هـل يـوافـق الـرجل على لبس أخته او ابنته او زوجته لعباية الكتف؟؟سؤال للبنات والشباب

[Olla lla]

بسم الله الرحمن الرحيم...


ابي ادخل بالموضوع بسرعه وعلى طول ..



اولا ً..

انا ما اعرف على اي اساس تم تحريم عبائة الكتف؟

او من منو صدرت هذه الفتوى..؟


وكلامي هذا مو معناه اني مع لبس البنات للعباءة الكتف!

بالعكس,, لاني من اكثر المعارضين لها.

ولكن لاصارت عباءة الكتف ساتره الجسم,ولاتحتوي على زينه,

وفضفاضه! فأين سبب التحريم؟

ثانيا ً.

عباءة الراس اللي ناس كثر مع هذا الري...

دايم تكون مكشوفه من الامام وتبين ما تلبسه المرأه,,

وهي اكثر شبهه من عباءة الكتف .


ثالثا ً.

لماذا اغلب الناس ضد عباءة الكتف؟؟


الجواب هو لان عباءة الكتف لم تكن موجوده في السنوات العشر الماضيه تقريبا,,


وكلنا يعلم بان اي شي جديد محارب من الناس,,


حتى ولو كان ذو فائده!!



لان بالسابق لا نرى ولانعرف سوى عباءة الراس,,


لأننا رأيناها على امهاتنا ونساءنا ولازلنا نراها,,


رابعا ً.


انا اقول ان هناك بنات يرتدون عباءة كتف! ولكن تكون هذه العباءه في قمة الحشمه


وتكون هذه البنت في قمة الاخلاق وقدوه حسنه للكثير من البنات.


والعكس صحيح هناك بنات يرتدون عباءة الراس


ولكن تكون الاخلاق (صفر) والمكياج حدث ولاحرج!!

والبس شبه عاري ايضا!!


والنهايه اريد ان اوصل رساله الى جميع البنات


ارتدي عباءة الكتف بمعناها الصحيح(بدون تخصير,بدون زخرفه وزينه)


وارتدي ثوب الحشمه والوقار زينةٌٌ ُ لك ِ .


او ارتدي عباءة الراس لان هذا لبس امهاتنا


وزيني نفسك بأخلاقك ِ



وشكرا ً يا ذهب على هذا الموضوع الجميل


واذا اختلفنا فهذا لا يفسد للود قضيه .

[ذهب]

السلام عليكم

مو كل البنات الي يلبسون عبايه كتف مو محترمات

ومو كل وحده لابسه عبايه راس محترمه ...

وفيه بنات مو متحجبات ويطلعون سفووور ومحترمات اكثر من البنات الي يلبسوون عبايه

وبعدين مو العبايه الي تحكم على البنت اذا كانت شريفه اولا ..



مشكوره على الموضوع

والـلـه العـظـيـم أدري إن مو كل من تلبس عباة راس محترمه والله انا معااش بهالنقطه

لأن سبق وقلت لكل قاعده شواذ لكن القاعده العامه بشكل عام أغلب وليس كل

أغلب اللي يلبسون عباة راس بدون اكمام ضيقه وتكون مسكره من الأمام

أغلبهم علاقتهم بربهم قويه وقويه جدا لأن ماسترت نفسها إلا خوف وطاعه لربها


وصدقيني اللي يلبسون عبايات كتف ويدرون انها حرام علاقتهم بربهم ضعيفه

لأن من الفجور ان الشخص يسوي شي محرم وهو يدري ومقتنع انه حرام

فإذا كانت البنت محترمه وعلاقتي بربها قويه أكيد بتطيع الله سبحانه وتعالي

بكل شي يعني راح تخاف ربها بلبسها وراح ترتدي عباية الراس

وتترك عباية الكتف وكلها لمرضاة الله


وأشكرررش اختي أعقل مجنونه على التعقيب وإبداء وجهة النظرررر

وحياش الله

[ذهب]

السلام عليكم ورحمة الله وبركاته

اشكرك اختي على خوفك وغيرتك على بنات المسلمين


انا الحمد لله البس عباية راس وباقتناع استغرب ان بعض البنات يقولون اننا مانقدر نلبس العبايه على الراس!!!!!

