::
::
ياكبتن الطايره يسوقني الشـوق سـوق = والشوق . شوق الديار . وسطوته جايره
فيني سعاده بها اللحظه ونشوه وشـوق = أللعب وانا دمعتي في محجري حايـره
قد لي اِسبوعين من سافرت عييت أروق = لكـن عجـل علـي .ياكبتـن الطايـره
قضيت رحله سياحيه وجيـت اِمخنـوق = كن حالتي حالة المسجون فـي دايـره
تدري متى ينتشي دمي بوسط العـروق = لاشفت بيشه . وشفت المتن والصايـره
واذا انعكاس الهوى خالف وسندت فوق = شَّرف على الوادي اللي هيبتـه سايـره
يالله وانا طالبك تنشي عليهـا الحقـوق = وترد فيهـا جمـال الصـوره النايـره
من عقب ليلآ يسامره الرعد والبـروق = لين الدريول يحن العشـب مـن تايـره
دار المطاليق حرز معكسـات العـذوق = يوم الرياجيل ذي غِزيـت وذي غايـره
الكل منهم على فعل المراجـل سبـوق = ماهوب عذروب يـوم أدميهـم فايـره
يزهاهم المدح وانا والله انـي صـدوق = بالفعل . ماهوب مدح اِكذاب ومضايـره
ياطيب مدح الرجال اللي تعرف الحقوق = ولاتخلـي رفيـق ٍ يلحـقـه بـايـره
ترا الرفيق الكريم اللي لربعـه شفـوق = خير للنفسه . وخير اِلربعـه وشايـره
اِبعيد نظره معا ربعه . ونهج. وخلـوق = ماهوب من يشـذب الرِجـال ويسايـره
والا اِن الأقشر يبيها ملازم ٍ بالحلـوق = وفي كل ليلـه ويـوم وعجتـه ثايـره
يمناه سفلى ليا جات الـوَزَع والفـروق = وان صد عنهم سلاحه شتـم ومعايـره
ياللي تعرفه ترا الرفقـه معرفـه وذوق = لاتِدخل النذل في شـورك ولا تخايـره
لاجاك راضي فلاتامن من النذل بـوق = وان راح زعلان يضرب راسه العايره
قلته ياكبتن وانا دمي عليـك اِمحـروق = ولانيب مرتاح لين اِتحط بـي الطايـره
08-03-2010, 05:10 PM
العرض العادي
