اتصل بنا البحث up a3ln usercp home
 


العودة   ::. مـنتدى قبيلـة العجمـان .:: > الـمنتديات الادبيــــــة > :: منتـدى الركـن الهـادئ ::

إضافة رد
 
أدوات الموضوع انواع عرض الموضوع
  #321  
قديم 18-09-2011, 01:37 AM
سعد الصميل سعد الصميل غير متواجد حالياً
 عضو خاص
 
تاريخ التسجيل: May 2004
الدولة: Kuwait
المشاركات: 6,458

اول همهمات اليوم تراجيديه !

عندنا كـ عرب او كـ بدو على وجه الخصوص . . الرجال لو يرتكب خطأ اخلاقي . . بنقول شايل عمره !

يعني من الممكن انك تشوف رجال انمسك سكران وانفضح والا صارت له سالفة اخلاقيه وانتشرت . . تشوفه بعد مايخلص مشكلته ويلقى الناس بوجه طلق . . ماعنده في احد !!


لكن خلونا نروح للمره . . لو اخيها شافها خذت الرقم بس يمكن تصل عقوبة هالامر . . الى القتل . . وصارت وش كثر . .

انا ما اقصد ان اللي يشوف اخته يسكت او كذا . . بالعكس انا للاسف من العقليات المتحجره اللي تنادي بأن لا يغسل العار الا الدم !

لأني ربيت في مجتمع غذاني بالطريقه هذي . .


بس اذا قعدت مع نفسك كـ مسلم أولا .. مو كبدوي والا غيره . .

راح تشوف ان عقوبة الزاني والزانيه المحصنين . . . الرجم لكلاهما !!

يعني الله بنفسة ساواهم بالعقاب . . لأنه مافيه فرق بين الرجل والمرأه في الحساب عند الله . .


فإذا الله ساوى بالعقوبات . . من حنا علشان نغلظ اكثر من عقوبة الله ؟

واذا الله نفسه يغفر لعباده . . من حنا علشان مانغفر اخطاء الغير ؟


اقول هالكلام وانا مقتنع فيه تماما في عقلي . . ولكن ما اقدر ان اتجرد من هويتي الاجتماعية في قلبي . .


عسى الله يصلح الحال ..

__________________
ستقرأ هنا همهمات من الواقع . . . ستبدأ بالقراءه . . . ولن تنتهي .
>>>> اضغط هنا واستمتع بـ .. همــهـمــات .. سعد ! <<<<
مدونه اجتماعيه ساخره

رد مع اقتباس
  #322  
قديم 18-09-2011, 01:46 AM
سعد الصميل سعد الصميل غير متواجد حالياً
 عضو خاص
 
تاريخ التسجيل: May 2004
الدولة: Kuwait
المشاركات: 6,458

الفساد في البلد . . ماهو سيء على الاطلاق !!

خذ على ذلك مثال في بلدي . .

الفساد في وزارة الصحة وعدم كفاءة كوادرها . . . خلت كل المواطنين يفهمون بالطب ويعرفون يعالجون نفسهم !!

محد مصدق ؟
طيب . . روح أي صيدلية بالشارع واقعد نص ساعه وشوف كم كويتي بيدخل ياخذ علاج لنفسه . . ويشخص حالته من كيفه


الفساد في مجلس الأمه . . خلا كل الكويتيين يهتمون باسماء الاعضاء وادائهم وكم خذو . . والحين خلو الشعب يصير شاطر بالرياضيات ويعرف يحسب الملايين ووصلنا نعرف الارقام لغاية 25 مليون !!

هذا غيض من فيض . . والخافي اعظم !

__________________
ستقرأ هنا همهمات من الواقع . . . ستبدأ بالقراءه . . . ولن تنتهي .
>>>> اضغط هنا واستمتع بـ .. همــهـمــات .. سعد ! <<<<
مدونه اجتماعيه ساخره

رد مع اقتباس
  #323  
قديم 18-09-2011, 01:51 AM
سعد الصميل سعد الصميل غير متواجد حالياً
 عضو خاص
 
تاريخ التسجيل: May 2004
الدولة: Kuwait
المشاركات: 6,458

الغالبيه من الناس يحن على الماضي وايام الطفوله والبراءه . . ويشوف انها كانت وناسه اكثر . . !!

لكن يبقى السؤال اللي محيرني . . هل اذا تذكرت الماضي الحلو تفرح والا تحزن ؟

انا عن نفسي احزن !!

