قصه هدم قصر برزان

[التاجر]

قصر برزان هو قصر الحكم لعائلة آل رشيد حكام حائل
والذي بناه الأمير محمد بن عبدالمحسن آل على حاكم جبل شمر ( أبناء عم آل رشيد ) وقال فيه قصيدته التي منها :
بنينا لنا قصر برزان ......عريض الدرج زين المباني
وبنايته تسعين رجال....... مع ألفين عبد ترجماني
وبابه ذهب ياطيب الفال ....وطينه زباد وزعفراني
وبعد أستلام آل رشيد الحكم قام عبدالله الرشيد بتوسعة القصر وأكمال بنائه 0
وعند سقوط حكم آل رشيد تم القيام بمسح كل ما يتبع أسرة آل رشيد تدريجيا ومن ضمن المسح هو قصر برزان 0
وهناك حدثت قصه مؤثره عند أحد رجالات شمر عند رؤيته لهذا القصر الشامخ الذي طالما كان ملاذا للخائف والمستجير والجائع وهو يتهدم والقصه كما كالاتي :
------------------------------------

اخواني هذه القصيده قاله الشاعر عبدالعزيز الدعيع رحمه الله
عندما قام ....بهدم قصر برزان بحجة التوسعه لسوق حايل وعندما
اخذو الاذن من اعيان البلد وكباره وقعت بعض النفوس الضعيفه في شبكة المصيده 0
والحمدلله على كل حال لايذكر الا قله من اهل البلد وقعت وكان هناك رجل من اهل المنطقه من الريشان من الجعفر من شمر كان كل صبح وعصر يجلس بضلال (مشرفه) ويتذكر ايام العز والازدهار وهو طاعن في السن وعندما هدم يقال انه دخل الي منزله مثل بكاء الطفل و عقبه حرّم الخروج الى السوق حتى توفاه الله يقول الشاعر :

عزاه من قلب سعى فيه ديدان ........عيّا يطيق الصبر من حـر مابـه
الله يبّدل ساعة العسر باحسان.......النفس مـن كثـر اللواهيـب ذ ابـه
والعين عد بموقها شب نيران... ......وجفونها من كثر الاغضاب شابـه
الناس نوما واسهر الليل حيران.........والقلب كن سـم الحيايـا لجابـه
مرحوم ياقصر السناعيس برزان........غـدا محطـه للسوافـي ترابـه
من يوم شفت العث يسعى بدمران.......بكيت يوم ان( الدركتـر) مشابـه
ماهو غلا مار للنفس ميز ان.........راحو هله اغلا منـه هـو قرابـه
ياما شبع به من هفي ٍ وجيعان.......والله مـن شيـخ عزيـز لفـا بـه
مضيف اخو نوره تولّوه قصمان.......يحتّس لامـن القصيمـى وطابـه
ياويلكم لو يظهر اليوم سرحان... ....وينجال عن ذيك النصايـب ترابـه
والله ان تلقى بكم تقل خيفان.......لاجاه من وبـل السمـاء لـه سحابـه
ياعين لا تبكين فـي هـد برزان.......ابكـي حـرار بالملاقـا ذ يابـه
تر ضدهم مايرقد الليل حيران........مثل السبـاع ليـا تعـاوت بغابـه
دنياك مادامت لكسرى وعدنان.........صيّور ماتضفـي عليكـم ترابـه
ماينفع الا الطيب يبقا برهان..........هذيك شمـس اسفـرت ثـم غابـه
ياعلكم ياللى سعيتو برزان.........مـن هـد سـوره ياخـذ الله شبابـه
البوم صقر بيومنا صار ياخوان........الحر مايسمع لـه اليـوم جابـه
من عقب ماهو ماكره راس ضلعان.......اليوم بالسيسان هـو والكلابـه
والسبع عقب الفرس مافيه نيبان.......وابا الحصين اليوم ياشطـر نابـه
صارو عوض لباسة الجوخ سلقان..........دلّت تشير وصار ذرب جوابه
مار البلا اللي تقل روس خرفان.......كل يبي لـه تجـرة فـي خرابـه
مرحوم ياللى حرّم السوق زهدان.......حتى صلاة العيـد ماسـار بابـه
هذاك ابن ريشان عساه بجنان.......اطلب عسى لـه د عـوة مستجابـه
مضيف اخو نوره تولوه قصمان.......يحتّس لامـن القصيمـي وطابه
--------------------------------------
مع تحياتي للجمييييييييييييييييييييييييييييييييييييييع