اللي ليا جات المواقف تصدّد عدّه من الفنجال يا مسوي الكيف صبّه لمنهو لا زهم ما تردّد يستاهل البيضا وكسب المعاريف ----- ---- --- -- - عبدربه
الجو غايم والمطر يهمل رشاش والدعب حوّل وام سالم تلالي محلا النزوح من العماير والاحواش لوها ثلاث ايام واربع ليالي ونار(ن) شعقها معوصب الراس شوّاش وعلى سناها صف صفر الدلالي بقفر(ن) من الكشّات ماداجه ادباش زهره زافي مثل رسم الزوالي ----- ---- --- -- - عبدربه
الكذب لو يرفع درج لابد من ذبّه يطيح زل القدم به من علا وحوّل وجاله خرفشه الصدق ناموس الرجل ولا يصح الا الصحيح يا ما حلا صدق النوايا والفعل والدردشه ----- ---- --- -- - عبدربه
شبابنا فيهم الطّيب ويسمعني يفداه من حط فوق الراس باروكه ويفداه من لبس برمودا وطيّحني ومنهو حقطه السكيني وبانت وروكه ----- ---- --- -- - عبدربه
ما يزعج الا لا بغا لسانك يبوح بالود له والنفس قامت تكابر ونفسك معه والقلب والعين والروح للّي غلاه بداخل القلب عامر ----- ---- --- -- - عبدربه
تبطي عظم يالمجتهد والفقيهي راعي الدجاج مروض الخيبريه من دش شبر(ن) بالوطن يالسفيهي بنطش راسه صبح والا عشيّه حن للوطن درع وحزام(ن) وسيفي ومن دون حده طالبين المنيه ----- ---- --- -- - عبدربه
يا ليت صوتي يساعدني وأبدي على راس طفطوفه لو كان خلّي ورى سدني وأنا جنوبي من الكوفه لرفع له الصوت لو قدني محروق قلبي على شوفه ----- ---- --- -- - عبدربه
اليوم وضعي فوق فوق والجو صاير بنبساط الله يديم لنا السعد ويعمّكم ياللّي حضور يالله بحسن الخاتمه ومشي(ن) على حد السراط ويا علّنا من هو على الجنّه خذا خط العبور ----- ---- --- -- - عبدربه
المرجله ميكارها قمّة الصّوح ولا كل من هو جايبيها رقاها وطيب الرجل له تاج وافعاله صروح والاّ الردي لو هازها ما قواها ----- ---- --- -- - عبدربه
تل قلبي تلّة الجمس بالخط العزاز سايقه عقب البطا شفق(ن)لشوفة هله فز قلبي فزة اللّي وطى حد القزاز منك ياللي مالك أتلى هوانا واوله خذت الاول بجتياز المحبّه بامتياز وكسوتك كنق المشاعر ومعه معوّله ----- ---- --- -- - عبدربه
تصميم : طريق التطوير لحلول الإنترنت والتصميم DevelopWay.com
04-05-2013, 07:27 PM
العرض العادي