لأنك راح تذكر ايام مافيه احلى منها . . ومستحيل تكون فيه لحظات اسعد من ايام الطفوله . .

يومك همك كله باللعب والوناسه !!

السؤال الاكثر حيره . .

ليش اذا بغينا نفرح نتذكر ايام الطفوله . . . وبعد مانتذكر ونبتسم . . .


نعيش واقعنا حاليا واننا وصلنا لعمر مايسمح لنا بوناسة الطفوله . . وتضيق صدورنا !!

ونتوجد عليها . .


طيب ليه من الاول نتذكر ؟؟

تغليس على النفس يعني والا وش بالضبط ؟

__________________
ستقرأ هنا همهمات من الواقع . . . ستبدأ بالقراءه . . . ولن تنتهي .
>>>> اضغط هنا واستمتع بـ .. همــهـمــات .. سعد ! <<<<
مدونه اجتماعيه ساخره

رد مع اقتباس
  #324  
قديم 18-09-2011, 01:56 AM
سعد الصميل سعد الصميل غير متواجد حالياً
 عضو خاص
 
تاريخ التسجيل: May 2004
الدولة: Kuwait
المشاركات: 6,458

اقتباس:
المشاركة الأصلية كتبت بواسطة motta-alajmi مشاهدة المشاركة
اوقفتني المجاملات :

الدليل اقتباسات بدون ابداء راي فقط اوقفتني

اعجبني الردود :

الدليل الرد على المجاملات بدون سبب مقنع

الى متى هذا المبدأ

شكراً واسف على الازعاج


احترم عقلية العضو هذا . . .

بالفعل موضوع اوقفني // اعجبني . . صار مرتع للمجاملات

ماودي اطعن في احد . . لكن شفت فيه من المجاملات مالا يحتمل . .

نرجع نتهمهم . . بعن ما اضاء لنا اخينا موتا الموضوع المذكور بأجمل مشاركه فيه !!

__________________
ستقرأ هنا همهمات من الواقع . . . ستبدأ بالقراءه . . . ولن تنتهي .
>>>> اضغط هنا واستمتع بـ .. همــهـمــات .. سعد ! <<<<
مدونه اجتماعيه ساخره

رد مع اقتباس
  #325  
قديم 18-09-2011, 02:02 AM
سعد الصميل سعد الصميل غير متواجد حالياً
 عضو خاص
 
تاريخ التسجيل: May 2004
الدولة: Kuwait
المشاركات: 6,458

قبل شوي كنت اقول ذكريات الطفوله كلها حلوه . .

لكن فيه ذكريات يكون غالبها مو حلو . . وهي ذكريات المراهقه . .

من ذكريات المراهقه . . كنت اسوق سيارتي على طريق البحر . . . وزقارتي ماتطفي . .

ومشغل اغنية عراقية انتشرت ذاك الوقت . .

المطرب يقول . . آآآآآني انتهيت . . . والله انتهيت . . . وش ظاال بياااا !!


طبعا احلى شي اني اكون متأثر بالاغنيه . . وزقارتي ماتطفي من الهموم والتأثر من الاغنيه . .


ودي اعرف وش كنت حاس فيه وقتها ؟

وش الهموم اللي متعبتني اصلا وانا فلو شكبر راسي . . توني مادخلت في هموم الدنيا . .

اصلا وقتها كان همي ابي فلوس حق البانزين للسياره ومصرف زقاير ومطعم . . وكلها متوفره !!!


يعني مدري وش ابي من نفسي يومي اتعب مع الهكري


اصلا . . الحلو بالمسألة . . تخلص الاغنيه اشغل اغنيه نقازيه لعبدالله بالخير والا غيره من الرقلات . . وانسى اني قبل شوي انتهيت . . والله انتهيت !!

__________________
ستقرأ هنا همهمات من الواقع . . . ستبدأ بالقراءه . . . ولن تنتهي .
>>>> اضغط هنا واستمتع بـ .. همــهـمــات .. سعد ! <<<<
مدونه اجتماعيه ساخره

رد مع اقتباس
  #326  
قديم 18-09-2011, 02:13 AM
سعد الصميل سعد الصميل غير متواجد حالياً
 عضو خاص
 
تاريخ التسجيل: May 2004
الدولة: Kuwait
المشاركات: 6,458

نصايح سريعه . .

شوف الامور بشكل طبيعي . . بعدين شوفها من زاويه ثانيه . . في الغالب راح تتغير نظرتك بعد التدقيق في اكثر من زاويه . .



