هنـآ / التعليق علي مشاركات الشعراء في المسابقه ..

[سالم بن فراس]

السلام عليكم ورحمة الله وبركاته ,,,,,,


صــــــــــــــــــــــــــح السانهم جميع وبيض الله وجه راعي الفكره <<===(محمد بن سعوود) وعزالله انها تنحسب لحسابه
ووجهت نظري ولا قصوور بأحد:

اولا:سالم بن ارتيبان :



وحيد فالصحرا ولاعنـدي اصحـاب
ماغير اخيل الشمس واخيـل ظلـي
واشوف انا الغيمه تبي تسوي حجاب
تحجب سنـا نـورن علينـا يطلـي
ثابت على الطعس وعلى راسي الكاب
ومقدمن رجلـي وانـا فـي محلـي




وثانيا:الهاجري:



والله ان قلبي كما الطيـر فـي اول مهـد
غير طير الجو عود , ولا هو بالصحـاح

يشبح ابعينه على الارض , ما يبغي المرد
كنه ايسال الحصا , عقب طواي الجنـاح

ماخذٍله في سما الحـب لحظـات ووعـد
كن دقات الصدر فيـه , دقـات الجـراح

قال خل الجو يرحب , ويرعـده الرعـد
ولا انا كبيت جـوه مـع الماضـي وراح



وثالثا:محمد العزاام:

في عطلة الصيف كلن ناوي بسفره
يما على جنيف و لا صوب باريسي
و انا على الوادي قلبي ما قوا صبره
صوب الجوازات تدفعني احاسيسـي
لا به اجازه و اشوف الكبد منقهـره
يا فوح كبدي و يا كثرة هواجيسـي




ورابعا:الوضحه:




يافوح كبدي فوح كـاه علـى نـار
فوح ٍ يفـوّح كـل دم ٍ بالعـرووق
كل مادنا فرحـي يبعـد وباصـرار
يالعنبو حـظ ٍ تايـه ومسـرووق
اقرى لي الكرسي ومن ثم الاذكـار
وادعي لعـل الله يجنبنـي العـوق
ويرشدني ابعقلي على درب الاحرار
اللي فعايلهم علـى كـل منطـوق




وخامسا:خالد بن رمثان:



الحظ و الدنيا و الأيـام و النـاسو الجوع و الحاجات منـا و منـا
خلتني أفقد ما بقالي من إحسـاسعايش مثـل ميـت ولأحـدٍ نفعنـا
ياعزتي للـي سواتـي و محتـاسأنشهـد إنـه فالعمـر مـا تهنـا
حاله من الحرمان و الضيم و الياسبأصبر و أقول الله لا شـك معنـا




وسادسا:مبارك بن مجرووب:





ياغايبـن عـنـي وقلـبـي ينـاديـك
عقب البطا ,, قلي على ويـش نـاوي؟
لاصوت يآصلني ,, ولا قـآدر اجيـك
والـي سكنتـه شـي مظلـم وخـاوي
!! شفت الحطام الـي تناثـر حواليـك؟
هـذا خفوقـي انكسـر يـامـداوي !!
ياليت اغمض عين ,,, وافتح ,, والآآقيك
وياليتنـي لاطحـت طحـت متسـاوي




وسابعا:مناحي الصميل:




ليـه مستعجـل .. تعـال .. أبغـي جـواب . !
عيشـتـي دونــك .. ( تــرى ملّيتـهـا ) .؟!
المودّه .. ضِلع .. والغايه ؟؟ .. ( هضاب )
انـجـلـى عـمــري .. ( ولا ذبّـيـتـهـا ) . !!
يـا حبيـب العـمـر .. (كافيـنـي عــذاب) . !
الـمـحـبّـه نــــار ... يــخــرب بـيـتـهـاااا .
يمـكـن أكـثـرت الـمـلامـه ( والـعـتـاب ) ؟
والأكـيـد .. ان ( وردتـــك ) قطّيـتـهـا . !!



وثامنا:سعود بن جوفان:



ياطير .. مالك عادةٍ تقضب القاع
دايم ولك فوق الشواهيق .. حومه
ياعزتي لك صرت للوح .. مطواع
والا انت حرٍ .. ماتردَّت عزومـه






وشااكرلك يا بو سعوود وترا الاخوه كلهم ونعم فيهم شعار بس هذي وجهت نظر وصح السانهم جميع والى الامام

[Najla]

مسااء الخيـر ..

بفضـل الله ثم صااحب الفكرهـ طلعت الإبدااعاات اللي بالمنتـدى ..

صـح الساانكـم جمييع ..


و اللي عجبني و أثـر فيني صرااحـه أبيااات بن جـووفاان ..

المشاركة الأصلية كتبت بواسطة احمد بن جوفآن

بنفس الوقت .. والصوره .. بدا همي .. مع ( الترحال )=وبـدت قصـة معانآتـي .. وجرح ٍ(ن) صدق متعبنـي
اناظـر .. ( تذكرة حجزي ) وحزني .. والهمـوم .. جبـآل=وألـد العيـن صوب إلـي .. رفـع كفـه يوآدعنـي
وصـآرت عينـي .. بعينـه .. ودمعه فوق خده .. سـآل=وحـآرت دمعـة عيونـي .. وعز النفس .. يمنعنـي
عسى ربـي يصبـرنـي .. ولـو إن الصبـر .. قـد طآل=وعسـى ربـي على نـآس ٍ(ن) تـبآطـونـي .. يرجـعـنـي

وعسى اني توفقت بهالابيـآت .. ..

صـح لسااانـك يا بن جووفااان ..


و الصراااحـه أبدعـت ..



شكرا ً ..

