حادثة مقتل الشيخ ابن معتق القحطاني .. الذي اراد ان يقتل الشيخ ذيب المهان

[جروحه راس مربوحه]

المشاركة الأصلية كتبت بواسطة غدير الموووت

يالربع الي ذبح ذيب المهان واحد بعد من صبيان الحباب وهو معروف ولي عوده لكي اجيب اسم الفارس الي ذبح المهان

كذبك في ذمتي

ذيب المهان توفى بعد مرض وجابوه عواله للكويت وتوفى ودفن في مقبرة الصليبخات..


الله يرحمه

[v.i.p]

المشاركة الأصلية كتبت بواسطة جروحه راس مربوحه

كذبك في ذمتي

ذيب المهان توفى بعد مرض وجابوه عواله للكويت وتوفى ودفن في مقبرة الصليبخات..


الله يرحمه

كفيت سو بقعاء ياغدير الموت وجميع الاخوان .

ذيب المهان له سته اخوان وكلهم ضحي بهم اربعه عند الحباب واثنين عند ال سليمان عبيده ووالله العظيم انها ماتنقص من ذيب وربعه وعلى فكره الشيبان علومهم غانمه على الذبح اللي بينهم وانا هنا ابورد سالفه تتعلمون منها جراب ال جميح ذبح اخو واحد من ال سليمان واخو المذبوح من اشرس واقوى فرسان ال سليمان عبيده ويقال له ذيب ابن عردان والكل كان يعرفه يام والحباب وقبائل الجنوب بشكل عام خصوصا اهل شرق المهم ان جراب راح يبي يتجلوى الين يهدا الثار وتحل المشكلة وهو في طريقه ويوم هجد اليل شافه ضو عرب شابه وقال امرح عندهم واكمل مسيري المهم انه ورد على ذولا العرب ويوم قرب نادى على راعي المحل يوم ظهر له راعي المحل الا هو في ذيب ابن عردان يوم شافه ابن عردان واعرفه وهو كان يدور له قال ياسعد عين واجهت مطلوبها اخدم خلاصك مني فرد جراب في الحال وقال على هونك با ابن عردان تراني ذا اليوم في وجه الله ثم في وجهك وان ضيفك يوم كلن يزبن ضيفه فاستقبله ابن عردان على مضض وعطاه الامان وعشاه من الدسم وهبت الريح ويوم اصبحوا زهب له ذلول وقاله ياجراب تراك في وجهي ثلاثه ايام وعقبها خطى السو وجهي قال جراب اوجبت واخطى السو وجهك وبعدها تم حل المشكلة بوجيه شيوخ القبائل وتسامح الشجعان هذه كانت عادات الاولين على مافيهم من شجاعه وكرم وشيمه وقيمه بل انه في المعارك المصوب والاسير يعامل معاملة الضيف ويكرم ولايهان والان اين نحن من هؤلاء والله لاحنا واصلين مواصيلهم ولا حنا باللي نسكت والحمد لله على النعمه لذلك اقول للاخوان جميعا اتركو عنكم هذي العلوم اللي لو اهلها اسمعوكم تقولنها حثو في وجيهكم وتكرم وجيه الرجال ووالله ان قبيله قحطان وقبيلة يام ليست في حاجه لمثل هذه العلوم لاثبات علو شانها بل على العكس الواحد يورد سالفه يبي يرفع شان ربعه وهو يحطه من حيث لايعلم واقذلوها انا فداكم من ذي العلوم الملفلفه والسلام ختام .

[Imagination]

الله لا يهينكم جميع ... منكم اللي جابها في قدى ومنكم اللي حادر ٍ له شعيب ما يدري
وين الله حاذف ٍ به.
الوكااااد والنعم بالاجواد .. والله يرحم المسلمين . والله يبيح ابن المهاان
طرى لي سالفه لأم ابن المهاان:
كان ذيب مطلق عند امه جداا حتى انهم من حلوا ديره كان ينوّخ ذلول امه بشلفااه لاجل ما توجع
العجوز ... وكان يسألها عقب ما خذا قضى اخواانه من القحاطين ويقول :
وش رايش في ولدش يامّه ؟!
فقالت المرحومه ( انت يا ولدي اذرق السبعه )
ومقولتها ذي ان دلّت على شيء دلّت على طيب روس المهاان وقوة شكيمتهم على اعدائهم
فمان الله .