لا تتحير في الاختيار . . ولا تتردد كثير . . ولكن بعد لا تستعجل . . يعني بالعربي اذا انت عادي عندك انك تتحسف . . ارفض دايم ولا تختار !! واذا انت قد المغامره اقبل دايم !!


كل ماجاك هم لا تفكر انك تحذفه ورى ظهرك على طول . . ترى طريقه غلط وثقافه غبيه انتشرت انك تحذف الهم على طول !! اصبر . . وخل الهم يتمكن شوي ويسوي له اثر في قلبك . . وبعدها حاول تنساه . . علشان المره الجايه تكون مقروص منه وتعرف تبعد عنه . . ماتكون غشيم وتنلدغ مرتين من نفس الجحر !!


اذا قعدت من النوم الساعه 2 بالليل والناس نايمه لا تغامر وتطلب من مطعم . . سو لك بيضتين بالمقلى وحط عليهم جبن شرايح وشطه . . ودف لك خبزتين . . صدقني راح تدعي لي . . !!!!

ركزو على النصايح . . تراكم بتحتاجونها في اليوم الاسود . .

__________________
ستقرأ هنا همهمات من الواقع . . . ستبدأ بالقراءه . . . ولن تنتهي .
>>>> اضغط هنا واستمتع بـ .. همــهـمــات .. سعد ! <<<<
مدونه اجتماعيه ساخره

رد مع اقتباس
  #327  
قديم 23-09-2011, 07:00 PM
سعد الصميل سعد الصميل غير متواجد حالياً
 عضو خاص
 
تاريخ التسجيل: May 2004
الدولة: Kuwait
المشاركات: 6,458

همسه أولى . . .

يقولك دائما وابدا المرأه تكذب في قول عمرها الحقيقي . . .


انا اشوف انها تكذب مرتين . .


تكذب عندما تكون صغيره . . فتزيد من عمرها لـ تكون إمرأه وليست طفله . .


وتكذب مرة أخرى عندما تكون كبيره . . فتنقص عمرها لـ تكون إمرأه ايضا . . وليست عجوز !!


ولكن في كل الحالتين تبقى مكشوفه . .


همسه ثانيه . .

في مجتمعنا وثقافته العبيطه . . راح تكشف المرأه متى تكون كبرت صحيح في عدة امور . .
اوضحها على الإطلاق هو . .

اذا شفتها طلعت مع زوجها وعيالها بالسياره . . وشفت ان ولدها صار هو اللي يركب قدام مع ابوه . .

وهي تروح ورى مع بناتها . . اعرف انها فعلاً كبرت

__________________
ستقرأ هنا همهمات من الواقع . . . ستبدأ بالقراءه . . . ولن تنتهي .
>>>> اضغط هنا واستمتع بـ .. همــهـمــات .. سعد ! <<<<
مدونه اجتماعيه ساخره

رد مع اقتباس
  #328  
قديم 23-09-2011, 07:12 PM
سعد الصميل سعد الصميل غير متواجد حالياً
 عضو خاص
 
تاريخ التسجيل: May 2004
الدولة: Kuwait
المشاركات: 6,458

نظره سريعه في الجاليات اللي تشتغل في بلدنا . .


الهندي . . يجي اول مره سايق بيت . . يكبر معاه حلمه شوي شوي . . يصير سايق مطعم . . بضعف الراتب مرتين . . واذا كبر معاه الحلم اكثر . . صار سايق شاحنه . .


المصري . . يجي اول مره جرسون مطعم . . بعدين فجأه يتعلم الطبخ ويصير طباخ او معلم شاورما . . ومن الممكن جدا تشوفه صار شيف في فندق 5 نجوم !!

الفلبيني . . يجي اول مره ممرض . . بعدين يصير خبير مساج . . لكن نهايته دائما تكون غير سعيده . . عسى الله يمنعنا من ردى النصيب .

السوداني . . يجي اول مره راعي ابل . . وبعد 20 سنه خدمه . . بتشوفه صار مره ثانيه . . . راعي ابل بس مع اختلاف الكفيل !!

اليمني . . يعجبني صراحه . . مكافح . . تشوفه يجي معاه خامتين وسروالين وفانيله . . يبسط فيها بالشارع ويبيعها بخساره . . فتره وتشوف عنده محل في بازار حق غتر وشمغ وملابس رجاليه !!

