الشيخه شيخه كانت هنا....

[الشيخه شيخه]

[ آحبّك]

أكثر ! ..
من إللي , بكى , في : ليلة الزفه
يوم " شاف " إللي يتمناها ( تحلّ ) ..

لـ - واحدٍ ثاني !

[الشيخه شيخه]

الشـوقَ طآغيَ والمشآعرَ رقيقَهَ ..
والحُبَ مرهـ بَآعنيْ وإشترآنيَ ..


يآفرحةَ القلبْ الحزيـنْ ورفيـقهَ ..
فِديتْ صوتكْ يومَ صُوتكْ دعآنيَ ..


يآعمريَ لآمنكَ بغْ ـيتَ الحْ ـقيقهَ .. !
الوآقعَ إلليَ جآبنيَ لكْ خذآنيَ ..


البُعَ ـدَ لوَ أقدْرَ أعيشهْ وأطيقهْ .. !
مآشفتنيَ قدآمَ وجهكْ أعَآنيْ .. !


مآليَ طريقهَ وإنتَ مآلكَ طريقهَ ..
إلآ ألقصـآيدَ والسهرَ وألأمآنيَ ..


لوَ أحسبْ أيَآميْ معْ ـكَ بِـ الدَقيقهَ .. !
يآصآحْ ـبيَ تزعلْ عليآ الثوآنيَ ..


يوَمْ القدرَ يرسمَ علىَ القلبْ ضيقهَ ..
إنتَ البشآيرَ بـ الفرحْ والتهآنيَ ..


ويومَ المرآكبْ والبحُورَ الغَ ـريقهَ ..
إنتَ الشرآعْ وطآريَ إسمكْ موآنيَ ..


ويومَ الغلآ يِجمعْ ( عشيقَ بـ عشْيقهْ )
يكفيَ معكْ حُضنَ الحْ ـنآنَ إحتوآنيَ ..


الوردَ مآينسىَ شذآهَ ورحْ ـيقهَ ..
قِلْ للغلآ وشَ حجْ ـتهَ لآ نسآنيَ .. !


قيدتَ نفسيَ والنوآيَآإ طليَقهْ ..
عسآنيَ أسلمَ منْ عيُونكْ عسآإنيَ ..


ولآ زلتَ أحبِكْ والمشآعرَ رقيقهَ ..
الحُبَ ليتهَ بآعنيْ مآشرآنيَ ... !!

[الشيخه شيخه]

أنا يابحر ماجيتك فضى ولمشاهـدك شفقـان
أنا جيتك أبنسى الياس و بعض الهـم يبارنـي

على بالك أنا جالس أسامر موجك الغضبـان
أسولف له عن أوجاعي و عني و غربة سنينـي

علامك يابحر غاضب علامك تصرخ بكتمـان
أنا جيتـك أبشكي لـك وأبـي منـك تواسينـي

أنا مثلك بحر لكن وسط نفسـي أنـا غرقـان
تعبت أبحر مع نفسـي وأسالهـا أنـا وينـي

أنا محتار في وصفي ومع نفسي أنـا حيـران
أنا لاقادر أفهمهـا وهـي تجهـل مضامينـي

أنا مليت من حزني و تعبت أبحث عن السلوان
ولاظنيت بـه شـي عـن أحزانـي يسلينـي

أحس إن الحزن عالم بحوره وصحوه وديـان
تخيل يا بحر حجمه إذا حجمـه سكـن فينـي

تصور لو شقا الدنيا تجمع في كيـان انسـان
تصدق مابقى بالكون أسى مابات فـي عينـي

ترى كل الحزن لو غاب وراح لآخرالأوطـان
يغيب ويرتحل لحظات ويرجع يستقـر فينـي

أنا آخر فصول الحزن وأنا لدروبـه العنـوان
وأنـا آخـر عزوفاتـه وأصواتـه تغنيـنـي

أنا و الليل و الغربـة تعانقنـا مثـل الأخـوان
ليلـي كـله آهاتـي و الغـربـة عناويـنـي

تعبت أسقي ثرى أحلامي وأزرع بالوهم بستان
تعبت ولا نبت زرعي وتعبت و جفت بساتينـي

ألايا بحر جاوبني وش آخـر هـذي الأحـزان
وش آخر رحلة أوجاعي و عناي و غربة سنيني

[الشيخه شيخه]

كتبت الشـــعــــــر مــــو لجلـك ولكــــــن فـاض بـي
بركـــان واما انتي فلا تسوين قصيده في نظر عيني

حلفتي لي تصونينـي إذا صـار الزمــــــن خــــــوان
وأول مــــــا عثـر حظـــــي علـى دربـــــك خذلتينـي

كسر رمح الزمـــــن صدري وجيتك اشتكي حيـران
نزعتي الرمـــــح من صدري وفي ظهري طعنتينـي

