مساكم الله بالخير .. من جديدي واتمنى أن تنال الأعجاب وتستحسنها ذائقتكم الشعرية..
فمان الكريم الله خالقك وخالقنا=ترى ماخلقك الله من المسك والكادي
صحيح إنك الغالي وتزعل وتزعلنا=تغيب ويغيب بغيبتك نورنا البادي
ويرجع لنا قلبٍ من العام والفنا=وكانه ليا منه رجع ثالث اعيادي
رجعنا ونصبت فالسعادة منازلنا=وعشنا سوى ناكل من الملح والزادي
عقدنا عهود وبالوفاء ماتعادلنا=وشفتك تجي وتروح سرداد مردادي
وهالحين ماتفرق تواصل تقاطعنا=من الناس زول وزايرٍ جوي الهادي
ليا كثرت ذنوبك بهجرك تعاقبنا=ذنوبك على جنبك وهجرك لنا عادي
بشر يابشر وبعودتك لاتبلغنا=حاولنا معك بالطيب لكن مافادي
تجمِّع من العالم ومعهم بتجمعنا=وحنا طريقك ماسلكناه يالغادي
فمان الكريم الله بغيرك يعوضنا=بشخصٍ حنون ويسكن الشرق فبلادي
24-09-2007, 10:55 PM
العرض الشجري