[ناصـر محمد المجروب]

الصراحه الشعار كلهم ابدعو ماشاء الله

واتمنى لهم التوفيق

[اليساندرو]

المشاركة الأصلية كتبت بواسطة مناحي الصميل

السلام عليكم

موضوع رائع يابو سعود

والسموحه على التأخير لأني كنت مسافر

وأستلم اول مشاركه :

ليه مستعجل .. تعال .. أبغي جواب . ! = عيشتي دونك .. ( ترى ملّيتها ) .؟!
المودّه .. ضِلع .. والغايه ؟؟ .. ( هضاب ) = انجلى عمري .. ( ولا ذبّيتها ) . !!
يا حبيب العمر .. (كافيني عذاب) . ! = المحبّه نار ... يخرب بيتهاااا .
يمكن أكثرت الملامه ( والعتاب ) ؟ = والأكيد .. ان ( وردتك ) قطّيتها . !!

والثانيه قريب انشالله

صـــ ح الـسانــ ك يا مناحي


رائع

[Faris]

الله الله عليكم



والله ان حنا نفتخر فيكم يا شعار منتدانا



واصلو ابداعاتكم



ومحمد انت مبدع بأفكارك دايما


الله يحفظك ذخر للمنتدى

[فلاح بن ملبز]

السلام عليكم ورحمة الله وبركاته

بالنسبة لمجموعة الصور الثانية

صح السنتكم يا شعار

المشاركة الأصلية كتبت بواسطة احمد بن جوفآن

.. .. .. .. ..

ومشاركتي الاولى هي ..

مهرتي تلعب على ,, دف الدفـوف= واثـقه في مشيَها .. بلحالها
تـنـطـح الجمعـيـن ,, وتـشـق الصفـوف=شـوشـت يـوم اعـتـزا .. خيَالها
كنها بـتـقـول ,, يا شوق الهنـوف=اطـلـق عـنـانـي .. وكـف رجـآلـهـا
ساسها مـوروث ,, فـي حـد السيـوف=خـيـل (اخـو شـبـنـه) ,, وهـو سـلآلهـا

لتوضيـح : ( اخو شبـنـه ) .. عـزوة : خالد بن جوفـآن .

صح لسانك يا ابن جوفان على ذا الابيات اللي تشوش


ولاهنت

[بطـّاح]

تذكر حبيبي بضمتـك كيـف كنّـا ؟؟
=اطفال عشـاق وصغـارن مساكييـن
ماجـت ليالينـا علـى مـا انتمنّـى
=وانا علـى ذكـراك سهرتلـك عيـن
رحنا ,, وضعنا ,, والسبابيب { اهلنّأ }
=لوضيعـوا قربـك اهلنّـا وغآآلييـن
مـدري مـن الغلطـات والا زمـنّـا
=بس المهم انـك علـى البـآل للحيـن

مـــبـــــــــــــــاركـ,, الــمـــجـــروبـ,,

صح صح صـــــــــــــــــــــــــــــح لساااااااااااااااانك يالذيب

كتبت وابدعت بحق..

اروع الابيات التي قرأتها الى الآن وأعتقد لن أقرأ ابداع بعده قط..

[اخو شيخه]

المشاركة الأصلية بواسطة احمد بن جوفآن

.. .. .. .. ..

ومشاركتي الاولى هي ..







مهرتي تلعب على ,, دف الدفوف
واثقـه فـي مشيَهـا .. بلحالهـا
تنطح الجمعين ,, وتشق الصفوف
شوشت يـوم اعتـزا .. خيَالهـا
كنها بتقول ,, يا شـوق الهنـوف
اطلق عنانـي .. وكـف رجآلهـا
ساسها موروث ,, في حد السيوف
خيل (اخو شبنه) ,, وهو سلآلهـا




لتوضيـح : ( اخو شبـنـه ) .. عـزوة : خالد بن جوفـآن .




الله علي هالابيات العجيبه

لاهنت يابن جوفان

[اليساندرو]

المشاركة الأصلية كتبت بواسطة مناحي الصميل

السلام عليكم ورحمة الله وبركاته


صور رائعه يابو سعود

والله يعطيك العافيك


اول مشاركه على الصوره الاخيره والأبيا جات بـ عجاله :

وش حيلتي .. وأنا ادري ان وصلك ( مُحال ) ؟؟ = غير إنّي .. انتظرك وأتوق لـ/ جيّتك !!
البُعد .. ( شمس ) .. وقربك لـ/ عندي .. ظلال ! = والى متى وانا .. ارتجي ( حنّيتك ) ؟؟
تدري ... شـ / يصير .. اذا تباطيت الوصال ؟! = أصيح بالعالم ... ( تراني ميّتك ) !!

والمشاركه الثانيه قريب انشالله

المشاركة الأصلية كتبت بواسطة الغــناوي

لو ان حب الطفولة . . ما يردك علي ّ = ابعتذر للغرام ، اللي نســاه الحنيــن . . !
لا صار ما تعني الصوره لك الحيـــن شي ّ = دريت بــان الهوى بادي على / كذبتين
الاولى يوم احســـبك باقي العمر ( لــيّ ) = والثانيه وانت تحضــني بــ / ذيك السنين

مناحي الصميل


الــغــنـاوي



أبدعتوا


تحياتي الحاره لكم

[الاسير اليماني]

كان ودي اني ملحق على المسابقه بس يالله الشعار كفو ووفو وهذي مشاركه متواضعه مني

يا لعنبوش اليوم اضمش على الكيف=وبكره ترا يا زين عيب وجريمه
ما اقوى على ضمش سوات المواليف=وابوش عودن ما يعرف الهزيمه
بكره تشين ايامنا بالصواديف=ونقول يازين الحياة القديمه
من قبل تاكلنا حلوق الملاقيف=ابغتنمها والطفوله غنيمه