ما اعتقد ان الموضوع يستاهل يعني..الغرض منها الستر ولا اظن انها بهالثقل اللي تصير مزعجه على الراس!!!

العبايه ماهي موضه ولا هي ازياء يا جماعه..

بصراحه الحرمه اللي تلبس كتف شكلها ملفت وعبايتها توصف جسمها..واللي على راسها بصراحه تكون لها نظره محترمه جدا..


ارجع اشكرك اختي ذهب على طرح الموضوع

الله يجزاك خير ويهدي بنات المسلمين

وعليكم الـسـلام ورحمة الله وبركاته ....

الله يوفقش إن شاء الله ويثبتش على لبس عباية الراس

وفعلا عباية الكتف وسيعه أم ضيقه حتى لو إنها وسيعه حيــــــــل

بكون مبين تقاطيع الجسم من الأمام والكل اتوقع فاهم قصدي عدل


واشكررررش اختي على المرور العطررررررر

[ذهب]

استغفرياربي من طرقة اسلوبك المفروض تقبلين اراء البنات بهدوووء واللي شفته عكس اللي ذكرتيه يا قلبي وانا اقولك بعد مهب انتي يا حياتي اللي تعلميني شلون ارد ! وبغظ النظر عن ردي المفروض تحترمينه مثل باقي البنات

أختي الكريمه صلي على النبي... شلون تبيني احترم ردش وانتي اللي بديتي

انتي بنفسش اعترفتي انش تستغفرين ربش من طرقة أسلوبي على قولتش

طريقه ترى مو طرقة


ليش تستغفرين؟؟ انا قاعده اناقش الكل وماحطيت هالموضوع علشان افرض رايي

بالغصب هذا منتدى مو حلبة مصارعه

انا حطيت هالموضوع وانا على درايه وعلم بإن في ناس راح يوافقوني الراي

وفي ناس راح يخالفوني

وبالنهايه الإختلاف في وجهات النظر لايفسد للود قضيه

للعباية الكتف فيه انواااع منهاا فيه الواسعه وفيه الضيقه انا عن نفسي ضد العباية الضيقه اللي تطلع مفاتن المرأه ... وبنفس الوقت ضد العباية الرأس اللي تجي ضيقه من الكم والرأس والمفتوحه والتنوره الكشكش وغيرها تبين بجميع الوانها يعني مامن سلامه ونادر مانلاقي الملتزمه فيه يمكن 1 بالميه ...بالنهايه كل الشكر لأسلوبك الذكي جدا جدا جدا

ياجماعه ترى

أنا أقصد عباية الراس المسكره من الأمام والوسيعه اكمامها ليست ضيقه


مو المفتوحه اللي ولابسه تحتها تنوره كشكش >> مدري وش تطلع ذي كشكش

حقت العقد يمكن


عالعموم لاتزعلين وانا اختش انتي اللي دشيتي الموضوع معصبه وحالتش حاله

وتستغفرين ربش كني مو عاجبتش !!


وحيااااش الله

[بـــنـــت الــقــصـــيـــم]

تـــــــــــــــــــــــــــــــــاجي على رأسي وليس على كتفي ..

احسنت ِ غاليتي ][ ذهب ][ .. بطرحك للموضوع

ولعل البعض تتغير نظرتهم .. وترتدي عباءة الرأس ..


لك ِ كل الود ..

