رجال يام وحربهـــم مع ابن قرملة وحاشيته

[ي ا م 0 0 1]

ارررررحب ياصقر صبحا ونعم فيكم يامحلف بس شف كيف صبيان قحطان وخاصه الجحادر متشتتين في كل ديره وخاصه ديار نجد؟؟
وهذي كلها بسبايب عتيبه ولا حد يختلف على ذا الشي الا المغفل

- مناخ الاميلاح عام 1235ه اسبابه ان قحطان ضايقت سبيع في جهات رنيه والخرمه وحاول شريف مكه حل النزاع الذي ادى الى مقتل
كثير من رحال الطرفين لكن دون جدوى فأرسل الشريف رسائل لمحمد بن ربيعان شيخ قبيلة عتيبة و فيصل الدويش شيخ مطيرلمساندة سبيع فحصل بينهم مناخ استمر 14
يوم وقتل من قحطان 200 ومن كبارهم 14 منهم محمد بن شبعان شيخ بني هاجر في وقته وقلع من خيلهم 60 فرس منها فرس قلعها سعيد السليح
(والد مدوخ السليح المشهور)وهي كحيله الزهيه فرس حمراء صبحا اللون تناسلت عند عتيبه وفرس قلعها محمد الدويش (ابوعمر) من
تحت حشر بن وريك بن عضيب شيخ ال عاصم وبعدها نزحت بني هاجر للشرق عدا سحمي القصاب وجماعته فقد حصل بينه وبين الشيخ صنهات
بن حميد (والد تركي) رديه بالشعر مشهوره حول نجد ورعيها.
2-معركة ام الجواعر بين عتيبه وقحطان عام 1254 يطول شرحها00000000انتظروها==--
ـــــــــــــــــــــــــــــ
2-معركة ام الجواعر جماد اللآخر 1253ه بين عتيبه ومعهم 300 خيال من الترك و200 خيال من المغاربه وكانت عتيبه بقيادة شيخهاسلطان بن ربيعان
ضد قحطان ال عاصم بقيادة حشر بن وريك بن عضيب استمرت المعركه ساعتين ونصف (صباح)وانجلت عن مقتل 150 رجل من قحطان
و10 انفار من العسكر وجرح 24 وذبح من الخيل 40 راس ثم قام العسكر بتقطيع آذان القتلى من قحطان ( ربما لاستخدامها شاهد على المعركه
في كتابة التقرير)اما عتيبه فقد قاموا بجمع الغنائم من خيل وابل وعندما شاهد العسكر ذلك تركوا تقطيع الاذاني وراحوا يجمعون مابقي من غنائم000
فلاحول ولاقوة الابالله00وبقي معركه الانجل بين الشيخ مرزوق الهيضل ومحمد بن هادي وقحطان انتصر فيها الهيضل (في نفود السر) وقد قلعت
فيها فرس قلعها شليل بن رومي الخيوطي الدعجاني0الذي ماتزال سلالته في الدوادمي الان00





هل تنكر ذالوقعات ياصبحا؟

هااحسب تيا طال عمرك مع وقعة صبيان يام وانشاءالله اذا في خاطرك شي ياليت تجيب لي شي موثوق والوطوطه ماتنفع مع عطران الشوارب

[ي ا م 0 0 1]

هلا والله ياطير صبحا انا ماتدخلت في امور عتيبه وازاحتها لكم من نجد عشان تعرف يالغالي ان لكل قبيله صولا ت وجولات وتعرف ان ذالموضوع مهو من روسنا اللي اعقرو صبيان يام فيه قحطان وكانو صبيان يام اعداد قليله

ولاتنسى قصيد راكان بن حثلين

حنا كمـا سيـلٍ تَناحـا غمامـه =حامل بَردهـا بالفرنجـي والاروام

سيله يقزي ما نحى مـن عدامـه=ورعودها منهـا المِدَلَـه تقصـام

وان كانكم سيـلٍ يِطْـم العدامـه=حنا زبارٍ يشرب السيـل لا عـام

وان كانكم ضلـع كبيـر حَجامـه=حنا كما نجمٍ على الضلـع هـدام

وان كانكم مثل الرعـد بِنْقِصامـه=فإن الرعد ينبت زبيـدي برضـام

كم سيف هنـديٍ فِظَخْنـا لِجامـه=بأيمانِنا كِنـه مقابيـس الاظـلام

نروي من إرقاب السِّكارا حَيامـه=في هيةٍ يشبـع بهـا كـل حـوام

ولا تنسى ان اللي خلا ابت قرمله يرجع لدياره بسبب رساله تهديد من صبي من ال حبيش عمره 15

ولاتنسى ذبحة صبيان يام لبيرم وذبح سعيد بن عايشه على يد صبيان يام
ولاتنسى ابن قرمله ايضا ماعاد شاف خير من الشلفا اللي جاته من بنت من قبيلة المحامض يوم شافت ابيها مذبووح
وكل الامور هذي ماتعجبك؟؟ صحيح ان التاريخ صعب والضاهر انك ماتتقبل الكلام او التاريخ اللي يوجع ياصبحا

