##~~~&& أكتب اجمل ما قرأت في الغزل ... للقلوب الخضراء &&~~~##

[الظبيه العنزي]

دريت ان الوفا أصبح نهار ندفنه باليل
...................ودريت ان الصدق كذبه مثل كذبة مواويلي

وعرفت ان الأمل خيط تعلق به ضعيف الحيل
...................وانا أول من تعلق به وانا ادري فيه تضليلي

يموت الحلم في عيني وتشيله دمعتي وتسيل
...................ملامح وجهي دموع تعزيها مناديلي

[الظبيه العنزي]

محتاج أسولف لك ومقدر أسولف كثير
محتاجلك وأنت مو عارف ورب العباد

وأدورك وأنت ماتدري بصمت مرير
وأشمك بكوبي آخر رشفة وإمتداد

عطني بك العهد مادام الأمل بك كبير
ألقاك لو في بكا حلمي أذا الحلم جاد

[الظبيه العنزي]

أحس فيني [صرخه ] جابت [ اقصاي ]
وصلت معي حد السكوت وبكيته..
صرخة[ ألم ]ضاعت قبل تاصل شفاي..
أحساسها ضيع كل من [ لقيته ]..

[ تدري ] وش أجمل شي في أصعب أشياي..
[ جمر الدموع بداخلي لا بكيته ]...

[مسري الجيش]

أسري مع الليل مثل الصوت مايسـري
وكن الهوا غصب يآخذني على (بيتـك)
(وأمر بيتك) وأشوفك وأنـت ماتـدري
لاتحسب أنـي عقـب صـدك تناسيتـك
قصة عذابي مسلسل ينعرض (حصري)
على (قناة العتب).. مـن يـوم خليتـك
حرام تهـدم حياتـي يابعـد عمـري
لاتصير قاسي .. (ورب الكون حبيتـك)
في ذمتي لاذكرتك ينشـرح صـدري
أنـت أول أنسـان بالعـالـم تمنيـتـك
حاولت أصبر ولكـن مانفـع صبـري
قلي شسـوي..؟ وأنـا كلـي تباطيتـك
مرات تطري علـي وينشغـل فكـري
ياكثـر ماأشتقـت لعيونـك ومريـتـك
وقفت ضد الزمان وجبت لك عـذري
ووقفـت ضـد الظـروف وماتعديتـك
وحياتك العمر دونك صـار مايغـري
ياللي مـع الـروح عادلتـك وساويتـك

[مسري الجيش]

لاتسألونـي.. وأسألوهـا مـن متـى ماكلمتـنـي
وصدقونـي لوسألتـوا أدري ماينـفـع معـاهـا

من يصدق كيف غابت عـن عيونـي وهجرتنـي
مخطيّـه والله يعلـم لوتجـي بـدمـح خطـاهـا

غاليّـه والشاهـد الله مــن غـلاهـا ولعتـنـي
ومـن بعـد ماولعتنـي أحرمتنـي مـن غـلاهـا

وقلـت يمكنّهـا إتغـلا مثـل ماهـي إمعودتـنـي
تحرق أعصابـي وترجـع.. كـل ماربـي هداهـا

ليه؟؟ وش ذنبي؟؟ بدون أسبـاب هالمّـره نستنـي
مانـي متحمـل جروحـي وزود جروحـي قساهـا

أذكـر أنهـا حذرتنـي بكـم كلمـه وإسألتـنـي
(وش مصيرك لوتركتك وسط هالدنيـا وغثاهـا)؟

كانـت إتلمّـح لحاجـه ومـن بعدهـا حلفتـنـي
إنـي لاغابـت أغيـب وأنسـى لوقلبـي بغاهـا

ليتهـا قبـل الرحيـل بكـل صراحـه فهمتـنـي
هي ظروف الوقت؟؟.. وألا شخص ولعها وخذاها ؟؟

ماهقيـت أنـي أبتعـب ليـن راحـت وإتركتنـي
ولين قلبـي قـال هـذي مالـي محبوبـه سواهـا

من يلـوم القلـب فيهـا لويقـول أنهـا إفتنتنـي
دام لاجـات إتباهـا قـال مـن حقـهـا تبـاهـا

من حلاها ماكذبـت أن قلـت تسحـر وإسحرتنـي
ولوتمـر قـدام عينـي زر عقلـي مـن حلاهـا

ليـه قالتلـي (أحبـك)؟ ليـه فيـهـا حببتـنـي؟
مـادرت أنهـا بكلمـه علقتنـي فــي سمـاهـا

مـن كثـر ماكنـت أحبهـا لوثوانـي قاطعتـنـي
إبلا شعور أسـأل عليهـا وأقلـب الدنيـا وراهـا

علموهـا كيـف صـارت دنيتـي مـن هملتنـي
قولولهـا أنـي أمـوت وكـاره الدنـيـا بـلاهـا

وذكروهـا بكـل كلمـه مـن شفاهـا ضيعتـنـي
ماكفـاهـا ماجـرالـي أسألـوهـا ماكـفـاهـا؟

مابقالـي غيـر صــوره فالبـعـاد وعذبتـنـي
من أطالعها تضيـع العيـن فـي ضحكـة شفاهـا

ومابقالـي غيـر ساعـه منّهـا يـوم إ ذكرتنـي
بعيد ميـلادي وصـارت تحسـب الوقـت إلقاهـا

لوصحيـح أنهـا تبينـي ماتمـادت وخسرتـنـي
ولوصحيح أنهـا تحبنـي ماتخلـت عـن هواهـا

السهـر عـذب عيونـي والقصـايـد دمرتـنـي
وكل حـرف بهالقصيـده يشكـي الحـال وعناهـا

ليتهـا تفهـم كلامـي لاوصلـهـا وأسمعتـنـي
وليتهـا ترحـم حبيـب ٍ لوتنـاسـت مانسـاهـا

[الظبيه العنزي]

وش فآيدة دنيآي - دآمي بدونك ؟

حرام ما تسوى بدونك ولا شيّ . !

غربة حيآتي - غربتي عن عيونك

ياللي بعد فرقاك - ميّت .. وانا حيّ

[مسري الجيش]

تـــدري <غـــلاك> إن رحت أوجيت باقي"

يعني (القطاااااعه) ماتأثر علينا"

[مسري الجيش]

حاولت أصد القلب عن جيب طاريك..
قال وغلاته مقدر أتبع وصاتك..
شفت (يالغالي)شكثر هالقلب يغليك..
شفت شكثريهوي سموك وذاتك!!
هالقلب دايم لاحكى يفتخر فيك
وإذا حلف مايحلف إلا
# بغلاتك #.

[بندر التركي]

لـيتك بـعمري ثلاثة اشخاص ماملّك
واحـد معي دوم وواحد روحي يملاها

والـثالث بـجفن عيني لا فقد حسك
او غـمض الجفن جاني فيك يتباهى

مـو بـس احـبك انا والله من حبك
احـب حتى ثرى الارض اللي تطاها

[العيطموس]

لا ما يكفيني معك بعض الأوقـــــــات

خل التغلي عنك لا صرت غــــالــــي

إن كان وقتك من ذهب باشري لحظات

أسمع بها صوتك ويرتاح بــالـــــــي

إشتقت لك شوق الهوا للمسافــــــات

وأشتاق لك شوق القمـــر لليالـــــــي