هـل يـوافـق الـرجل على لبس أخته او ابنته او زوجته لعباية الكتف؟؟سؤال للبنات والشباب

[ذهب]

السلام عليكم ورحمة الله وبركاته

اول شي اشكر ذهب على طرح الموضوع

ثاني شي من الردود اللي قريناها الموضوع افتقد جوهر الحديث لان فيه بعض

الردود افسدت الموضوع والمفروض يكون الرد واضح او يترك الموضوع

لغيره حتى يدلي برأيه ونقده للموضوع ولايخرج عن صلب الموضوع

وانا رأيي ان البنت تكون ستيره وتلبس بما يرضي الله وتكون عفيفه
ومحافظه عسا الله يحفظ بنات المسلمين من كل مكروه وشر

وتقبلي احترمي ومروري

وعليكم السلام ورحمة الله وبركاته


وانا كذلك اطلب من الكل ان مايخرج عن صلب الموضوع

مثل اللي تعبت وانا اقوولهم عباة الراس المسكره من الامام واللي مافيها

مظاهر زينه وهم يرجعون ويردون مثل الكلام يعني النتيجه لا انا ولا هم استفادوا


وحياك الله اخوي

[ذهب]

السلام عليكم ورحمة الله وبركاته

وعليكم السلام ورحمة الله وبركاته

مشكووووره عالملعومه ماكنت اعرف ان عباية الجتف محرمه

العفو ولو وان شاء الله الله يوفقش ويهديش وتلتزمين فيها عند معرفتش لها

بإنها محرمه

ويعطيج العاااافيه ولاهنتي يالطيبه


تقبلي مروري اختج دااانة البحرين

الله يعافيش يالغاليه وحياش الله

[ذهب]

صاجه يا وخيتي ...


انا ارد واقول ان العبايه مو هي اللي تحكم الشخص ...

ومافيها شي عبايه الجتف اللحين حتى الداعيات يلبسونها ...

تحطينها بذمتش ان في داعيات يلبسونها؟؟

غير داعيات هذولا


اعلمي اخيتي وعزيزتي ليس كل من أطال اللحيه هو فعلا ملتزم وليس

كل من حفظت لها كم آيه وحديث هي داعيه

يعني اتوقع اللي تدّعي بإنها داعيه وهي لاتخاف الله في لبسها

انتي تعتبرينها داعيه؟؟ اللي تعتبرها داعيه هاذي عقلها صغير

[ذهب]

المشاركة الأصلية كتبت بواسطة تقريبا شايب

السلام عليكم ورحمة الله وبركاته

حرام ..لا.لا.لا مو حرام ... امبلي حرام ... لا اشفيك ياااااربي مو حرام ..

لاااااا انتي اشفيك اهم شي الاخلاق والنيه اللبس هذا عادي شنو شايفتني مفصخه عادي عباية كتف

الأخلاق .النيه الصافيه.

الكلمتين هذي هي شماعة البنات في تبرير ماهو مشبوه او مخالف او حتي محرم شرعا .

ثلاثة ارباع فتاوي الدين والشرع خاصه للمرأه!!!!! فعلا مخلوق عجيب ومثير للجدل

الاخلاق ..والنيه الطيبه.( طيب انا اشدراني عن اخلاقها ونيتها انا عايش معاها)

انا بشر أعلق (ولا أحكم) علي لبس المرأه من خلال

مشاهدتي لها بالسوق بالشارع بالعمل اينما كانت تتواجد (وياكثر ماتتواجد)

حتي أقرب الصوره اكثر ان سمحتو لي ..

مثلا وحده طالعه الدوام او السوق المهم في مكان عام وحاطه كحل او شدو حتي لو كان خفيف

تأتي وحده ناصحه وتقول لها اختي العزيزه مايجوز الكحل والشدو في اماكن عامه

طبعا الرد جاهز (اصبحت اسطوانه حفظناها عن ظهر قلب ) ترد عليها وتقول لاااااا
عادي هذي اصلا كحله وشدو خفيفه محد يلاحظها (محد يلاحظها ليش حاطتها؟؟)
وانا الحمد الله اعرف ربي زين ....يعني شنو تبيني اطلع من البيت وجهي اصفر
لاااااا حبيبتي شنو يقولون عني البنات .. اهم شي انا عارفه اخلاقي وواثقه من نفسي عدل

