيّـال حـمـل الـلـي يـبـون الكفـيّـا
وتبكـيـك وضــحٍ علقـوهـا دبـاديــب ***** ان رددت مـن يـمّـة الـخـوف علـيـا
ويبكيـك مـن صكّـة عليـه المغالـيـب ***** ان صاح باعلى الصوت ياهل الحميّا
ننزل بك الحزم المطـرّف الـى هيـب ***** ان رددوهــــن نـاقـلـيـن الـعـصـيّــا
انـا اشهـد انـك بيننـا منقـع الطـيـب ***** والـطـيـب عـســرٍ مطـلـبـه ماتـهـيّـا




وبعدها كان ذيب جالس عند والده وكان شالح يمازح ذيب بهذه الأبيات ... ولكن ذيب اخذ الأمر بجديّه : وهذا ماقاله شالح بممازحة ابنه ذيب :





ياذيـب انــا يـابـوك حـالـي تــرداّ ***** وانا عليك امن المواجيـب ياذيـب
تكسب لي اللـي لاقـحٍ عقـب عـداّ ***** طويلة النسنوس حرشا عراقيـب
تـجـر ذيــلٍ مـثـل حـبــل الـمـعـداّ ***** وتبري لحيـرانٍ صغـارٍ حباحيـب
واشري لك اللـي ركضهـا ماتقـدا ***** ماحدٍ لقى فيها عيـوب وعذاريـب
قبّـا علـى خيـل المـعـادي تـحـدى ***** مثل الفهد يوثـب عليهـم تواثيـب
انشـهـد انــك بـالـلـوازم تـســداا ***** وانشهد انك خيرة الربع بالطيـب
ياللـي علـى ذيـب السـرايـا تـعـدا ***** لو حال من دونه عيال وعواطيب
ليـثٍ علـى درب المراجـل مقـدى ***** مافيـك ياذيـب السرايـا عـذاريـب




وبعد ماسمع ذيب قصيدة والده عزم على الغزو ومعه شبّان من قبيلة قحطان نحو عتيبه وعندما قصدوا منهل يرتاده عتيبه ... لمحه احد الرماه هو ورفاقه فاطلق عليه النار واصابت ذيب بن شالح اصابه قاتله .... فعندما سمع شالح بهذا الخبر .. كبرت مصيبته بفقد ابنه ذيب وقال هذه القصيده المشهوره :




ياربعنـا ياللـي علـى الفطـر الشيـب ***** عـزالله انــه ضــاع منـكـم وداعــه
رحتو على الطوعات مثل العياسيب ***** وجيتـوا وخليـتـوا لقلـبـي بضـاعـه
خلـيـتـو الـنــادر بـــدار الاجـانـيـب ***** وضاقت بـي الافـاق عقـب اتساعـه
تـكـدرن لــي صافـيـات المشـاريـب ***** وبالعون شفت الذل عقب الشجاعـه
ياذيـب انـا بوصيـك لاتاكـل الـذيـب ***** كـم ليـلـةٍ عـشـاك عـقـب المجـاعـه
كـم ليلـةٍ عشّـاك حــرش العراقـيـب ***** وكـم شيـخ قـومٍ كزتّـه لــك ذراعــه
ويضحك ليا صكذت عليـه المغاليـب ***** ويلكـد علـى جمـع العـدو باندفـاعـه
وبيتـه لجيرانـه يشيّـد علـى الطيـب ***** وللضيف يبنـى فـي طويـل الرفاعـه
جرحي عطيب ولا بقى لي مقاضيب ***** وافخت حبل الوصل عقب انقطاعـه
كنـي بعـد فـقـده بحـامـي اللواهـيـب ***** وكنـيّ غريـب الـدار مالـي جمـاعـه
من عقب ذيب الخيل عرجٍ مهاليـب ***** ياهـل الرمـك ماعـاد فيـهـا طمـاعـه
قالـو تطيـب وقلـت وشلـون بطـيـب ***** وطلبـت مـن عنـد الكريـم الشفاعـه



و ان شاء الله اعجبكم الموضوع وانتظرو المزيد








مع تحيات :



محمد ابن مرزوق

[v.i.p]

الله يرحمه رحمه واسعه ويرحم الفديع وذيب عز الله حطوا لهم في راس العز شاره ولاهنت يا بو مرزوق ويصب على يمناك السمن على النقل الرائع لسيرة هؤلاء الفرسان العطره .

