وقفة تأمـّل(خلّك مع الكنق وتشوف الدهشة) النـسـخـة الأصـلـيـّة

[زبون المراجل]

الله يجازي الحب ما اكبر خـطاياه!= شرّه على اصحاب النفوس الرفيعة
اهـل الوفا و اهل الشيم من سواياه = ضاقت بهم دنيا ً فججها وسيعه
والا الخبيث بمنسم الرجل ناطاه = يوم الغـدر و الخبث عنده طبيعه
// يالله عسى لي خيرة ٍ عقب فرقاه = لو كان فرقا الخل مثل الفجـيعه //

[زبون المراجل]

ذي ..

حياة اهل ( القلوب العاطفيّة )

تصفق الدنيا بهم في كل جالي

x
x
x
x
x
x
x
x
x

عادني راجيه في عيد الضحية ..


يوم فات العيد الاول ما صفـا لي

[زبون المراجل]

( آسف ) وعدتك بالسعادة ولا اوفيت=حاولت آوفّرها و مالله كتبها.!

[زبون المراجل]

انا ماني من اللي لاعثر لـه صاحـب ٍ خـلاّه=اشيلـه و انثنـي دونـه و سـتـر لعيـبـه الخـافـي
اسوقه للمراجل وان قصَرْ عن خطوتي باتناه=اعَرْف ان العروق الطيبة وان قصّرت تافـي
ولا اقوله و انا اخاوي قصير الباع والاّ الشـاه=و لكـن جــلّ مــن ســنّ الخـطـا، يالله ياكـافـي

[زبون المراجل]

تدري وش اكثر موقف ٍ فيه قصّرت ..؟؟= يوم انت تذكرني و انا عنْك مـدري

[زبون المراجل]

.

ليتك رخيص ٍ عندنا يوم قفّيت=ليتك مثل غيرك من الناس عادي
يا ليت .. قلبي خالي ٍ منْك يا ليت=يومك نويت الصد و أصبح وكادي
شوفك يداويني ولو ما تداويت=وبعدك حرم عيني لذيذ الرقادي

x
x
x
x

أرسيت ودّك في ضميري و قفـّـيت=ليتك قبل تقفي خذيت الودادي

ليتك..

[سالم الرتيبان]

المشاركة الأصلية كتبت بواسطة زبون المراجل

.

ليتك رخيص ٍ عندنا يوم قفّيت=ليتك مثل غيرك من الناس عادي
يا ليت .. قلبي خالي ٍ منْك يا ليت=يومك نويت الصد و أصبح وكادي
شوفك يداويني ولو ما تداويت=وبعدك حرم عيني لذيذ الرقادي

x
x
x
x

أرسيت ودّك في ضميري و قفـّـيت=ليتك قبل تقفي خذيت الودادي

ليتك..

تسلم يمينك ومتابع لك يازبون المراجل واصل فديت خشمك

[برنسيسة القلوب]

صح لساانك يالكنقــــــ...

ولو ان الفكره انت تقوول مسبوقه


لكنـــــ.... ابداعط يميزها عن غيرها

[زبون المراجل]

سالم الرتيبان_يشهد الله اني آتنومس اذا شفتك موجود
شرفت الموضوع و كتّابه _..


برنسية القلوب _ مرورش ادق له تحية جندي اول لـ لواء



اتمنى للجميع متابعة طيبة

[زبون المراجل]

وا طول هجري بين عيّاد و عناد=ولّي عساها عشرة ٍ ما تعودي
لا قلت : صَّلوا .. زادوا الكفر بعناد !!=و أنا ليا صَّليت قالوا : سعودي