ČẳŁěňąя ĻŭςҜ - الصفحة 9

here Lucky boy · #1 02-07-2011, 03:13 AM

سيدتي

ارى انني مقسووم قسمين قسم يحبك وقسم يتحسر على القسم الذي يحبك

here Lucky boy · #2 02-07-2011, 03:28 AM

فرج علينا المذن

here Lucky boy · #3 03-07-2011, 04:14 AM

تتمنى احيانا ان تبحث عن شي لاتعرف ماهو

here Lucky boy · #4 04-07-2011, 05:06 PM

المووت والله فلانه

وش فلانه ..!؟

اللي على القناه الفلانيه ولا في الفيلم الفلاني

وعلى قووله ابن وسام اضرب على قوقل ويعطي علوومه

هذي اللي مطيرينها ..!؟! العن ام ذوووقهم

تمر علي ذالسالفه واجد

ونظرا لان عندنا واحد في البيت عمره 40سنه وامي وابي يقوولون انه اخي الكبير

ورجال يمووت في النشده

يعني لاقلت له قبل اي سؤال بحكم انك كبير عقل وباطنها (عمر) وفاهم ومار عليك كل شي

طبعا عقب المقدمه هو ينفهق ويعطيك ابتسامه تدري انه بيجيب حموَه

والقايله يعني وقت الواحد يدور السوالف خصوصا عقب الغدا وقلاص المراعي

قلت يا ابووو معاذ <<<< عشم ابليس يصير عندكم احد بالعائله اسمه معاذ

بنشدك من شغله رفع راسه من الجريده وشبحني بطرف عينه

طبعا عطيته المقدمه اللي قلتها لكم

وهو يلتفت صوبي بوجهه وينفهق قال ها شعندك

قلت انا كل مامدحوو لي وحده وشفتها تطلع عاديه

معناه شايف خير اناا والعالم مو شايفه ..!؟!

قال لا يا .... <<< طبعا مدحني

قال معناه انك تحب لان دائم اللي يحب يرى الجمال محصور في الي يحبها فقط

وعقبه قال بقوولك سالفه عشان تتاكد

السالفه طويله بسردها اخر الليل ان الله قسم ان شاءلله

here Lucky boy · #5 05-07-2011, 12:28 AM

عاقبتنا مين انا الله يعاقبها

جعل سنناها يعرسون كلهم وهي خلووها ترص نك مين انا على كبدهاا

عيووني غدت ذالكبر <<< يبسط ايده

كل شوي داخل ملف تعريف حق وحده

اللي لفت انتباهي اغلب العضوات الفين وعشره والفين 11

والمشاركات ياتحت الاف ولا فوق عشر الاف

اما اخت المعرس ومشتطه ولا توها متملكه ومستحيه ذاله ينقدون عليها العرب :d

here Lucky boy · #6 06-07-2011, 05:06 PM

اجمل حب هو الذي نلقاه حين نبحث عن شيء آخر.

أحلام مستغانمي

here Lucky boy · #7 08-07-2011, 01:11 AM

بحكم اني من عائله مخمليه بالبداوه

يعني علاقتنا بالحضاره مثل علاقه ايران بالسعووديه

ودائم تكوون لي طرائف مع الحضر لاختلاف اللكنات وتجويفات الحلق

اذكر قبل مده طويله جدا جدا جدا

مواعد لي واحد ويوم جيت عند بيته كلمته قلت إظهر علي

قال أخذ شاور وجايك ..!؟!

يوم جاني وركب جنبي والتفت عليه قلت الشاور وينه

طوول الطريق وخويي يتذكر السالفه ويضحك

here Lucky boy · #8 08-07-2011, 01:21 AM

اليووم يوم الفكاهه

طبعا هالسالفه تثبت ان الادويه معنويه اكثر منها شفائيه

سنه 99 السالفه نقريبا

لعبنا كووره طبعا عند جسر ابوو فطيره

يوم رجعنا للبيت لاغار انا وخويي متكسرين

قال ياولد شف لنا فكس ولا ابو شنب ندهن اعمارنا رجيلنا ماهيب طيبه

قلت طيب المهم وادخل البيت اهلي كلهم رقوود وافتح الثلاجه

لاغار ذاك الدوا ريحته تجيب الهندريه واخمه وارووح للدوانيه

عقبه نشدت خويي ؟؟ تعرف ابو شنب قال اي قلت هو ذا

قال عطني ايااه وهو يفتحه ويويق داخله قال اي هذا ابو شنب

واقووم انا اصب على الفوطه وافرك رجيلي وركبتي وخويي كذلك

ورقبته تؤجعه ويمسح رقبته بعد عقبه حطينا الدوا على المكتبه

وقمنا نسوولف على بعض عقب ماصار لنا نص ساعه تقريبا

كل واحد يقوول حسيت اني اشوى عقب ابو شنب

لاغار جاينا واحد من الربع ماهووب صاحي لو تجيه نشله راح للطبيب قال بمووت

يعرف كل العلاجات قال : انا اشم ريحه دوا قلنا : لاريحه ابو شنب شفه ذاك

ويرووح ياخذه ويقراه من تحت قال : ياحمـــ000ر هذا دوا قرقره

here Lucky boy · #9 08-07-2011, 03:39 AM

قبل الصلاه هاكم ذالسالفه

سنه من السنين عمري 18 ودازني رجال لواحد يتوسط لي بالوظيفه

المهم يوم جيت مكتبه الا ذيك السكرتيره

سلام عليكم ... هي : عليكم السلام

وين فلان .... هي : ماهووب هنا ( بس بلغتهاا)

متى بيجي .... هي : مادري والله

انطره يعني .... هي :ممكن ماراح يجي تعال بكره

اوكي يعطيش العافيه ...هي : تبي مو بايله

لا لا مشكوره

انا مدري وش معنى موبايله احسبنها تبي تعطيني قهوه ولاشاهي

طيب لو سمحتي ممكن تعطيني رقمه .... من ابتسامتها دريت اني مخمَل

here Lucky boy · #10 08-07-2011, 04:07 AM

المليفي على قناه الراي الحين

المفروض النسوان يحددون ولادتهم مع بعض السنه الجايه يعني اضراب

سؤال فني

ليه النسوان دائم لافصلوو فساتين

عقب شهر يعذربون الخياط يقووولون ماتسكر السحاب ليه مايقوولون سمنا

ابلات رياض الاطفال

من اول يووم يحطوون البزران على المسرح يعلمووونهم على حفله التخرج