أذكر إنه فيه حبه فوق ثغره من يمين***وأذكر إنه لا جرينا كني شاره تابعه

[سمـــوم]

السلام عليكم ورحمة الله وبركااااته


اول شي اتمنى انكم تقبلوني عضوه ثقيله شوي مو حيل بالهمنتدى الرائع واللي طمعت اني اكون عضوه فيه واحسه مني وفيني

ثاني شي عندي لكم قصيده وصلتني بلوتوث صرااااحه قطعت قلبي عليها وصدق حسيت فيها واتمنى انكم تحسون بعد فيها وتعجبكم ...

ثالث شي والأهم اتمنى انكم ماتحرموني من ردودكم لأنها اول مشاركه لي بالمنتدى وابي منكم تشجيع

إليكم القصيده......

شفتها يا سعود صدفه عقب ما غابت سنين=عند قسم المختبر وسط مشفى الجامعه

جيتها ثم قلت ممكن في سؤالي تسمحين=ناظرت فيني بدهشه نظرتـ (ن) متواضعه

قالت : انته تحسب اني من بناتـ (ن) ضايعين=تحسب إني في زماني عن طريقي ضايعه

قلت: أنا ماراح أطول كل ابوها كلمتين=وابعدت عني شويه ثم جتني راجعه

قالت : إسأل باين إنك من رجال طيبين=بس هرجك يا السنافي قلي وش هو دافعه؟

قلت : أنا حبيت وحده يوم كنا صغيرين=ومن ثمان سنين غابت وللمواصل قاطعه

أذكر إنه فيه حبه فوق ثغره من يمين=وأذكر إنه لا جرينا كني شاره تابعه

طابعـ (ن) إسمه في قلبي فيه ( سين) وفيه (عين)=وفيه (ألف) وفيه (دالـ (ن) ) وسط قلبي طابعه

قاطعتني بقولها : سبحاااان ربي العااالمين=كررتها مره ومرتين ورابعه

قلت : وشفيك؟ وش بلاك؟ يا بنيه ترجفين=ليه عينك يا بنيه من كلامي دامعه

قالت : الموقف وقلبي والمحبه والحنين=كيف أشوفك بعد ما كنت عنك قاطعه؟

زوّجوني واحد (ن) واحرموني حاجتين=المحبه في زماني والحياة الرائعه

والحين أنا (أم) لثلاثه عندي (ريم) و (ياسمين)=والولد ( اسمه على اسمك) والمواقف جارحه

وسلااااااااااااااااااااااامتكم


اختكم:

*اليــ!!ــاميه*