( مآفي الخآطر )

[ريـمـيـه]

حيل الله اقوى مابقى في يدي شـيّ
مافيه حل ٍ في يـدي .. ماذخرتـه

حاولت .. لكن المحاصيل هيّ هـيّ
الطير طـار ولا بقـى الا شجرتـه

وقفّت اشوف شويّ واغمّض شـويّ
واللي انكسر في خاطري ماجبرتـه

لين إلحقت شمسي على بارد الفـيّ
وشفت ان كل اللي جمعته خسرتـه

من كثر ماعزيت ريقي عـن المـيّ
ملّ الصبر من كثر صبر ٍ صبرتـه

كم هقوة ٍ ضاعت على سكة الغـيّ
وكم حلم ف( تراب ) الحقيقه قبرتـه

واقف .. وطعنات الزمن كلها فـيّ
وساقي لو انه كلّ منـي / كسرتـه

بعد ماعاش اليأس في احساسي الحيّ
اخوي .. لو هو صد عني عذرتـه

مدري عن اللي كنت احسبه بقى ليّ
اللي حزمت ابه الضلـوع وذكرتـه

اللي طوى حالي بحكم الهوى طـيّ
قصّر .. وانا كل الطريق اختصرته

ماهو خطا لاقلت ( تآمر على شيّ )
الا الخطا .. لا اشتقت له وانتظرته

[ريـمـيـه]

إي والله أهوجس ولاني بمرتاح
والحزن فى حوش الحنايا بفاروع


أمسيت من وصل المواليف مزاح
وأصبحت من فرقى المواليف مفجوع


البارحه في غبة الوصل سباح
واليوم من عرش المواصيل مخلوع


ياصاحبى صرح الهوى والوفى طاح
والقلب كنه من عراويه مقشوع


كان أحسب إن لحبنا عشرة أرواح
إلين شفت الحبل بيديه مقطوع


يوم العهد به حده إسبوع لى راح
إسبوع ويعوّد علي شوق ودموع


واليوم خمس سنين والهم مازاح
هم الفراق الي بلا عذر مشروع


أستغفر الله تسعة شهور ياصاح
في غيبته قمت احسب اليوم بأسبوع !


العام خلي يسمع القلب لا صاح
واليو مهما صاح ماهو بمسموع


ضاع الحساب وشفت برق الجفا لاح
وأيست لو لا إن الرجا في مزروع


وحالىنحل والحال مهوب منساح
من كثر ماأظمأ للمواصيل وأجوع


بليت في من دونه سيوف ورماح
وغدا علي وصله مثل حبة الكوع


له مني إن سره على الناس ماباح
ولي منه إن الصد غصبٍ بلا طوع

[ريـمـيـه]

شفت المقفي وربي ماأتبعه لوخطوتين
وإصبعي وهو إصبعي لامن غدربي أقطعه

أبسألك سؤال واحد والجواب بكلمتين
لا صار قدرك والهوى خصمين من توقف معه

ترى العزه كرامه وهم دايم مستهينين
ياخي ضرسك لاعورك بذمتك ماتشلعه

[ريـمـيـه]

لا تلوح للمسافر .. المسافر رآآح
ولا تنادي المسافر .. المسافر رآآح

ياضياع اصواتنا في المدى والريح
القطار وفاتنا .. والمسافر رآآح

يالله يآقلبي تعبنا من الوقوف
مابقى بالليل نجمه ولا طيوف

ذبلت أنوار الشوارع .. وانطفى ضي الحروف
يالله ياقلبي سرينآ .. ضاقت الدنيآ علينا

هالقطار وفاتنا .. والمسافر رآآآح

مدري باكر هالمدينه وش تكون
النهار والورد الاصفر والغصون

هذآ وجهك يالمسافر لمآ كانت لي عيون
وينهآ عيوني حبيبي .. سآفرت مثلك حبيبي

[ريـمـيـه]

الله يبيحك كان في حقي اخطيت
محللن مافيك دمك ولحمك

وأناعلى خبرك مثل ماتمنيت
رصيدك اللي يرتفع فيه سهمك

وعادك بتذكرني ليامن تعزويت
وعادك بتفقدني لياضعف عزمك

ولاضاقت الدنياعليك وتوازيت
إنشد وتلقاني على حد علمك

[ريـمـيـه]

البارحه ساهرن والعين مانامت!!
حتى صلاة الفجر لجت مساجدها؟؟

عذبت حالي وجوالك على الصامت!!
أدق الأرقام من حبك وأرددها؟؟

مرتاح بالك وأنا اللي قيامتي قامت!!
أقول غيبتك هذي وش سبايبها؟؟

[ريـمـيـه]

أشرقت شمس نورك جعلها ماتغيب
يوم شفت الرساله قلت مية هلا

أبشر بقلب لأجلك تطلبه يستجيب
وفوق هذا مقصر ياعيون "الغلا"

الغلا لو تكلم قال لي: يااللبيب
الرساله بعثها "سيد كل الملا.

[ريـمـيـه]

فات عيد الفطر مـا شفـت البعيـد
وعيد الأضحى فات مثله مثل إخيـه

شفت في عيد الفطـر حـزن فريـد
وشفت في الأضحى الحزن أمه وإبيه

فاتت أعيـاد السنـه ذي عيـد عيـد
والشقي ياكـل مـن الحسـره يديـه

مابقى للصبر في صـدري رصيـد
وكل بيـت قـد كتبتـه حـزن فيـه

دام ما للعمـر مـن يضمـن مزيـد
يـا نجـوم الليـل عنـي عايـديـه

قولي إن صويحبـك عقبـك وحيـد
قولـي إن النـوم عيـا لا يجـيـه

قولـي إنـه حـرم اللبـس الجديـد
وقولي إنه ما نسـى العهـد وعليـه

وقولي إن الحال ينقـص مـا يزيـد
والسبـب كثـر انتظـاره علمـيـه

الانتظار أشـد مـن سجـن الحديـد
احتريـه الصبـح والليـل احتريـه

قولـي إن العيـد كلـن بـه سعيـد
كـود مـن خلـه بعيـد و يرتجيـه

أبعده عنـي ضحـى العيـد الجديـد
وإن فهم ماهـي غريبـه مـن نبيـه

عيـده مبـارك إلـى يـوم الوعيـد
خاف ياتي عيـد مـا اعايـده فيـه

[ريـمـيـه]

الوقت قاسي والليالي بها هم..
والقلب يشكي ومالقينا مداويه..

والعين تبكي دمعهآ دم..
والجرح ينزف يشتكي من ليآليه.

وش حيلة اللي لا بغي شي ماتم .
سود الليالي في طريقه تعنيه

[ريـمـيـه]

احب اكتب قصايد في ظلام الليل واسراره ..

اطري صاحب قاسي على الميعاد ماجاني


امرهـ في حلول الليل ولا ألقاهـ في داره !!

وأهل الدمع من عيني على من كان ينساني


وأحب أنه يدورني وأحب أعرف عن أخبارهــ

وأظنه لو يدورني على العنوان يلقاني ..


وأمر بيوت جيرانه وأكلم بالوفى جارهـ

يصك الباب في وجهي وكاني في اهله جاني !!


صفاتك ياحبيب الروح مع الخلان غداره ..

غدرت بواحدن لجلك يبيع العمر مجاني !!؟