خســــــــااااره كييـف حبيـتك؟؟! نعـم والله ندمـــان
غـــبــــــــي أدري نعـم ادري مـا دام انـك سكنتينـي

سنـــــــه مـن عمـــــــري وانـا فـي لعبتـك غرقـان
أشيل الـــــشــوك من دربك وجرحـي كـان يدمينـي

وكنت أبكي إذا تبكي وأكـون لبسمتـك فرحـــــــان
وكنت اقرب من رموشك لعينـك يــــــــوم تبغينـي

عرفتك للآسف صحـــــــراء وحولتـك إلـى بستـان
وشلتيني غصن أخضـــــر وفي صخرك زرعتينـي

حفرتك داخلي وظني تصوني عشرتـــــــي أزمـان
وكنت أحفر قبر موتيــــــــ علـى ساحـل شرايينـي

على كف الشقا نامت جروحي والألـم سهـــــران
يحطمني .. يبعثرني .. وفي صحـراك يرمينـــــــــي

ولكن عــــزتـــــي تفـرض أكـون بدنيتـي سلطـــان
وإن ظنك أجي أركع لرجلــك... مـا عرفتينـــــــــي

انا ما عادتي اشحذ من أمثالك رضــــــا وإحسـان
امـــــــــــوت بـــعــــزتـي ارحـم ولا ذلــك يغطيـنـي

وما دام الوفــــــــــا عنـدك يـدور لـه علـى عنـوان
بدور لي على قلـب يصـــــــــــون الحـب وسنينـي

ولو قلبـي رجـع حَبـك بولـــــع فيـه بالنيـــــــــران
وبكســـــرهـا أنـا رجلـي إذا صوبــــــــك توديـنـي

ولو دار الزمــــــن ضدك وجيتـي تطلبـي الغفـران
وجبتي الشمــــــــس فـي كفـك لعندي..مـا بتلقينـي

تقول الناس في وصفك:جميله مثل عـود البــــان
وإنك أجمل وأحلى بشـــــــــر مخلـوق مـن طينـي

وإنك غاليـــــة وأثمـن مـن الياقـوت والمرجـان
تقوم أكوان مـن أجلـك وتقعـد لـك بلادينـــــــــي


حــــــسافه غرهم شكلك ويـا مـا تخـدع الألــــوان
عموماً .. بقت كلمة أخيرة لك على قلبي وسمعيني

إذا كنتي بنظر غيري مـــــلاك على هيئـة إنسـان
قسم بالله ما تسوين شعـــــــره مـن رمـش عينـي

[الشيخه شيخه]

ياماخذ القلب قلبـي ويـن وديتـه
نطرت قلبي يجي منك ولا جانـي !

رحت اتحراه يرجع والحشـا بيتـه
والظاهر بقربك ارتـاح وتناسانـي

وشلـك بقلـبٍ تضمـه ماتمنيتـه
عادي تضمه ! وعادي تضملك ثاني

ماهي غريبه ليا جالـك وضميتـه
وسيع ذمه عسـى ربـي لايبلانـي

ماخفـت ربـك وقلبـي ماتبنيـتـه
غيرت قلبي على ورحـت تجفانـي

ابيك تذكـر وشلـي معـك سويتـه
راجع ظميرك ورتب جمله أحزانـي

حتى الشعر فيك ضحكتـه وبكيتـه
يضحك على شانك ويبكي على شاني

في داخلـي لـك كـلامٍ ماتهقويتـه
كلام لاجيت أقولـه يثقـل لسانـي

كلام فالصـدر مـن سبتـك كنيتـه
عجزت اقوله ماكن لساني حصانـي

حبل الوصل من يدينك ليـه هديتـه
حاولت أشيله ولاكن طاح ما أمداني

وقفـت حتـى مكانـي ماتعديـتـه
كن الصبر مرنـي عجـل وتعدانـي

فنجال فرقاك من صـدك تقهويتـه
والحزن غيم على الصدر وتقهوانـي

على كثر مانزف جرحـي وداويتـه
على كثر ماندمت وقلت وشـجانـي

الله يسامحـك قلبـي ويـن وديتـه
والله يسامحه قلبـي ويـن ودانـي

[الشيخه شيخه]

اشوفك حلم في عيني واحسك بالحشى موجود
احبك والغلا لجلـك نذرتـه لاخـر ازمانـي


ابي قربك ابي قلبك ابي حبن بـدون حـدون
ابيك تداوي جروحي وتمسح بيـدك احزانـي


امل عمري تجلا فيك وصار القلب بك موعود
الاقي راحتي بقربك غريبه وقلبـك اوطانـي


حبيبي عني لاتبطي انا فيني الصبر محـدود
انا ماقوى على بعدك عذاب البعـد اشقانـي


تعال انعيش ذكرانا مـدام ان العمـر معـدود
مع الفرحه لنا موعد نعيـش بعالمـن ثانـي


كفايه يالغلا حيلي من زود الصبـر مهـدود
تعبت وما بقابي حيل وليل الشـوق عنانـي


حبيب الروح لو تبعد معك حبل الهوى ممدود
انا ذكراك مانساها اخاف ان انـت تنسانـي

[الشيخه شيخه]