[غـزلان]

مساء االخير اختي ذهب

انا مع الحشمة ... في اي لبس كاااان

وان كنت ارى ان عباة الراس قد تكشف ... او طريقة لبسها يصعب التحكم فيها

بالنسبة لعباة الكتف .. فعن نفسي البسها .. فان كنت في مكان عام .. وضعت عليها ما يسمى بالغشوة ... واللي تكووووون مثل الخمار الطويل .. يصل الى نهاية الخصر .. فان كنت في مكان نسائي ... رفعت الغشوة

اختي في الله .. العلة ليست في طريقة اللبس او في نوعه او هيئته او اسمه .. العلة في ادائه للغرض او لااااا.. بمعنى .. قد البس عباة الراس او الكتف .. ولا تستر كثيراااا

وبالنسبة للتحريم .. فهو قياس .. وليس مكتوب في القران ولا مذكور بحذافيره ان العباة لازم تكون راااس ... ما ذكر ان لبس المراة يجب ان يكون ساتر .ولا يشف عما تحته ولا يصف جسم المراة. كجلباب واسع او عباة راس او غشاء يغطي لبس المراة

اشكرك على هذا الموضوع .. ولكن عزيزتي اتمنى منك .. تقبل الاراء بصدر رحب


ودمت

[صـــبـــــــــا]

الســــــــــــــلام عليكم
غاليتي ذهب اولاً استغفر الله قبلك وخلافــــك

< تحب الأستغفار كثيراً

ثانيا انا اشوف انك شاده حيلك بالموضوع والدعوة سهالات

واكرر شكري على موضوعك القيم

واتمنى غيري يستفيد منه مثل ما انا استفدت

[متبقط]

المشاركة الأصلية كتبت بواسطة ذهب

سؤال يبطح نفسه عهد الرسول صلى عليه وسلم هل للعباه النسائيه وجود ؟؟




وسؤااال يطرح نفسه أيضا موجه لك هل كنت عايش في عهد الرسول صلوات الله

وسلامه عليه ؟؟ حتى ترى ما كانت النساء ترتديه في ذلك الوقت

على أي أساس قلت بنجابي؟؟!! عجبي


قلت أعتقد ولم أجزم << لو تعدين الأمعاء في ماقلت ...بس من المتوقع أنه ليس العباه فهي على ما أعتقد لم تذكر .... اللي ذكر أن يكون لبسها فضفاض واسع وطويل .... وقلت بنجابي من الأفلام



وصل فيك التهكم والسخريه لهذه الدرجه ؟؟

لاحول ولا قوة إلا بالله.... النظره الأولى اللي انت تقصدها هي نظرة الفجأه

وهي حلال لأن غصبن عنه يعني شلون يمشي الرجل وهم مغمض عيونه مثلا !!

لكن شاف امرأه تمشي من بعيد مثلا هاذي نظره أولى من بعدها خلاص يغض البصر ولايطالعها أبد ا

لم تصل إلى السخريه .... فهي الواقع الملموس ... وأنتي هنا كما من يقول ( لاتقربوا الصلاة ) ويسكت

بمعنى تأخذين نص الكلام وتسكتين !!




اسمح لي أقولك اللي مغلوب على أمره وكلمة زوجته او اخته او بنته فوق كلمته

مع احترامي الشديد للكل هو بإختصار (( ضفعه ))

بعد والله شنسوي فيهم رجال ماعندهم شخصيه ليسوا رجال حتى البنت

تتمنى انها تتزوج رجل شخصيته قويه تحس برجولته وشهامته بتصرفاته وغيرته
على محارمه

(( ضفعه )) !! << أسلوب بنت راقي

أختي ذهب هل تعرفين معنى ضفعه في اللغه أو عند البدو .. فهي منطقه حساسه في جسم الأنسان ..فمن العيب ذكرها ... أو الوصف بها .