وحده تشيل حواجبها وتلعب فيها وترسمها كل يوم شكل(نتفق جميعا انه حرام ولايجوز)
ياااااابنت حرام والله حرام تلعبين في حواجبك ...
ادري بس شوفي حواجبي مو حلوين وتبيني اطلع للناس كذا لاااااوالله اموت احسن .
بعدين ربي عارف نيتي وانشالله يعذرني واهم شي انا واثقه من اخلاقي ونيتي صافيه

مخلوق عجيب متناقض غير منسجم مع ذاته ونفسه (طبعا البعض)
يتفنن في تبرير وايجاد الاعذار والحجج ...والسبب؟؟؟؟
(في نظري طبعا) المرأه تموت في حب الظهور بشكل ملفت وترضي غرورها مهما كان
صحيح تماما واتفق مليون بالميه ان من تلبس عباية الكتف (البعض منهم طبعا) تكون خلوقه ومحترمه اكثر من اللي تلبس عباية الراس لأنها ليست قياس علي طهارة وعفة المرأه .

ولكن نحن بشر ولنا الظاهر فقط لانعلم بالنويا ولا مافي النفوس.

وللرجال ايضا نصيب ..........................

أبدأ بنفسي (أنا رجل مسبل بمعني ان دشداشتي من تحت الكعب )
ولكن أعترف واقول اني مقصر بحق ديني من هذا الجانب وأسأل الله تعالي الهدايه لي ولجميع
المسلمين

..((هنا الفرق انا اعترف . ولكن من تعترف منكن بالتقصير؟!؟!))

وأرجوكم ياأخواني أنا لاحظت في معظم الردو كلمة(شريفه)

ارجوكم نحن هنا لسنا بصدد اطلاق احكام عشوائيه واعطاء صكوك شرعيه عن من هي الشريفه وغير الشريفه

الشرف ..الطهارة..العفه..الخجل ..الحياء .. (كلمات والله عظيمه)

لاتجعلوها ماده دسمه في ردودكم علي هذا الموضوع او اي موضوع ااخر .

ولكن ان كنتم تريدون كلمه مناسبه في وصف المرأه التي تتفنن في تبرير ماهو غير مألوف
او مخالف للدين اولا وللمجتمع وثقافته ثانيه... الكلمه موجوده ..حديث صحيح للرسول صلي الله عليه وسلم

ناقصات عقل ودين

أشكر صاحبة الموضوع علي الطرح وعلي اعطائي فرصه للشرح

دمتم ساليمن جميعا واعتذر علي الاطاله

احسنت وياليت البنات يدققون ويقرون مشاركتك عدل

لأن فيها كل اللي حبيت اوضحه لهم

وفعلا تعبت من مجادلة البعض ومشاركتك هذه كل فيها كل النقاط المهمه


وشكرا

[شمس الأصيل]

لا جد اختي ذهب في زوجات شيوخ وبناته
يلبسون كتف بس طبعا الطرحه زي عباية الراس
مثل لبس المصريات
وهي كتف ومااعرف هالنوع حرام ولا لا
مشكلة الناس يحطون انظارهم على المشايخ وزوجته وبنته
وشغالين تقليد
وسوري على المداخله

[كايف]

تعمدت إني اتأخر في التعليق على الموضوع لحاجةً في نفس يعقوب ! ...

بصفتي من الجنس الخشن وماني معصوم من الخطأ أو الزلل ... فما أظن أني أشوف فتاه بدون عباية أو بعباية مخصرة بدون لا أطالع فيها بصراحه !! حالي حال أي رجال ثاني إلا ما رحم الله ... وهذا شي طبيعي ومتوقع مدام البنت رضت تطلع من بيت أهلها بالشكل هذا فاللازم تقتنع إنها معرضة لأي مضايقة ... فماذا ننتظر من شاب يصادفها في أي مكان عام وهي بالشكل المذكور !! ... أما اللي تلبس عباية راس فما أظن أني أتجرأ حتى بالنظر فيها ... شي من الله !!!