[^^محمد ابن مرزوق^^]

الله يسلمك ويعافيك


هذا من ذووقك الرفيع

وبيض الله وجهك على تنوير الصفحة وتعطيرها

[العز بالسيف]

محمد بن مرزوق
وعليكم السلام ورحمة الله وبركاته
مشكور على الموضوع , يعطيك العافيه
تحياتي

["..عـَـذْبـًة الأطْـبـَآآآآع.."]

محمد بن مرزوق ,ْ~
الله لايهينك على هالنبذه الوـآفيـه عن ـآلشخصيه الرـآئعه ,ْ~

[سالم العظيمان]

انعم بابن دراج !

شالح بن هدلان شيخ عرب من اعرق الاصول

وفارس شجاع و شاعر جزل ,,, يتغنى باخباره العرب

وتستأنس بقصصه الرواة !

من مشاهير شيوخ قبائل الجزيره العربية شيخه وفروسيه وشعر !

وايضاً اخوه الفديع وابنه ذيب كانا مضربا مثل في الشجاعه والاخلاق والطاعه !

وذكر في الاحداث ايضاً فارسين من خيرة فرسان الجزيره وهما

عبيد بن تركي بن حميد ( المعترض ) واخيه ضيف الله بن تركي ( العفّار )

شيوخ وفرسان قبيلة عتيبه العريقه وابناء الشيخ الكبير والفارس المقدام والشاعر

تركي بن حميد وخالهم شيخ عتيبه في عصره الفارس محمد بن هندي بن حميد

رحمهم الله تعالى واموات المسلمين !

.
.
.

ايضاً من احداث الشيخ الفارس شالح بن هدلان ومن اروع قصائده في زوجته الاولى

التي فقدها ,,, (( كان شالح بن هدلان كان معه بعض جماعته ومنهم ظافر الحوير المشاعله
وكانوا بعيدين عن اهلهم ويوم بغوا يعودون لهلهم جاهم خبر ان مرض الجدري حل في اهلهم
وماتت زوجة شالح وزوجة ظافر الحوير وحزنوا على زوجاتهم حزن كبير و قعدوا لهم مده قرابة
اربع سنوات ما تزوجوا ,,, يبون ينسون زوجاتهم الاولات وبعدها اعرس ظافر الحوير وتوفق في
زواجه واما شالح تزوج عدة مرات ولا لقى المراءه اللي تعوضه زوجته الاوله وقال ذا القصيده

لا وهنيك يا الحوير هنياه
يوم انت في شوقك لقيت البدايل

وانا وليفي مالقينا حالاياه
لو دوجوبي في قفارٍ وحايل

وليفي اللي كل ما جيت ابنساه
دعوا سميه ذاهبين الحمايل

يفز قلبي كل ما اوحيت طرياه
فز المحبب من خشوم الفتايل

كن الزباد الخلص داخل شفاياه
من مبسم ما يدهله كل سايل

يا طول ماني في ذرى البيت وياه
من بيننا ينثر جثيل الجدايل

قلت اظهره يا القبر لين اتحلاه
وحال اللحد من دون زين الدلايل

قال انت شالح قلت اي انا اياه
قال ابتعد لا عاد عندي تخايل

مادام في شقرا دلالٍ مراكاه
ومادام في الحوطه غروث ظلايل

ومدامت الحضران للبُر تذراه
ومدامت البدوان تثني الرحايل

ومدامت الحجاج للبيت تنصاه
ومدامت الحكام تثني الاصايل


.
.
.


