شتات,,آهات,,

[ناصر البرغش]

ابيك لحظـه,, تجاوبنـي وتتركنـي,,
وشلون حبي من الوجدان,, كنسلته,,!!
,
وشلون,, لامن غشاك الليل تطلبني,,
وان جاك غيري,, نهار العيد واصلته,,!!
,
كانك تحب الهجوم,, ولا تهاجمنـي,,!!
ترا دفاعي,, بلا هجمـات شاغلتـه,,!!
,

[ناصر البرغش]

اسمك اسمك,, على الجوال,, بيت القصيد,,
لأنك إلهام شاعر,, مـا يحـب الهـزل,,!!
,
كل ما أبغى جديد,, اقول فيـك الجديـد,,
والجزل,, ما يغني به يا كـود الجـزل,,!!
,
ودام كلك على بعضك,, حسين وفريـد,,
وش له أتعب حروف القاف,, لجل الغزل,,!!

[ناصر البرغش]

الوصال إمحال,,يالقلب البليـد,,
والوقايه,,, قيل أخير إمـن الـدوا ,,!!
,
والمحبه بنك,,وأشواقي رصيـد,,
والرصيـد,, إيزيـد,, لا زاد,, الهـوا ,,!!
,
وأنت ماعندك رصيد,, وما تزيـد,,
غير همـي,, يـا مليعيـن الثـوا ,,!!
,
روح مثل إمقيط,, مرواحك سعيد,,
قرد منهو ,, شاف عينك وإنكـوا,,!!
,
ويش ابي بك,, جعل قلبك ما يصيد,,
ترتوي مني,, وقلبـي مــا ارتــوا ,,!!
,
لاتحَسب إنـي ,,بهالدنيـا وحيـد,,
لو تشوف الناس,, بعيونـك سـوا ,,!!
,

[ناصر البرغش]

يا راسي الدنيـا,, دروس وتجاريـب,,
والرابح اللي,, بالـدروس استفـادي,,!!
,
احدٍ لقى له,, عند الاجـواد ترحيـب,,
واحدن ليا أقفى,, ما لقى لـه منـادي,,!!
,
والطيّب,, ان جت في وصوفه عذاريب,,
عذروبه,, أحلا من نسيـم البـرادي,,!!
,
ولا الردي,, لا طاب ما يلحقه طيـب,,
لا صار قلبـه,, ممتلـي بالسـوادي ,,!!
,
وجهة نظر,, من دون شكٍ ولا ريـب,,
وإلكل رجلٍ,, فـي ضميـره مبـادي,,!!

[ناصر البرغش]

أشوف بعيونك,, سواليف وأسرار,,
تسري بها,,وأنا هنا ما سريتك,,!!
,
كاني قريت,, بصفحتك بعض الأفكار,,
فأنا,, بطاروق القصايد قريتك,,!!
,
وأنا عليك,, أحن وأشتاق وآغار,,
لا قلت لي لبيه,,ولا فديتك,,!!
,
إهمس وبهمس لك,, غلا سر واجهار,,
والعين بيتك,, والمعاليق بيتك,,!!
,
إليا اشتهيت,, إقطف بلا سابق إنذار,,
وإليا اشتهيتك,,يا حبيبي كليتك,,!!!
,

[ناصر البرغش]

يالكامري يالله عسى ما تصيدين=وش له تعنيني كذا دون سبه
نصف الشهر دايم علينا تونين=ونة غثا ماهيب ونة محبه
إمن أولٍ قدرش على الراس والعين=وأدراش حتى من حصاة المطبه
واليوم روحي دام فرقاش عيدين=لو كان ما نشري من البيع جبه
أثر المواتر مشيها دوم بالدين=موتر بدون أقصاد ملزوم أكبه

[ناصر البرغش]

مخــــرج..!
-
-
-

لو تدري إنك,, منوتـي لا تمنيـت,,
كان العذر,, لا جاك منـي شريتـه,,!!
,
ولو تدري إنك,, في خفوقي تربيت,,
كان الخفوق,, إبما عيونك سقيتـه ,,!!
,
مدري نسيت الحب,, ولا تناسيـت,,
بس الوكاد إني حشى,, ما نسيتـه ,,!!
,
أكتب لك الأبيات,, بيت(ن) ورا بيت,,
يا فكرة الشاعـر,, وقافـه وبيتـه ,,!!

[ناصر البرغش]

لو لا المشاعر,, ما كتبنا ولا بيـت,,
ولا خذينـا بالطواريـق سـجـه ,,!!
,
والشوق لو مابه شرار وديناميـت,,
ماشفت عشاق الهـوى مستلجـه ,,!!
,
إلا أنت يا حلو النبا يـوم صديـت,,
سببت لضلوعي من البعـد رجـه ,,!!
,
القلب علبـه والمعاليـق كبريـت,,
وأنت اشخط الكبريت وتصير ضجه ,,!!
,
شب بحشاي وفدوتك كان شبيـت,,
ثم سو لك بالقلـب صجـه ولجـه ,,!!

[ناصر البرغش]

يا كامل الحسن بانت رقة إسلوبـك
من بوحك العذب,,ولا عينك الخجله ,,!!
,
ياكثر منهم,, ليا شافـوك هذروبـك,,
شفهم بعد خطوتك,, خطواتهم عجلـه ,,!!
,
يا جعل يسقى,, ليامن جيت أنا صوبك,,
وأسقيتني من زلالك يا نهر دجلـه,,!!

[ناصر البرغش]

انته تغنج في ديارك بين خلان وقراب=تمسي وانا ليلة وداعك لا حشى ما امسيتها
يا كيف تبخل بالوصل وانته كما وبل السحاب=اسق العروق وتنتعش عقب الظما لا اسقيتها
لا لا تردد قافنا بالعشق يابو زيد شاب=ماشابت حروفك وانا اللي في يدي حنيتها