وكل كلامي بقصايد ومصادر موثقه

وانت ياصقر صبحا اول شي موثوق جبته هو موضوع اللي بين قحطان والاشراف
ولكن اطلب منك ان تجيب لي شي موثوق بين يام وقحطان؟؟

عشان نشوف ادعاءاتك انت وبن عمك ابن ذيبان؟ عن صبيان ياام والقضيد هو الدليل للمعارك الموثوقه

والصراحه اغلب وجيه محلف حاقد علينا بماسبة الامور هذي

سلامي

[ابو راكان]

شكراً لك اخي الكريم على هذا المقال

[الاصيل اليامي]

ومثل ماقال يام100

ولاتنسى ابن قرمله ايضا ماعاد شاف خير من الشلفا اللي جاته من بنت من قبيلة المحامض يوم شافت ابيها مذبووح

يكفيك يا صقر صبحا ان ا بن قرملة مات مثاثر بجروحه من فعل البنت
ماخذه ثار ابيها

[فاشق]

زامل الملقبين بالمدينه عندما طلع الصباح وسلوا سيوفهم وجهزوا بنادقهم

ياسلامي على الطاغين من يام = عد مالبراق له حنه

والله مانخيلك ياعباد الأصنام = ألين تقرا الكتاب وتتبع السنه

( في ظنهم بأن أهل نجران ليسوا مسلمين )

[العبيدي]

ابن هادي مات من جرح منكم يايام 000تصدق اول مره اسمعها
محمد ابن هادي ابن قرمله مات عن عمر 120 سنه يعني الجرح هذا متى اصابه ؟؟؟
وبعدين علوم نجد من جابها لك ياليامي انت جيت وشفت نجد وصناديد قحطان كيف مالكين نصقها
وتذكر شهداء قحطان وتنسى ضحاياهم نسيت عبيد ابن تركي ابن حميد وعيال محمد ابن هندي نايف وسلطان ونسيت مصلح بن فهيد اخو امير الشيابين وامير سبيع وابن ربيعان وغيرهم
عتيبه ومليون نعم فيهم وافين بس قحطان قحطان
وبالنسبه لقصة الصبي الحبيشي مع ابن قرمله هاذي عندكم بس يالياميه لانك نسيت ان ابن حثلين استفزع بفيصل ابن تركي ال سعود الحاكم وقتها يبي الفكه من قحطان وان كان تبيني اجيب لك القصه ابشر بسعدك

اخوكـــــــــ
العبيدي

[فاشق]

شقومك قمهنت تهذري ياصاحبي دخلهنت في عشرين موضوع

اولا اللي نتكلم عليه من ال قرمله مهوب محمد بن هادي اللي نتكلم عنه وانذبح من الجروح هو

حمود بن ناصر بن عمر بن قرمله

بيرم من ال زربه من قبيله الحباب


ومدري وش دخل عتيبه وسبيع بالموضوع
ولا عاد تقعد تمدح ربعك واجد كثر المدح ترا نقيصه في الواحد

والوقعه ذي معروفه وقد قالها حدا شعاركم يوم قال


نجران في حامتـه صبيـان همدانـي
تشرب سموم البلا والموت يشرونـه
من ضربهم قد تفانـا كـل فيدانـي؟
شبعت سباع الخلا والذيب يدعونه


ولاتنسى بيت الشيخ راكان
ان كانكم سيل يطم العدامه && فحنا زبار يشرب السيل لي عــام




حبيت اوضح لك يامحلفي فقط لاغير

[مـحمـد]

السلام عليكم ورحمة الله وبركاته

الله يعطيك العافيه ولاهنت
موضوع رائع مذيل بالمصادر التاريخيه

[فاشق]

أحب أنوه أن البيتين اللذان ذكرا في مجلس ابن سعود وهي:

والله لولا الامام وامر الامام مطاع = لنشد وننزل بين الحسا ونطاع

كانت بين جمل أو قنيفذ بن لبدة
وكان موجود واحد من آل شامر فارس
فقام يلعب ويقول

إنه يكذب يا فيصل مهب لك مطواع = نتاف لحية مرشد والشيخ الأخر ضاع

ومرشد والشيخ الثاني هما من طرف ابن سعود لجمع الزكاة، كان قد أرسلهما من قبل هذه الأحداث منذ فترة طويلة إلى ديار قحطان وحصل لهما ماحصل
أخذت هذه الرواية من أحد شيبان آل ريمة وزاد على ذلك : أن الشامري قام من مكانه وفي يده جنبية / خنجر ماسكها بيده ومسند حدها على راحة يده الثانية

[فيصل القحطاني]

السلام عليكم ورحمة الله وبركاته

إخوي فاشق ارجوا تتقبل تعديلي برحابت صدر
وانتوا والله ونعم اللابه يا وجيه محلف ....

البيت الأول هو لجمل ابن لبده..
والبيت الثاني هو لراكان ابن حثلين
وليس على حد قولك فارس من آل شامر..

واللذي أنها الخلاف وديا هو الإمام
وليس صبي يهدد ابن قرمله ؟!