|
اللي خذاني معك بالصوت والصوره×إن كان يقدر يرجعنا ... يرجعنا
سلام الله عليكم
ياطول ليـل الفراق وياكبر جوره
أيامنا غيـّرت .. حتى طبايعنا
في يوم غابت نجومه وانطفى نوره
مدري وش اللي حصل ! لكن توادعنا
لو تدمع العين من فرقـاك معذوره
الدمع وش قيمته .. لولا مدامعنا ؟
القلب مشتاقلك .. والنفس مقهوره
صحيح بعض المواقف مالها معنا
أحلامنا من هذاك اليوم .. مكسوره
وظروفنا للمواصـل .. ماتشجعنا
سود الليالي خذت منـّا .. ومشكوره
أحلامنا .. والغلا .. واللي بقى معنا
اليوم أنا شاعر ٍ ماحس بـ شعوره
ماهمّه ألا البعاد .. اللي ملوعنا
انا معك .. وأجمل اللحظات مذكوره
أيـام كانت .. محبتنا .. دوافعنا
شفني وشوف المشاعر كيف مجبوره
أدوّر الفرصه .. اللي معك تجمعنا
غلاك للحين .. ماهز الجفا .. سوره
ليله من الذكريات .. ومن مواجعنا
اللي خذاني معك بالصوت والصوره
إن كان يقدر يرجعنا ... يرجعنا
لو كان لك قلب مثل الصبح وزهوره
ما ضاق حلم الليالي .. في شوارعنا
لـ محمد البطحي
__________________
الماسنجـر للتـعـارف والتـواصـل=مـن نتـاج العولمـه بإسـم الثقافـه
فيـه أوامـر بالخطـوط وبالفواصـل=أمر حظر .. وأمر حذف .. وأمر إضافه
والمعـارف كلّهـا تحصيـل حـاصـل=والملقّـف مـا يخـلـوّن اللقـافـه !
|
14-06-2008, 09:21 PM
العرض الشجري