وايضاً من الاحداث والقصائد لشالح عندما هجمت سرية تابعه للملك عبدالعزيز من غير علم
الملك على ابل شالح ولم يكن موجودا الا شالح و ابناءه ذيب واخوانه و كان شالح طاعناً في
السن وتصدى ذيب واخوانه لهذه السريه التي يتجاوز عددهم بالمئات ,,,
وقد حمى ذيب واخوانه ابلهم و قتل الامير فهد بن جلوي و طرح الامير تركي بن عبدالله
وبعد علم الملك عبدالعزيز غضب على السريه على غزها هذا واستدعى شالح وابنهم
واعتذر لهم واكرمهم رحمهم الله جميعاً ويقول شالح في ذالك :
يـا شيـخ فرحتـو علينـا العـداة
اللي بذ مة حكمكـم مـا يـدارون

غرتوا علينا الفجر قبـل الصـلاة
وحنا عددنا خمسـة أو بعـد دون

من صلب أبوي وباللـوازم شفـاة
ما هم فريق هد يهـد يـوم ياتـون

يا نافدا اللي مـا يضيـع وصاتـي
ما يسند الاعقب طاعـن ومطعـون

سـو علـى ركابـة المكـرمـات
وبظهورهن يروي شبا كل مسنـون

ويلكد ملا كيـد العـد يـم الزنـاة
ويا ويلكم يللـي بوجهـه تقيفـون

خلي عشـا للجـوع الحـا يمـات
من فعل ذيب اهل الرمك عنه يقفون

ويا شيخ لا تسمـع كـلام العـداة
أشفه كلام المبقضـة لـو يقولـون

أطلب لحكمـك بالسعـد و الثبـات
بجـاه معبـود لبيـتـه يحـجـون

لعـل مــا يبكـنـك النايـحـات
ياللي على عورات أهل نجد مامون


.
.
.


شكراً لك يا ابن مرزوق على موضوعك الطيب
وبيض الله وجهك ولاهنت !

[قاصد الخير]

آل هدلان الله من سطاره وشجاااعة في ذا الحموله سجلو تاريخ الفخر من ذهب

هم فخر لقحطان وفخر للعرب كافه ومثل للوفاء والوصل والشجاعه وطيب السجاااياااا


لاهنت يامحمد بن مرزوق وموضوع جدا طيب

[^^محمد ابن مرزوق^^]

المشاركة الأصلية كتبت بواسطة العز بالسيف

محمد بن مرزوق
وعليكم السلام ورحمة الله وبركاته
مشكور على الموضوع , يعطيك العافيه
تحياتي

الله يعافيك ويسلمك

مرووووووووورك ابددااع

[^^محمد ابن مرزوق^^]

[quote="..عـَـذْبـًة الأطْـبـَآآآآع..";1953660][font=tahoma][size=2][color=#000000][/color][/size][/font]
[font=decotype naskh variants][size=5][color=#8b0000]محمد بن مرزوق ,ْ~[/color][/size][/font]
[font=decotype naskh variants][size=5][color=#8b0000]الله لايهينك على هالنبذه الوـآفيـه عن ـآلشخصيه الرـآئعه ,ْ~[/color][/size][/font]
[font=decotype naskh variants][size=5][color=#8b0000][/color][/size][/font]
[font=decotype naskh variants][size=5][color=#8b0000][/color][/size][/font][/quote]


[font="courier new"]

ومن قال ما يهوون

حياش الله يا عذبة

[/font]

[^^محمد ابن مرزوق^^]

المشاركة الأصلية كتبت بواسطة سالم العظيمان

انعم بابن دراج !

شالح بن هدلان شيخ عرب من اعرق الاصول

وفارس شجاع و شاعر جزل ,,, يتغنى باخباره العرب

وتستأنس بقصصه الرواة !

من مشاهير شيوخ قبائل الجزيره العربية شيخه وفروسيه وشعر !

وايضاً اخوه الفديع وابنه ذيب كانا مضربا مثل في الشجاعه والاخلاق والطاعه !

وذكر في الاحداث ايضاً فارسين من خيرة فرسان الجزيره وهما

عبيد بن تركي بن حميد ( المعترض ) واخيه ضيف الله بن تركي ( العفّار )

شيوخ وفرسان قبيلة عتيبه العريقه وابناء الشيخ الكبير والفارس المقدام والشاعر

تركي بن حميد وخالهم شيخ عتيبه في عصره الفارس محمد بن هندي بن حميد

رحمهم الله تعالى واموات المسلمين !

