##~~~&& أكتب اجمل ما قرأت في الغزل ... للقلوب الخضراء &&~~~##

[الظبيه العنزي]

العام اجيها كل ما يلعب بي الوقت اللعوب
من وين ما الد النظر تظهر علي متبسمه

واليوم لا ضاق الصدر لقيت وجهي للجنوب
لعلي اونس عطرها مع الهوى واتنسمه

[الظبيه العنزي]

يالعنـبـوه الـشـوق جــرح عيـونـي "
"دمـع أهلَـه مـادروا فيـه الأصـحـاب


لاجيـت أبرقـد هيضتنـي شجـونـي"
" تاخذني الذكرى على ذيك الأهداب


وإن جتني الذكرى تجينـي جنونـي"
" أسهر وطيفه داخـل العيـن ماغـاب

[الظبيه العنزي]

من بعدك .. أكذب على روحي واعنّيها
متوهم ّ إني على الاشواق .. ماعانـي

أثر المفـارق يعـل ّ النفـس ينهيهـا
والحزن يجري مـع دمـي بشريانـي

أعيش الادوار ّ مع غيرك .. وأؤدّيهـا
أتخيّلك .. ثم يجي إسمك على لسانـي

ملامحك .. منطقك .. عينك ومافيها ..
شفها احرمتني عيون ٍ لو تمنانـي ..

في رجعتك كم علـى عينـي أمنيّهـا
الشوق لا رحم ابوه .. الشوق يفناني

خاشرتني في صلاتـي يـوم أصليّهـا
واستغفر الله من طيوفـك وشيطانـي

ضيّعتك ّ ..وضعت ّ في هموم ٍ ألاويها
اليا ذكرتك أعيـش بعالـم ٍ ثانـي ..

ياصاحبي .. قصتك ّ مانيـب راويهـا
انا الذي عشتها مع طـول الازمانـي

ياما وهبتك .. ليـال العمـر تسريهـا
واغناك ربي من جروحي وحرماني ..!

يامرحلـه فالعمـر عجـزت ّ اعديهـا
غلبتني .. بالهوى وامسيت خسرانـي

يـوم القصايـد تعّزينـي .. قوافيهـا
عقلت ّ الالهام يخضع ّ لـي ويقرانـي

الله .. مـن عبـرة ٍ فالعيـن خافيهـا
اخاف بين العـرب تطـري وتبلانـي

اخاف انادي بإسمـك غيـر اساميهـا
واخاف لا سرح وثم يختـل ميزانـي

ياصاحبي .. والوصايـا .. لا تخليهـا
أمانتك .. مع مرور العمـر تنسانـي

[الظبيه العنزي]

أنا لو قلت لك بآروح .. قلّي . وين مِنْك آروح؟!
وانا من وين ما لديـت عينـي شفتـك إقبالـي

إذا تقوى تروح وتبتعد .. رِح وإبتعـد مسمـوح
انا مليت من طـرد السـراب وزيـف الآمالـي

ولكن قبل لا تِقفِـي وتِلحِـق بالجـروح جـروح
ترحّم وأذرني قبـري عسـى منزالـه أشوالـي

لك الله . ويش يرجى من جسد شخص ٍ بليّا روح
ليا فارقتني يـا روح روحـي ويـش يبقالـي !

[الظبيه العنزي]

كنت اسّهر الليل .. يوم الليل يستاهل ..
مابين .. رقة مشاعرها , وحدتها !!

والحين من ( قو فرقاها ) تقل , جاهل ..
أنام ... / وأضم , من شوقي قلادتها !

خذها القدر والنصيب الشين بالساهل ..
وغابت ولو الجفا ماهو بـ عادتها !

[الظبيه العنزي]

حاولت أسوّي بالتجافـي سواتـك
وأبدِِي بتمثيل الجفا عكس ما أخفيت

لكن عرفت إن ما لقلبـي قساتـك
يا كثر ما حاولت أجاريك و أزريت


مشكلتك .. إنّك ما عشقت بحياتـك
ومشكلتي إني يوم حبيت .. حبيـت

[الظبيه العنزي]

أوصي الشمس لا مرت على { ديــــارك } ..
...... ما أشوفهــا { باكــــر } إلا والخبــــر معهــــا ..


و يمــر باكــر .. و لا جابت { لـــي } أخبارك ..
...... و يروح { يومي } و أنـــا ما غيـــر أطالعـــها !!

[الظبيه العنزي]

افترقنا .. والمقاديـر مامنهـا .. ضمـان
حالة الدنيا .. وقصّر عن الدرب اجهـدي

ان نسيته .. له بقلبي ..شواهيد .. وكيان
وان سريته .. حلم ليل .. وخيالٍ سرمدي



آآه لو يدري وش اللي عقب فرقاه كان ؟!
ماتوصّى دمع عيني .. وصحّـا مرقـدي

يالله المعبود .. ياعالـمٍ فـي كـل شـان
بمرك يضل البنـادم .. وبمـرك يهتـدي

لا تخليني لزلّة ((هوى )) نفسى .. رهـان
واغفر لروحي خطاها .. وسامح مقصدي


أنتهينا .. والتفاريق مـن طبـع الزمـان
كل عينٍ ترقب "سهيل" من عقب "الجدي "

وان بكيت .. وصار للدمع في عيني بيان !
الغلا شىٍ من الله .. ولا هو في... يـدي

[الظبيه العنزي]

ابدي سروري واخفي الهم والضيق
والناس ماتفهم خفايا جروحي


انا قوي قدام كل المخاليق
واضعف بشر لاصرت قدام روحي


استرجع الذكرى القديمه بتشويق
وانقض ( جروحن ) مبطيه ماتروحي

[الظبيه العنزي]