أنادي عليه، وساقي العين جاري ماه..
وأنا عارف إني لو تحريت .. ماجاني ....
/
ظلمني الزمان اللي جبرني على فرقاه....
صواديف بقعة شرها ما تعداني.....
/
انا كيف أبدله... وأطمع إن خاطري ينساه،
وأنا كل ما مريت مدهاله أبكاني.....
/
إلا جات به الأخبار ولا حد(ن) طراه.....
ماعاد أتسمع صوت من زيد حاكاني
/
أعيش بخياله وأتنادم مع ذكراه
ويدوي بي الهاجوس في عالم ثاني
/
يغيم سماي اليا تواجهت أنا وياه
وحتى الحكي ماعاد ينطق به لساني
/
هو اللي تتوق النفس لمشاهده وحكاه....
ولا جاب قلبي عنه سجه ونسياني
/
وأنا ماذبحني كود عند الوداع بكاه
وأنا داري انه ما بكى الا علشاني
/
أنا يوم شفت مبسمه قلت :بسم الله
شرقت ....وبغيت أموت غير الله أحياني
07-04-2012, 10:14 AM
العرض المتطور
