|•♥•| يا أحلامنا خفي شوي // أخاف نعاف واقعنا |•♥•|

[تـذكـار]

حتى جنـاح العَتَـب لرضـاه ذليتـه
ماطِرْت بعده فـرح مـن ذلّ جنحانـي

يـآقلب صبركــ ترى كــل شيء سويتــه
مـآكـآن افضــل من اللي كـآن بأمكــآني

لوبــي قوه على الهجــرآن ! خليتـــه
لوبي ذره من النكرآن ! يفدآنـــــي

الجرح ارحـــــــم .. اذا يرجــع من اغليتــــــــه
مجـــروح؟ فِدوه .. ولكن صعب وحداني

[تـذكـار]

الصد من خلك ليا جيـت ناصيـه
يشب في روض الضمير الشبايب

ماهوب شرهه من كبار المشاريه
الا كما الصفعه على وجه شايب

مقتبس من ركن الراقيه صمت

[تـذكـار]

مدخل

هلا بك والصباح اللي خذا من طلتك نوره..
هلا به من بداية مطلعه لآخر تفاصيله..

يالبى ذاالشوفه جعلني مااخلا

ودي افضفض بس فيه اشياء مانعتني جاي على بالي اروح اسجل بمنتدى سوداني ولا مصري واكتب وافضفض عن اللي قوايه

بالعاده اذا قربت الاختبارات تجيني ضيقه مايعلم بها الا الله مدري دفاره زايده ولا ذل ولامدري شسالفة هالضيق اصير ممله وحالتي حاله مااقول الا الله يخارجنا بس

............................

امس العصر رحت مع امي نعزي مرة خالي متوفي ابوها مااحب العزاء ولا احب اروح اعزي غصبتني امي ورحت معها سلمنا وجلسنا والجو هدوء والكل ساكت مااحب جو الهدوء قسم بالله بغيت اضحك بس ماسكه نفسي اول ماطلعنا مع الباب فقعت ضحك وامي تمشي وتستغفر خخخ

لا وخالتي تصب علينا القهوه وتعطي امي فنجال وجت بتصبلي وارفع يدي قلت لا لا شكرا جزاك الله خير لا وقلتها بسرعه هههههه احس امي ندمت انها خذتني معها

برب لي باك

[تـذكـار]

لو تعمل الطيب .؟!

و يضيع .. !

لآآآ تقول طيبي .. ( أنجحد

خلّك مثل موج البحر / يغسل مدآرآت المدى ـآ

وينكسر مآآ حسّ ، بـ أوجآعه !

- . . . . . . . . . . . . . . . أحد ~

[تـذكـار]

لاتنتظر الاهتمام من شخص معين ,ولا تتضايق من شخص مآآ أسآء إليك , فاجعل كل
شخص في مكانه الطبيعي في قلبك ,, ولا تعطيه اكبر من حجمه في حياتك , لأن الغالي
هو الذي يغليك .. والحبيب هو الذي لا يجرحك , و الصديق هو الذي لا يضرك .. فغير ذلك
لاتتعب تفكيرك فيه .

[تـذكـار]

لولا صلاة الجمعه كان كملت حلمي فيه

صحيح احبه ...

لكن لي رب اخاف اعصيه ...

[تـذكـار]

مدخل

اضيق لاشفتك مع الناس فرحان
وافرح ليا ضاقت عليك الوسيعه

قبل ماادخل في النذاله وعلومها شعنده عم قوقل مسوي دعايه لباك مان يااني حاقده على الجني الاحمر اللي في اللعبه ابن اللذينا عليه سرعه مكرهني في عيشتي مايخليني اكل حبتين حتى

ندخل بموضوعنا ماسكه معي اليومين اللي طافوا(( القيامه ))اشتريت كتاب العريفي ((نهاية العالم)) قريت اغلبه وفيه اشياء كانت مبهمه ومو واضحه اضطريت ادور عليها ولقيتها بالنت المهم صار عندي المام بكل شي عن يوم القيامه علاماتها اهوالها اشياء تخرش القلب خرش وتخلي النوم يطير اسبوع وتخلي القلب يرقع رقع ولو يمرك زول من بعيد قسم تفز فزه ماهيب صاحيه



هذي صورة الكتاب يابالفيت ان المعلومات عاديه بااكل اوريوو

وقتها كنت تاركه النت شغال والمسن اون لاين دخلت وحده من فرنداتي ومعصبه لاني كنت غايبه يوم الاربعاء والاخوات في الله اذا قلت بغيب غابوا وانا احيانا تطق براسي الصبح واداوم فيطلعون غايبات واتوهق انا عاد فصرت مااقولهم