^
^
^
لا يأخ متبقط كلامك غير صحيح لأن في ناس كانوا أعوذ بالله في لبسهم
وكانوا على قولة البعض فرري يسمح لبنته تخرج بدون حجاب حتى
لكن الله هداهم أو هدا هذا الأب ومن بعدها قدر يأثر على أهله حتى لو كانوا متعودين

نصحهم ذكرهم بالآخره و ان هالدنيا فانيه وش تسوى على البنت تمووت وهي

متبرجه ؟؟ بالعكس اهله حتى لو حضر حيل راح يتقبلون لاتقول لي هم متعودين على هاللبس

هاذي الشيخه شيخه الصباح أمها حضريه وعايشه في قصر وبنات عمومتها

أغلبهم مايلتزمون باللباس الشرعي طلعت بالجريده وهي لابسه غطووه

وعباية راس ومومبين منها شي وقالت اهلي نفسهم استنكروا هالشي

بس دامه بإقتناع مني بالعكس هالعبايه تاج على راسي وتدعي بنات عمومتها

واهلها للتوبه وتقول انا مااغنتني سيارتي الفارهه ولا الماركات اللي كنت أرتديها

ولا القصر اللي اعيش فيه من تغيير نظرتي في ان اللباس اللي كنت ألبسه لايرضي لا الله ولا رسوله


ولعلمك بس في حضر وساكنين في مناطق داخليه وبناتهم يطلعون اسود من فوق لين تحت

وياكثرهم بارك الله فيهم والحشمه مو بس عند البدو

عن البدو والحضر

أي المفيد هنا ؟؟

والله ندري ... لكن هذه المبرر السائد



عباية الراس والسواد اللي نلبسه على قولتك تاج على روسنا ونفتخر فيه وبالعكس ماهو تقليل من شأن المرأه المسلمه بل يزيدها وقار وشرف وعفاف

ذكرتيني بفلاطون ومقولته الشهيره << اذا بغيت تعرفينها أبحثي في قوقل

أختي الكريم ذهب ....



بعدين أنتي ماقلتي تعالوا عطوني رايك ... وعطيناش راينا وتحسفنا << بالعربي لايحوش


الموضوع لسماع الرأي وليس للمناقش إلا أذا كان كل واحد قال رايه راح تلاجين معه هذه مشكله



وشكراً ذهب

[@بنت الشيوخ@]

أولا اشكر اختي ذهب على الموضوع..

ثاانيها انا اشوف ان بعض الاعضاء شاادين حيلهم بالكلام..تراه كله مجرد راي ومحد يفرض رايه على الثاني..

واللي قاعده اشوفه ان كل وااحد يدخل ويرد على رد الثاني على قولتكم((حلبه مصارعه مو منتدى))

ولحد يفتي من عنده لان هذا كلام من العلماء وبالادله..

واللي يقولون ان عبايه الكتف مو حراام فهو غلطاان وبحجه انه ماذكر في عهد الرسول..

ليه اجل المخدرات مو حراام وهي ماذكرت في عهد الرسول..
والموسيقى مو حراام وهي ماذكرت فيه عهد الرسول..؟؟

يعني لايجوز الافتااء

وعباايه الكتف حراام ...

واذا جا الموضوع ونقااشكم على ان لبس العبايه هي تفرض احترام البنت..

طيب..فيه بنات اصلن حتى الحجاب مايلبسون والله العظيم ان الواحد يخجل من احتراامها..

وفيه بنات يلبسون ومتغطين((على قولتهم..من برا هالله هالله ومن داخل يعلم الله))

يعني كل وحده فارضه احترامها وحشمته من طريقه لبستها..

سواء عبايه كتف ام راس..

انا عن نفسي البس عبايه راس في طلعات العاديه..

وعبايه الكتف في المناسبات..

لكن والله والله ان عبايه الراس احس كأني اميره

عبايه الراس ..وحتى الكتف..((العبايه المحترمه)) اللي مو ضيقه من عند الاكمام ولا فيه مزكرشات ولا الوان ولا قصاات هي العبايه المحترمه..

وانشالله ان بناتنا كلهم محترمات ومحتشمات وفيهم خير..

والله يهدي الكل والجميع..

وشووكرن..

ذهب لي العوده انشالله لان الموضوع اعجبني..

<<في راسها حبن مااطحن

[@الشيــــــــــــنه@]

طارت فيكم بالعجـه


بصراحه انا اخاف اقول رايي


شكلج قويه