عجزت من حزني عليه .. اتكلم !

[الفريض]

غابت سماء زرقا .. وشمس .. وهبايب
........... ولا بقالي غير .. ليل وبعض هَـمّ .!

يسألني العالم عن انـسـان غايـــب
........... وعجزت من حزني عليه .. اتكلم !

إن كان باقي لـي دعـاء وطـلايب
........... فالله .. يعيد شفاهي اللي تِبسّـــم ..

مريت بدروب ٍ قديمـه .. عجايب ؟
........... حتى المكان اللي تركتــه .. تألــمّ !

بيت ٍ قديم وباب مـبـلـــي وذايب
........... وجدار .. مـن خـوف الملامه تـهـدّم

وماضي وعشق وذكريات وحبايـب
........... وكلمـات .. مـكـتوبه على غصن أبكَـم !

بس الـتـراب اللي وفـا .. للـخـرايب
........... وغطـا شوارعها .. لأجـل يحجب الغـَـم

كن داخلي طفل ٍ له إحســاس شايب
........... وإتــركــتــه الــدنيا .. إليــن إيتعلّـــم

وكـن الشجـر .. رجل ٍ يعرف السبايب
........... ومـات .. وتـرك كل الحياة .. إتـنـدّم !!

دام العشق خايب .. والإحساس خايـب
........... وش لي .. أمـر بصوب بيـتـه وأسلم ؟!

ذكرني (ترابـه) وبـإنـسـان غايــب
........... وعـجـزت .. مـن حـزني عليه آتكلم !!