##~~~&& أكتب اجمل ما قرأت في الغزل ... للقلوب الخضراء &&~~~##

[ديقول22]

يحسبون المسأله كلها سلك
إذا انقطع تقطع معاه المســالك

مادروا إني بالاحســاس أبادلك
مو شرط أشوفك وأسألك كيف حالك!

أحس بك لو كنت ماني مقابلك
وتحـس بي لوكنت ماني قبالك

تدري وش اللي بس يقطع تواصلك ؟
المـوت بس المـوت.. يقطـع وصالك!

[ديقول22]

جربي مره تقولي يا فتى حبك سكني
جربي مره تقولي ابشر بقلبي هديه

والله اني لا اتربع واوزن العود واغني
" هل رأي الحب سكارى مثلنا " يا اليعربيه

كم تمنيتك فديتك في شراييني تشني
معركة ذات المشاعر وانتصر فيها عليه

كم تنميتك تشوفي مسرح العاشق وفني
وروحي من فوق المنصه تبدع بدور الضحيه!

كم تمنيتك تزيلي للأبد شكي وظني
دايم ظنوني تودي للأسف " لا منتي ليه "

كم تمنيتك تهيمي منتهى الوجدان مني
والخبر عندي بأنك تغرقي في شبر ميه

كم تمنيتك تعيدي ضحكة الحالم لسني
مصعبه ضحك المجامل والصدق انه خطيه

كم تمنيتك يتيمه وخافقي دار التبني
واطلبك واسمع جوابه " خلها تكبر شويه "

كم تمنيتك أسيره للغرام اللي سجني
واحبسك واطلق سراحك من عقب ما اطلق يديه

كم تمنيتك مدينه سورها عالي لأني
اعشق بقلبي ووجدي من قبل تعشق عينيه

كم تمنيتك وليتك تفهمي معنى التمني
ما تأخر من وصل لك لو على حوض المنيه

حيلة العاجز اماني لابسه ثوب التجني
ان حلم فيها تعذب وان غفى عنها أذيه

واعترف قلبي تمنى حضرتك يخرب مطني
لعنبو حضرة جنابه ما حفظ عهد الوصيه

قلت له من قبل اعرفك السلامه بالتأني
ويوم شافك تضحكي له قال بس هذي الصبيه

قلبي وداري بنبضه مشتعل من قلب جني
كان في عصر الملوح منجبر بالعامريه

ويوم الله ما قسمها لا استراح وهو يوني
ونةٍ ظلت بصدره من زمان الجاهليه

وبعد ما شافك غرامي ارتبك ثم(ن) حضني
وقال كلماتٍ كثيره نصفها بالفارسيه

ورحت اترجمها واشوفه وش حكى عنك وعني
وما لقيت الا الحقيقه " ان ما عشقتيني غبيه ! "

ذلك لأني مشاعر مابها زيف وتدني
ترتقي كل يوم مره
لا
10
لا والله
100

وذلك لأني قصايد لو ابطل يكتبني
من فرح او حزن فيني المهم تكتب اليه

وذلك لأني براءه والعذارى ينصفني
مشتهي كلمة احبك واستحي وانطق يا خيه !

وذلك لأني اسامح والسوالف طاولني
يمدحني في وجودي وان غبت شفت الرديه !!!!!

وذلك لأني هدايا للقلوب اللي عطني
من كرمهم كل حاجه وما اطلبوا رد العطيه

يا ترى لو جيتك احبو به امل انك تحني؟
وتصبحي ملك ليميني واصبح لوجدك خويه؟

هقوتك انفع مليكك واعتلي عرشك وامني
نفسي انها تحتفل بك كل مسا عند العشيه!

هقوتك تستاهليني او انا يستاهلني
من يخليهم عشانك لعنبو حيك وحيه

هقوتك يم الهقاوي هن تفاكيري حدني!
ارتكب اكبر جريمه في تواريخ البريه؟

واعشقك من بد غيرك واوزن العود واغني
" هل رأي الحب سكارى مثلنا " يا اليعربيه!

[ديقول22]

اللي بــلا قلــبي بحـبك ولا مــــاك .,
عساه يبـلا قلــبك اللي مصــدي .,

مـا حقق أحــلامي معك غير برضـاك .,
وأن كـان ودك بالعلاقـات ودي .,

وان كان قلبــك يأريش العين يعصـاك .,
لا والله الا ضــعت وأنبــاح ســــدي .,

حـاول بقلبــك كان يمـي نـوايــاك .,
تراي من غــلاك وصلــت حـــدي .,

عيــــني وهي عيــني تـحبك وتهــواك .,
وغــلاك مثل العين صـار متعــدي .,

والله لــــو انــي أســوي ســـوايــاك .,
وأنك ســواتي كان ودك تدري .,

والله يــساعدني بـحبـــك وبـلــــــواك .,
ما دمت مغلي شخص وقلبه مصدي.,

[الظبيه العنزي]

بـــــــــــــــاك

كنت احسْب اني قوي .. لين اكتشفت احساسي زيـف
ما عرفت انطق بكلمه .. شاعر و خانه الكلام !!!


