|•♥•| يا أحلامنا خفي شوي // أخاف نعاف واقعنا |•♥•|

[تـذكـار]

أحس كني .. بلآ .. قـلـــب .. و لسآن .. و عيون
.... و أسوق عمري .. على درب آلليآلي .. كـذآ

تعبت .. من رجوة أمآلي .. و حسن آلظنـون
.... و إعلوم .. دآرت رحآهـآ .. بيـن هـذآ و ذآ

و آلشعره آللي .. بقت بين آلعقل .. و آلجنون
خليتهآ في ( كفوف ) .. آللي عطيت .. وخـذآ

[تـذكـار]

باكـ

جيت من عقب الحضور .. الي تغشَاه .. الغياب
ناصي هضاب .. الديار .. الي قليل هضابهـا

[تـذكـار]

إنّ كان ما تعششق وفا ؟ ما تهنيت !!
وش تنفع الدله [ بلا هييييييل ] قلي ! ..

مثل العجوز اللي سنعها بلا صيت ..
تدعي على العالم وهي ما [ تصلي ] !

[تـذكـار]

الوصل مكسب والقطاعه خساره
والمال زوده نقص من عهد قارون

والمرجله ماتنعرف بالاشاره
حبل المراجل بالمهمات مقرون

لطيب واجب والتصبّر شطاره
والعقل نعمه والمجانين يدرون

والذل في وجه العدو إستداره
وعند الرخا راعيه هتلر وفرعون

[تـذكـار]

ماعاد لي رغبة على طرق القوافي والشعر
ملّت احاسيسي وهوجاسي حروفي ملّها


يا لايمي وشلون ابكتبها شعر ولا نثر
(الغصة) اللي كرّهتني في حياتي كلها


وشلون اترجمها وانا نفسي عجزت القى ii عذر
لـلـدمعة اللي راودتني واستحيت اهلّها

[تـذكـار]

الشجر نام واقف .. والشوارع طفت
كل ليله .. وهذا وضعهم بالتمام !!

يحترونك .. واذا شافوا عيونك غفت
كنك تقول : " يالله كل واحد ينام "

Brb sleep

[تـذكـار]

باكـ سولافي


ابشركم الحمدالله تخرجت من الثانويه ونسبتي ولله الحمد فوق المطلوب امس رحت اخذتها

بس الخبر واصلني من اسبوع ونص بشرتني معلمة العربي < بروح للسوق بكره اشريلها بشاره

بس انصدمت امس صدمه الله لايصدمكم بها ولامن تعزون <<

عندنا بمدرستنا نخل واشجار صغار ومرتبه بس بالسور الخلفي للمدرسه وبالزاويه بالضبط من هالسور فيه نخله طويله معمره ومن عصر جدي السابع عشر المهم مو كثير نروح عند هالسور بس باايام الاختبارات واخر يوم لفينا المدرسه يقالنا بنودعها

قلت للبنات شوفوا هالنخله اذا جبت فوق 95 بالميه والله لارقى عليها ضحكوا ماصدقوني قلت نذر ونذرن لاوفي فيه ان شاءالله

تدرون كم جبت 97,36 %

المهم كنت مسافره اسبوعين اول ماخلصت اختبارات وتو رجعت يوم الجمعه
والسبت دقيت ع البنات اللي معي وقت الحلف وقلت يالله حان الان وقت تعلبش النخله واخذ كفوف صقور معي وطبعا لبست لبس معين ينفع للتسلق لاداعي لذكره << اتعب على الاسلوب

ويممنا للمدرسه الهدف الاول اخذ شهادتي والثاني اوفي بالنذر اللي نذرته

مريت البنات الـ3 واخذتهم وحده منهم بنت عمي رايحات بس شهود ولا قد خذوا نتايجهم من اسبوعين

مالكم بالطويله << اشهدنك طولتي ياذا الليل من البربسه مااعرف اختصر مقطعتن الصراحه

اخذت شهاداتي وقلت يالله على السور الخلفي

الا الفاجعه
النخل والشجر مقطع كله ومشيول والسور مرفوع يقالهم مسوين صيانه

انا طقتن البوهه واقعد اشرق وتطقني الغلقه قلت امشوا الله يقطعهم السخيفين وانا بالطريق راجعه للبيت تخيلت اصوم شهرين ولاثلاث شهور كفارة


يالله اني داخلتن عليك وارجع واقعد اصيح عند امي وكل شوي اقول شسوي يمه يمه شسوي
ونشبت بحلق امي قامت دقت على شيخ قال خلوها تدور نخله مشابهه وترقاها وخلاص انتهى الموضوع عاد بكره اهلي يقولون بنروح ندور استراحه فيها نخل طويل وماجنبها مباني لزوم الستيره

مااقول الاياليتنا من حجنا سالمينا كان الذنوب اللي علينا خفيفات

هذي نتيجة عدم الثقه بالنفس والتشكيك بالقدرات العقليه

وسلامتن تسلم الطيبين

[تـذكـار]

نار غيك في حشا جوفي هلاك
رحت عنك مادريت اني اجيك

وياوجودي من وجـودي دون ذاك
صرت دونـه تـاج ملك بلا مليك

ياهـوى نجد العـذيه لا نواك
تتـجه لديارهم خذنـي اليك

كان كـفك ماروانـي من سـواك
اعتبرني واحـد من معجـبيك

[تـذكـار]

العاشق اللي رماه العشق مدري رمـاه
عز الله انّه كما المسكيـن ذا متربـه

عامين يحلم بحلم اليـن سبـب عمـاه
واليوم مزري وهو موجـود لا يقربـه

تبي الصراحه وهرج الصدق مافي كماه
خذها عن احساس واحد عايش التجربه

مايذبح الضامي اللي ميتٍّ من ضمـاه
ألا انّ عينه تشوف المـا ولا يشربـه

[تـذكـار]

ساكت وعيني ولو ماقلـت فضاحـه
حتى القصايد تخون وتفضح اشواقي

لو ما بغيت الهوى صابتني ارماحـه
ماجاه دون اللحـم ساتـر ولا واقـي

مثل البحر كم غرق به ناس سباحـه
تضيع مع قوَ موجـه هقـوة الهاقـي

خبري بقلبه صدوق الشوق يجتاحـه
عندي خبر فيه مايقوى على فراقـي

اتعب وغيري يجي وياخذ على الراحه
من حظ غيري وانا اللي زارع وساقي