وبالنسبة لكلامك أختي ( ذهب) فهو كلام لا غبار عليه ولا تشوبه شائبه لا من قريب ولا من بعيد ، وردودك كانت قمة في الأخلاق والأدب ... وكل اللي عارضوك انا متأكد إنهم يلبسون العباءة اللي نبهتي منها هذا إذا كانو يلبسونها !!


تحياتي لك ... وتقبلي مروري ،،،






كايف

[الدارمي التميمي]

أخت ذهب
والله كلامك من ذهب ويسوى وزنه ذهب

وإجابة على سؤالك:
أنا عني لا أرضى أبد

واللي يعارضون ويقولون مهيب حرام ومافيها شيء وأهم شيء اللي بداخل البنت

طيب وش الهدف من لبسها؟؟؟

وبصراحة
اللي عنده غيرة ومرجلة على محارمة والله ما يرضى
ياخي وشلون ترضى أحد يطالع في محارمك
هذولي والله شعر وجهك

أما اللي بيجلس يهايط ويقول اللي بيناظر في محارمي ما سمّت عليه أمه

أتوقع إن الإجابة كانت في مشاركة الأخ " كايف "

لكن ما أقول إلا
الله يرحمنا برحمته ويستر علينا دنيا وآخره

شاكر لك كلامك الذهب

الدارمي التميمي

[ذهب]

تعمدت إني اتأخر في التعليق على الموضوع لحاجةً في نفس يعقوب ! ...

علشان يقولون ختامها مسك يعني..؟

من الجنس الخشن وماني معصوم من الخطأ أو الزلل ... فما أظن أني أشوف فتاه بدون عباية أو بعباية مخصرة بدون لا أطالع فيها بصراحه !! حالي حال أي رجال ثاني إلا ما رحم الله ... وهذا شي طبيعي ومتوقع مدام البنت رضت تطلع من بيت أهلها بالشكل هذا فاللازم تقتنع إنها معرضة لأي مضايقة ... فماذا ننتظر من شاب يصادفها في أي مكان عام وهي بالشكل المذكور !! ... أما اللي تلبس عباية راس فما أظن أني أتجرأ حتى بالنظر فيها ... شي من الله !!!

وهذا اللي كنت أقصده ان البنات هاليومين ماسكين هالكلمه أهم شي
الأخلاق أهم شي البنت تكون شريفه من الداخل ..؟
بس ماني فاهمه شلون تكون خلووقه وتخاف على نفسها وهي طالعه بكامل زينتها
وبعباة والله والله انها تغري اكثر يعني لو تقط العباه وتلبس بدله أحسن لها
من عباة الكتف

وبالنسبة لكلامك أختي ( ذهب) فهو كلام لا غبار عليه ولا تشوبه شائبه لا من قريب ولا من بعيد ، وردودك كانت قمة في الأخلاق والأدب

شهاده أعتز فيها اخ كايف وجزاك الله خير على هالإطراء

وبالنسبة لكلامك أختي ( ذهب) فهو كلام لا غبار عليه ولا تشوبه شائبه لا من قريب ولا من بعيد ، وردودك كانت قمة في الأخلاق والأدب

شاكرة لك على المرور والتعقيب الطيب

[ذهب]

أخت ذهب
والله كلامك من ذهب ويسوى وزنه ذهب

ومرورك كذلك من ذهــــب

وإجابة على سؤالك:
أنا عني لا أرضى أبد

أحيي فيك غيرتك على محارمك ... واللي للأسف الشديد أصبحت الغيره على المحارم

في هذه الأيام قليله

واللي يعارضون ويقولون مهيب حرام ومافيها شيء وأهم شيء اللي بداخل البنت

هذا الإنسان والعياذ بالله اللي نفسه أمّاره بالسوء يحاول يجد المبررات والأسباب

على فعل المعصيه ....

وبصراحة
اللي عنده غيرة ومرجلة على محارمة والله ما يرضى
ياخي وشلون ترضى أحد يطالع في محارمك
هذولي والله شعر وجهك

لاتستغرب أخي العزيز فهؤلاء قد اختفت من قلوبهم الغيره فتصور رجل

لايغار على محارمه؟؟

لكن ما أقول إلا
الله يرحمنا برحمته ويستر علينا دنيا وآخره

آمين

شاكر لك كلامك الذهب

الدارمي التميمي

العفو...وحياك الله

[ذهب]

صــــــــور توضيــــحــــــيــــــــه