.
.
.

ايضاً من احداث الشيخ الفارس شالح بن هدلان ومن اروع قصائده في زوجته الاولى

التي فقدها ,,, (( كان شالح بن هدلان كان معه بعض جماعته ومنهم ظافر الحوير المشاعله
وكانوا بعيدين عن اهلهم ويوم بغوا يعودون لهلهم جاهم خبر ان مرض الجدري حل في اهلهم
وماتت زوجة شالح وزوجة ظافر الحوير وحزنوا على زوجاتهم حزن كبير و قعدوا لهم مده قرابة
اربع سنوات ما تزوجوا ,,, يبون ينسون زوجاتهم الاولات وبعدها اعرس ظافر الحوير وتوفق في
زواجه واما شالح تزوج عدة مرات ولا لقى المراءه اللي تعوضه زوجته الاوله وقال ذا القصيده

لا وهنيك يا الحوير هنياه
يوم انت في شوقك لقيت البدايل

وانا وليفي مالقينا حالاياه
لو دوجوبي في قفارٍ وحايل

وليفي اللي كل ما جيت ابنساه
دعوا سميه ذاهبين الحمايل

يفز قلبي كل ما اوحيت طرياه
فز المحبب من خشوم الفتايل

كن الزباد الخلص داخل شفاياه
من مبسم ما يدهله كل سايل

يا طول ماني في ذرى البيت وياه
من بيننا ينثر جثيل الجدايل

قلت اظهره يا القبر لين اتحلاه
وحال اللحد من دون زين الدلايل

قال انت شالح قلت اي انا اياه
قال ابتعد لا عاد عندي تخايل

مادام في شقرا دلالٍ مراكاه
ومادام في الحوطه غروث ظلايل

ومدامت الحضران للبُر تذراه
ومدامت البدوان تثني الرحايل

ومدامت الحجاج للبيت تنصاه
ومدامت الحكام تثني الاصايل


.
.
.


وايضاً من الاحداث والقصائد لشالح عندما هجمت سرية تابعه للملك عبدالعزيز من غير علم
الملك على ابل شالح ولم يكن موجودا الا شالح و ابناءه ذيب واخوانه و كان شالح طاعناً في
السن وتصدى ذيب واخوانه لهذه السريه التي يتجاوز عددهم بالمئات ,,,
وقد حمى ذيب واخوانه ابلهم و قتل الامير فهد بن جلوي و طرح الامير تركي بن عبدالله
وبعد علم الملك عبدالعزيز غضب على السريه على غزها هذا واستدعى شالح وابنهم
واعتذر لهم واكرمهم رحمهم الله جميعاً ويقول شالح في ذالك :
يـا شيـخ فرحتـو علينـا العـداة
اللي بذ مة حكمكـم مـا يـدارون

غرتوا علينا الفجر قبـل الصـلاة
وحنا عددنا خمسـة أو بعـد دون

من صلب أبوي وباللـوازم شفـاة
ما هم فريق هد يهـد يـوم ياتـون

يا نافدا اللي مـا يضيـع وصاتـي
ما يسند الاعقب طاعـن ومطعـون

سـو علـى ركابـة المكـرمـات
وبظهورهن يروي شبا كل مسنـون

ويلكد ملا كيـد العـد يـم الزنـاة
ويا ويلكم يللـي بوجهـه تقيفـون

خلي عشـا للجـوع الحـا يمـات
من فعل ذيب اهل الرمك عنه يقفون

ويا شيخ لا تسمـع كـلام العـداة
أشفه كلام المبقضـة لـو يقولـون

أطلب لحكمـك بالسعـد و الثبـات
بجـاه معبـود لبيـتـه يحـجـون

لعـل مــا يبكـنـك النايـحـات
ياللي على عورات أهل نجد مامون


.
.
.


شكراً لك يا ابن مرزوق على موضوعك الطيب
وبيض الله وجهك ولاهنت !

يا مرحبا يا سالم تراحيب المطر ما عد واستهل

الله لايهيينك على الفايده الجميله منك

وبيض الله وجهك يا ذيبان

مرووووووووووووووووووووور ورد