خذوا المحادثه





من الخلعه قلتلها ندوش وهي لولو


قلبت عليها بسرعه وطردتها بس تستاهل

شسوت دقت على فون البيت رد عليها اخوي البثر خالد 10 سنين



قالتله ابيك تروح تخوف فلانه تدخل تحت السرير وتطلع وتخوفها لازم تنخش تحت السرير

الغبي ماجا براسه جاي ولابس هالشي يحسبني بكامل قواي العقليه



كنت جالسه على السرير والاب مفتوح والكتاب سكرتهم قلت بنزل الصاله تحت اول مانزلت رجلي شي مسكها يمه طليت الاهو طالع بس راسه صحت صيحه قسم بالله امي جات تركض والشغالات وكل اللي في البيت قلتلها على السالفه وخذت الكتاب مني ولعنت خيري طبعا وخلووود كلا تبن لانه ماقعد احد في البيت ماسطررره حتى الشغالات هههه

اما لولو النذله شغلها عندي ابي اطير قلبها بس كيف حالفه مااداوم الا لما تجي براسي فكره
وللحين افكر جاي على بالي اقفل عليها في المكتبه من الصبح ومااطلعهاالا نهاية الدوام بس اخاف انساها الذاكره ينشره عليها هاالايام


بس وسلامة الطيبين امسكوا

مخرج

مردوده مردوده والله مااخليها
صبرك علي صبرك وافاجأك فيها

[تـذكـار]

سويت لي دلة وفا [ وإحتريتك ]
طولتّ والدله ترا الحين > فكتّ

ياليتني وقت [ الرخا ] مالقيتك
شفها هموم الكون فيني تمركتّ

...................................

ماتلاحظون ان دلالي كاثره هاالايام

حببوني فيها جعلها تبطي سنينهم
بطير اسويلي كوفي مدري شيبي جوي قسم بالله الوكاد اني ابي قهوه هالحين وجالكسي كارميل ( ابو عسل )

[تـذكـار]

من بآدي الوقت هذآ طبع الآيامي
عذبآت الأيام ماتمدي ليآليهــآ


حلو الليالي توارى مثل الأحلامي
مخطور عني عجاج الوقت يخفيها

اسري مع الهاجس اللي مابعد نامي
واصور المآضي لنفسي واسليها



اخالف العمر اراجع سالف اعوامي
وانوخ ركاب فكري عند داعيها

[تـذكـار]

ابوي وانت الله عطاك من المهابه والقبول
يوم الشعر باللي مثل شروى جنابك يرفعه

لالاتحاتي يابعد راسي عسى عمرك يطول
لاصرت من خوفك علينا زود حرصك نتبعه

من رحمتك فينا تعلمنا عن الرحمه فصول
من قلبك الوافي عرفنا كل خيرن ندفعه

ياما على الدم والقرابه تصبر وشلت الحمول
ياما عملت ومادرو لجل القرايب تجمعه

من كثر ماوصيتنا بوصل الرحم ظنت عقول
ان الرحم أولى من الوالد بطيب ومنفعه

يابوالفقير الي تضايق مالقى بعمره حلول
يابو اليتيم الي انمسح بأطراف كمك مدمعه

من يجهلك يالي جرى طيبك كما مجرى السيول
مايجهلك غير الجحود الي ظنونه تخدعه

يالحاسم الي نعرفك ماتقبل انصاف الحلول
كل ماذكرنا انك ورانا ناخذ الدنيا سعه

يامروّض صعاب الزمن مهما الصعايب بك تحول
ماهو مثل من قال ان طاع الزمن ولاطعه

انته المواقف في حضورك ماهي باقوال وفعول
انت الفعل يسبق كلامك لين غيرك يسمعه

يابوي لوماعادتك بالطيب والفزعه عجول
ماضاق ديوانك وبيبان البيوت مشرّعه

ماقد خذلت انسان جاك ولا رجع منك جفول
يوم ان اغلب هالبشر حتى الاخو ماينفعه

نلت المهابه من شيوخن يوم غيرك ماينول
الإ انهم؟؟والا بلاش اسكت وغيري يطلعّه

ادري القصايد في رجا حضرة جنابك ماتطول
من ربع ماتفعل يمينك يافخرنا ومنبعه

كم شاعرن قبلي تغنى وجاك فابياته خجول
يالله قلي كم قصيده فالدروج موزّعه

وادري الشهاده فيك مجروحه ولكني بقول
ان الشواهد في كلامي ياعرب تستشفعه

للشاعر عبدالله الظفيري