ماعـاد ينفـع ياحبيبـي تغليـك
ولاعاد ينفع أنتظر منك . رجـوى
مليـون مـره قلـت الله يخليـك
ماحن لي قلبك ولافيـه . جـدوى
تهت بغرورك لي متى فـي تعاليـك
وفي كبريائك تسرع بكل خطـوى
خيبت ضني وخاب كل الرجا فيك
وكل الأسف مازلت بالقلب تسوى
ياما على اركاب الوله جيت ناصيك
غنت لك الاشواق هجيني وحدوى
وياما غرامي من ادلالـه يقهويـك
وياما جفا قلبـي منـك تقهـوى
وياما طلع صبحي اسهـر لياليـك
كلك على صدري تاخذك غفـوى
وياما رقى فيني العتب راس عاليك
انهي في مرقاب الزعل كل شكـوى
أشعلت من أسمي قناديل تضويـك
وأربع حروفي كلها لـك تعـزوى
واليوم يكفي عاد يكفيك يكفيـك
زودن على صبري تحملت قسـوى

[الشيخه شيخه]

أَدْري وَالله يَـا حبيبي مِـن وَرى عيـني تخون
لا تِظِـن إنِّك مِكَـذِّبْ .. لا تِصَدِّقهَـا ظِنونك


ومِن يُقول آنا أحِبـك وقلبي عايش لِك يصون
آنـا مثلك يا حَبيبـي مِن وَرى عِينك أَخونك

هَـان قلبـي في عُيونِك و هَم بَعَد قلبِك يُهون
عِشت أيَّامِـك بِدُونِـي و عِشت أيَّامِي بدونك

دامِك تِسَمِّــي الخِيَانَــه في مَلفاتِك جنون
فِينــي لِك مَليُون جِنِّــي كِلّهُم والله يَبونك

لاتِسَوِّي لِـي حِكايَـة نُون ومَـا لا يَعلمون
يَعنِي فاهِم يَعنِي عَارف وإنتَ ضايع وسط كونك

كيف أحبك ؟ ليه أحبك ؟ وإنتَ أصلاً مِن تكون
شخص خايِن والله باين حِط عيـني في عيونك

لا تِمَثِّـل دُور عَاشِـق .. ولا تِقول إنِّك حنون
إنتَ قاسِـي إنتَ ناسِـي إسأل اللِّـي يعرفونك

أو ترى يمكِـن يكـونوا مِثلِك إنتَ يكذبون
يذكرُونِك.. يفقدُونِـك.. بالكِـذِب هُم يعشقونك

لا تِصَدِّقهُم وتَبكِي وفـي غِيابِـك يضحكون
لا تأمِّنهُـم وأحـذَر قبـل لا تبـدي طعونك

والله باكِر ما يفيدِك لا بـدَى وقت الطعون
يطعنُونِك وإنتَ شايف وإنتَ عَـايش يذبحونك

والمصيبه بَعَد مُوتِك بالكِذِب هُـم يحزنون
يدفنُونِـك .. يكرمُونِـك .. و إلاَّ يمكِن يتركونك

هِي حَياتِك وإنت كِيفِك خُون لو وِدِّك تِخون
بَس إفهَم شَي واحِـد .. والله مِن خِنته يخُونك

[الشيخه شيخه]

أنا أطري على بالك كثر ما أنته علي تطري؟!

[الشيخه شيخه]

ليش تزعل وانت ماتعرف ظروفي
لـيش مـا تـسمع كلامي للنهاية




اقـتنع بـالعذر تـرضيكم حلوفي
والله ان اللي حصل ماهو برضاية




مـن وعـدني بلتزم بالوعد يوفي
لـيش تلعب بي وتلعب في هواية




وكـان خنت العهد فالحكم معروفي
الـخيانة بـالعهود أكـبر جـناية




كـان قـلبك يرحم الحال ويروفي
والله إنـا مـا لـنا بـالغير غاية




لا تـحسب اني بطير مع الدفوفي
ما اشتري السلعة على سبة دعاية




لا طـرت لي كلمتك يزيد خوفي
واتـعذب مـن خـلاية في خلاية




احـسب ان الـحب وياك مخلوفي
يـوم انا اخصك بحبي مع غلاية




مـا هقيتك تجرح القلب العطوفي
لا يـا بـو وجهين ما هذا جزاية