[غدير الموووت]

ماشاء الله عليك يافي اي بي موسوعه عسا الله لايضرك وذبحت ذيب واخوانه معروفه وموثقه عند الشيبان وهو واخوانه وربعه وقبيلته وسبعين نعم والله محلفنا والسلام ختــــــــــــــام

[جروحه راس مربوحه]

المشاركة الأصلية كتبت بواسطة غدير الموووت

ماشاء الله عليك يافي اي بي موسوعه عسا الله لايضرك وذبحت ذيب واخوانه معروفه وموثقه عند الشيبان وهو واخوانه وربعه وقبيلته وسبعين نعم والله محلفنا والسلام ختــــــــــــــام

ذيب المهان خذى قضى اخوانه

شخص واحد ما قدرتوا عليه, خذى ثار اخوانه لحاله

وانت تقول ان ذيب المهان ذبحه واحد من الحباب.؟؟ وانا رديت عليك وقلت لك انه توفى من مرض ودفن في مقبرة الصليبخات في الكويت والحين تعيد كلامك وتقول انه ذبح!!!

واضح ان ودك بالحكي الزايد وتلفيق امور ثانيه مع اللي قد لفقتوها

بامكان اي واحد يروح لعوال ذيب المهان ويطلب منهم شهادة وفاة ذيب المهان وش موقفك يا غدير في ذي الحاله..؟

على العموم الله يرحم الشيخ ذيب المهان واموات المسلمين

[غدير الموووت]

اول شي معروف ان عيال المهان 6 وقد ذبحوا جميعهم من صبيان قحطان 4ذبحوهم ال عبد الحباب و2 ال سليمان عبيده وهذا شي معروف وال سليمان يوم ذبحوا عوال المهان غزو نجران في وسطها وذبحوا من يام وردو ابلهم وهذا شي معروف وموثوق

هذا ردي عليك ان كانك رجال

اما ان كانش مره فمكان المره ماهو هنا ياجروحه مكان المره ماهو بمكان يتوسطه رجال

والسلام ختــــــــــــــــــــــــــــــــــــــــــــــــ ــــــــــام

[جروحه راس مربوحه]

المشاركة الأصلية كتبت بواسطة غدير الموووت

اول شي معروف ان عيال المهان 6 وقد ذبحوا جميعهم من صبيان قحطان 4ذبحوهم ال عبد الحباب و2 ال سليمان عبيده وهذا شي معروف وال سليمان يوم ذبحوا عوال المهان غزو نجران في وسطها وذبحوا من يام وردو ابلهم وهذا شي معروف وموثوق

هذا ردي عليك ان كانك رجال

اما ان كانش مره فمكان المره ماهو هنا ياجروحه مكان المره ماهو بمكان يتوسطه رجال

والسلام ختــــــــــــــــــــــــــــــــــــــــــــــــ ــــــــــام

وشفيك جاي من أقصآك يآ محلفي!! ومعصب!!

أنآ اتكلم عن ذيب المهان وش دخل اخوانه في الموضوع.؟؟

لا تروغ في الحكا , أنت تقول ان ذيب المهان ذبحوه الاحباب !!وأنا رديت عليك وقلت لك ان ذيب المهان توفى من مرض ودفن في مقبرة الصليبخات في الكويت وشهادة وفاته موجوده.
وصلت المعلومه

بعدين اذكر لي اخوان ذيب المهان ومن اللي ذبحهم على قولتك ووش القصه.؟

وشكرا

[غدير الموووت]

انا اقصد ان ذيب المهان من بينهم وذبحوه الحباب واخوانه الي ذبحوهم عبيده والي ذبحوهم الحباب

[الهاجري الشريفي]

ذيب المهان مات وفاه طبيعيه في الكويت

وهو كان عانية للشايب واذكره الله يرحمه وانا باقي ورع حتى ايده كانت معطوبه

والشهاده لله ان فيه شوفه تهول العقل ...عينن ذاهنه صدق

واما اخوانه السته فكلهم ذبحوهم قحطان وكانت امه تقول والله انك افسل اخوانك ياذيب

الله يرحمه ويرحم اموات المسلمين والرجال الكفو الشجاع يحترم سواء عدو ولا صديق

[والله الجفى برد]

السلام عليكم


كلامك يا الشريفي الهاجري صحيح


و مدفون في مقبرة الصليبخات في السبعينات


والشايب و عماني ترى كانوا من قبارته ذاك اليوم



وعلى فكره ترى مهب كل اخوانه اللي ذابحينهم قحطان



فيه منهم اللي ذابحينه يام مهب قحطان