السوري . . اغربهم كلهم . . يجي بنشرجي . . بعد اسبوع بس تشوفه صار فني ستلايت . . وبعد اسبوعين فجأه يفتح سوق المحاميد . . ماشاء الله بس .

وافضل نوع طبعا بلا منازع . .


الايراني . . يجي سباحه . . وتهريب . . وفجأه بقدرة قادر تلقى عنده جنسيه . . ويتوظف في اي وزارة يسوي العدادات او شي من هالكلام . . ومره ثانيه بقدرة قادر . . تشوفه يملك الملايين ويتحكم في بلدك . .


وانت يالمواطن . . ماراح يكون عندك شغل إلا انك تشوفهم وتشوف تطوراتهم . . وتتهزأ فيهم . . واذا صارت وياك كلش كلش . . تروح ساحة الاراده تاخذ لك ترفيه عن النفس شوي . . وترجع للبيت متغرق من العرق وريحتك خايسه . .

مع احتمال وجود الطق . .


لك الله ياكويتي

__________________
ستقرأ هنا همهمات من الواقع . . . ستبدأ بالقراءه . . . ولن تنتهي .
>>>> اضغط هنا واستمتع بـ .. همــهـمــات .. سعد ! <<<<
مدونه اجتماعيه ساخره

رد مع اقتباس
  #329  
قديم 08-10-2011, 11:54 PM
سعد الصميل سعد الصميل غير متواجد حالياً
 عضو خاص
 
تاريخ التسجيل: May 2004
الدولة: Kuwait
المشاركات: 6,458

موعدنا ... الليله إن شاء الله

تجهزوا للاقلاع في مركبة الهمهمات ..

لنصل بكم إلى سماء الإمتاع


مبطين منكم .. وبنزعجكم

السموحه مقدماً ..

__________________
ستقرأ هنا همهمات من الواقع . . . ستبدأ بالقراءه . . . ولن تنتهي .
>>>> اضغط هنا واستمتع بـ .. همــهـمــات .. سعد ! <<<<
مدونه اجتماعيه ساخره

رد مع اقتباس
  #330  
قديم 09-10-2011, 06:05 AM
سعد الصميل سعد الصميل غير متواجد حالياً
 عضو خاص
 
تاريخ التسجيل: May 2004
الدولة: Kuwait
المشاركات: 6,458

ازدواجيه !


قبل فتره طلعت رحلة شبابية للسعوديه وحنا راجعين بالطريق قال واحد من الشباب مرو الخفجي . . خاطري افصل لي ثوب سعودي !

مرينا الخفجي .. شفته ياخذ قياسات .. تحمست !

قررت اني اجرب لي تفصيل حجازي على الاقل ثوب واحد . . وخذينا قياساتنا معاه . . وبعد يومين رجعت استلم الثياب . .

الحاصل اني بعد مارجعت الكويت بكم يوم ولبست الثوب الحجازي وصدف اني لبست معاه شماغ احمر . . وكان عندي مراجعه . . فـ انتو عارفين مراجعاتنا بالكويت . . شغله بسيطه بس لازم تمر على 20 موظف علشان تخلص شغلك . .

المراد من السالفه كلها . .

اني وبلبسي اللي قلت لكم . . ومروري على اكثر من مليون موظف لتخليص المعامله . .

واجهت اشكال وانواع من الموظفين . .


منهم اللي شافني وابتسم وخلص اموري . . ومنهم اللي من اذناب ايران وده يذبحني على اللبس هذا . .


شفت اللي استقبلني بحفاوه . . وشفت اللي مانزلت له من زور


وعرفت . . اننا شعب يكره بعضه . . او بالأحرى علشان نكون دقيقين . .


شعب دخيل علينا جاء من ايران والعراق ووده يفنينا . . دم ضروسه البدوي

استمتعت في غيضهم وتمنيت ان كل ثيابي الباقيه سعوديه وان كل شمغي لونها أحمر !!

__________________
ستقرأ هنا همهمات من الواقع . . . ستبدأ بالقراءه . . . ولن تنتهي .
>>>> اضغط هنا واستمتع بـ .. همــهـمــات .. سعد ! <<<<
مدونه اجتماعيه ساخره

رد مع اقتباس
إضافة رد


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 10:28 AM.


Powered by vBulletin® Version 3.8.0, Copyright ©2000 - 2026, Jelsoft Enterprises Ltd. TranZ By Almuhajir
Design And Develop By DevelopWay

تصميم : طريق التطوير
لحلول الإنترنت والتصميم DevelopWay.com