فضفضة .. وعبرة
اكيد البعض ينتظر هالفضفضه .. وش بتقول ساعات عن نفسها !
صحيح ساعات ماتحب تتكلم عن نفسها او عن الظروف الي صارت لي
وخاصه في مرحلة تقدرون تقولون حرجه ..لكن ما كتبت هالشيء الا فيها عبرة للغير ..
المهم الي صار ..
مثلي مثل اي فتاة تخطب ولا يصير نصيب .. لكن جاء هالشخص وانا
عندي خبر بخطوبته ورافضته بقوة .. قدر الله وجات امه عندنا للبيت تكلم
امي الله يخليها لي ..
وقلت لامي كلش ولا احد يجبرني على شيء مابيه ..
همست اختي في اذني قالت ياساعات ترى الي يطيع امه يتوفق ..
كلمة اختي اثرت علي وبقوة .. المهم هلت الدموع ووافقت ..
تم الموضوع بكل يسر وسهوله .. وانتهى الموضوع بالموافقه ..
.
.
هالحين الناس يبون يتملكون ويعرسون مثل العرب ..
الا وقف في وجهي تقريبا خمس رجال...
كلموا العرب وقالوا ماحد صوبكم ...
انتهى كل شيء ... حاولت عدة مكالمات ام الرجال في الوالده الا الرد واحد .. ماصار نصيب ..
رغم ان الوالده موافقه .. لكن قدر الله وماشاء فعل .. ماهب مكتوب لي ..
طبعا السبب في اقناعي بالوافقه هي الوالده لان اي احد بمكاني يبي التوفيق ..
والسبب الرئيسي الي جعلني اوافق هي مشكله واحده واجهتها في حياتي .. وجعلتني اكرة الحياه ..
.
.
اجتمعوا الشباب وكل واحد يقنع الاخر بعدم رضاهم على الرجل ..
وكل واحد قال كلام كبير عنه .. كلام كبير ..
خمير وسكير وماهب مضبوط ولا يصلي وفقير جدااااا .. يعني مافيه امل احد يوافق عليه ...
رجال ماعمرنا سمعنا عنه شيء الا بعد ماخطبني قالوا عنه اشياء والعياذوا بالله ..
كل ذا علشان ارفضه ..
سبحان الله .. فعلا اذا قال الله كن فيكون .. فعلا سيكون كل شيء يريده الله ..
قدر الله وتدخل شخص ضد هؤلاء الخمس .. وانكر كل ماقيل عنه ..
هو فعلا ليس خميرا .. وهو شخص يراه يصلي .. ولكن الفقر ليس بعيب ..
اختكم ساعات استخارت في هذا الموضوع .. ووافقت عليه رغم الاعتراض
القوي بالرفض من طرف هؤلاء الخمس رجال .. والتصدي لهم ..
.
.
تمت الملكه .. والزواج .. بحمد الله
في اول ليلة زواجنا بشرني ببشرى وهو حصوله على وظيفه ..
ثم الذهاب اليوم التالي الى شرق آسيا..
.
.
خلاصة الكلام ..
*رضا الام سر النجاح والتوفيق ..
* خذوهم فقراء يغنهم الله ..
*أحكم كما شئت لكن لا تظلم أحداً ..
* ان الله اذا اراد شيء قال له كن فيكن ..
13-04-2013, 12:43 AM
العرض العادي
