السلام عليكم ورحمة الله وبركاته
ألف شكر اختي العزيزه على الاسئله الحلوه
- كم رقم ترتيبك في الأسرة؟
قبل الاخيره
- من هو الاقرب لك من أعضاء أسرتك؟
عمتي اخت ابوي واختي اخر العنقود
- حدد أهم الأمور التي تقوم فيها وانت في البيت؟
اطبخ واسوي شاي وقهاوي واكنس وانضف البيت
- اكله تحبها كثيرا..؟
خلاصه وتمر.. برياني ..عصيده..وفطير مشلتت حق المصاريه..
- مشروب يستهويك دائما؟
حليب بالموز او حليب فراوله او حليب شوكوليطا
- ماهو الطلب الملح الذي تطمع به من أسرتك ولم يتحقق حتى الآن؟
بناء قصر فاخر
- عندما تشاهد التلفاز : ماهو ابرز مايستدعي انتباهك وتحرص على متابعته؟
ام بي سي 2 افلام
- ماهي أوقات النوم المفضلة لك؟
.................. ماعندنا وقت محدد ... قوم هليل لايمسي ولا يقيل ...
الحياة :-
- حكمة تؤمن بها كثيرا ؟
الدنيا دواره .. والنعمه زواله *** ومن صبر .. ضفر او الصبر مفتاح الفرج
- احب الالوان الى نفسك ؟
فيروزي وفوشي وموف
- دولة تتمنى ان تسافر اليها ؟
ايطاليا بس اذا حجت البقر على قرونها
- ماهي الوظيفة التي تتمناها لنفسك؟
مطربه ياليت الله والناس تقول عني المطربه والفنانه تصعد الستيج لكي تؤدي وصلتها الغنائيه منها اغني واوسع صدري ومنها هالملااااااايين اتناثر علي من كل صوب
- حدد اسم اليوم الذي تحبه واذكر السبب؟
الاربعاء حق الجمعه والوناسه والسوالف
-حدداسم اليوم الذي تكرهه واذكر السبب؟؟
استغفرالله مليون مره الله لايواخذني يوم الجمعه لأنه كان يذكرني بالرجوع للمدرسه بعد الويك اند بس الحمدلله اللي الله فكني من المدرسه والدرايس وععععععع
- حدد نوع سيارتك المفضلة ؟
مدري ودي اركب شين ماقد الناس ركبوه ... بس احب الفورد ماركيز شكلها فخامه مع دلع
- مكان يعجبك كثيرا وتتردد عليه دائما؟
الحوش والصطوح اذا جتني الضيقه لأنه برى وين اروح او منهو اللي متفرغ لي عشان يفر ولا يدوج فيني
- أقرب الاصدقاء الى قلبك ؟
بنت عمي
المدرسة :-
- مدرس لازال في ذاكرتك .. ولماذا؟
عمشاء بنت مرضي .. لأنه كانت تلوي اذانييي وتكفخني لأنه كسلانه بكل ماتحمله الكلمه من معنى
- مواد دراسية تحبها كثيرا ؟
تفسير القران اموت عليه .. مطالعه .. فنيه رسم .. تدبير منزلي وخياطه كني عجيز خخخخخخ
- مواد دراسية تكرها كثيرا؟
رياضيات الي هو حساب عاد وش اسوي اخاف اقول اشياء مسمياتها عندنا في السعوديه يمكن غير عندكم بالكويت وكيمياء وفيزياء وعلم الارض جيلوجياء قواعد توحيد فقه اناشيد انقليزي احاديث تاريخ جغرافيا يعني كل المواد
- حدد بالضبط موقع جلوسك في الفصل؟
اخر طاوله على الجدار وعلى جنب الطوفه حق النوووووووم ولاكل
- ماهي احب المراحل الدراسية الى نفسك؟
الثنويه ذكرياااااااات حلوه
- ماهو ابرز عقاب مر عليك طوال فترة الدراسة وباي سنه؟
طرد من المدرسه شهر كامل بسبب الغياب المتكرر او كثرة الغياب بدون عذر ويالله يالله عقب التعازير وواسطات رجعوني
- هل حصلت على شهادات تميز خاصة وفي أي سنة؟
اول ثنويه المشاركات الفعاله في وسائل ولوحات تزين المدرسه عطوني شهادتين شكر وعطوني طقم قلاصات وساعه يد مافيها بتري ام عشره ريال يعني اقل من دينار وعطوني كتاب تهذيب النفس
- سنة دراسية تعد هي الأجمل في حياتك؟
ودي اوقول سنه وحده بس بصراحه اخر سنتين من الثنويه كانت احلى واروع السنين اللي مرت علي
- موقف محرج حدث لك في المدرسة؟:
بطني داااااااايم يأذيني في المدرسه
المنتدى...
- عضو تعلمت منه الكثير ؟
انا توني مشتركه لحد الحين محد دخلت معه زياده او محد عطاني وجه
ـ عضو ودك تعلمه ؟
مدري
- عضو لا تتمنى ان يغيب ابدا ؟
والله مدري
- عضو مشاغب ؟
ماعرف
- عضو يعتبر الامير في نفسك ؟
احلى من العقد لباسه
- عضو يثير اهتمامك ؟
مزعلة النساء مدري احسها حرمه كبيره في العمر ودي اتقرب منها احب الاشخاص الكبار في العمر
- عضو تعرفه خارج المنتدى ؟
ماعرف احد
- عضو تكونت لديك علاقة معه عن طريق المنتدى ؟
مافي احد
- عضو اكتشفت مؤخرا انك لم تعامله باهتمام ؟
ماكو
- عضو ترى ان لديه امكانيات كبيرة ولم يقدمها حتى الآن ؟
كلهم فيهم خير وبركه وكلامهم مثل البلسم وسوالفهم تجبر الخاطر
وحياكم الله__________________
14-12-2008, 07:22 PM
العرض المتطور