كيف اقول اني بخير و باين بقلبي النزيف ؟
و الملامح بان فيها عين ما عادت تنام


مرتبك .. واقف .. و ساكت .. انفض غبار الرصيف
بالعجل هزيت راسي ( يعني اخباري تمام )

[ديقول22]

سبحت (بحر الحزن) بالعرض والطول
مدري متى يلفي شراع السفينه

لاحّول يا فرقا المواليف لاحّول
الله يعين اللي مفارق ضنينه

بأصبر على جور الليالي وانا اقول
( من شان خاطر عين تكرم مدينه)

[الظبيه العنزي]

انـا وحـلـمي تـوادعـنـا وداعٍ ماوراهـ عنـاق
................... تركني مع ردى حظي ومشـى مع قل توفيقهـ

وانـا وقلبي تعاندنا انـا صـابر وهو مـشـتاق
................... يمين الله وهـو قـلـبي تمــر احيان ماطـيـقـهـ

[الظبيه العنزي]

صباح الدلعنه / ع / الصبح تجي مثل المطر رقراق
يشع العطر بالدنيا غناء ليت الطريق أطول

صباح الحلم ياوجه(ن) طفولي يسرق الأفاق
هو الأكرم بهـ الدنيا بهـ الدنيا هو الأبخل

// أحبك // يا صباح الحب ولا يروي // ضماي // أعناق
وأشوف الظرف روضني بديت اليا رفضت أقبل

[ديقول22]

سكن في غابة العاشق حزن واستوطن جذوره

وبكى من كانت احلامه فرح والبسمه عنوانه


وحرق صوره في براوزه بعد ما كانت الصوره

لهب ما يقدر العالم يطفي عالي نيرانه


وداعك يا اصدق ايامه قضى عـ الباقي من نوره

جلس تايه من فراقك يغني اعذب الحانه


كذب من قال لك بنسى نساكي موتي يا نوره

حلفت الباقي من عمري اعيشه جوه زنزانه


زرعتي فيني بستانك شذى احلى من زهوره

فديتك اه لو تدرين نمى وردك في بستانه


غدى خالد من مروجك سوالف قصة مغروره

تشوفه اعين العالم تحسبه ينهي ديوانه


غدى يكتب لك احساس(ن) تفجر داخل شعوره

تحدى خالد الفيصل بأشعاره وشيطانه


وحاور اشهر الشعار وقلبها ساحه الكوره

يسجل اجمل اهدافه بمرمى هزت اركانه


وتربع عرشه الماسي غصب والدنيا مقهوره

يحق له دامه الاجدر بعرش(ن) يبغي سلطانه


ورى كل ناجح انسانه تساعد في بنى سوره

وانتي اشهد انك دم مشى في دافي شريانه


ولكن بعدك اتعبني وخلى رجلي مبتوره

احاول ازهم الحاضر وانا حاسس بفقدانه


تعالي نرسم الضحكه وترجع بسمه مشهوره

دخيلك قلبي المتعب يبي تضحك له اسنانه


دخيل الشيلة والبرقع وفستان(ن) وتنوره

وصدر(ن) كانت شفاهي تهدي حامي رمانه


دخيل الشامه والقامه وفرقة قذلة مسحوره

وخصر(ن) كانت ايديني خدم تلعب في صيوانه


دخيل الجلسه والوقفه وملامح عذرا سنيوره

وعزة نفسك العليا على ما شافت اجفانه


دخيل الطله والطلعه وصباح(ن) ينشر سروره

غرف ليلي من اشباهك فجر واستلهم الوانه


دخيلك وانتي ما تبالي دخيلك وانتي مبهوره

دخيلك وانتي متكدره دخيلك وانتي فرحانه


دخيلك وانتي متكشفه دخيلك وانتي مستوره

دخيلك وانتي متورده دخيلك وانتي ذبلانه


دخيلك وانتي كسلانه دخيلك وانتي شطوره

دخيلك وانتي تنودي دخيلك وانتي سهرانه


دخيلك وانتي اغلالي دخيلك وانتي مأسوره

دخيلك وانتي مسجونه دخيلك وانتي سجانه


دخيلك وانتي نجومي دخيلك وانتي معموره

دخيلك وانتي الكوكب ومجراته وتبانه


دخيلك وانتي بكيفك دخيلك وانتي مجبوره

دخيلك وانتي رويانه دخيلك وانتي ظميانه


دخيلك وانتي الجاني دخيلك وانتي منحوره

دخيلك وانتي مظلومه دخيلك وانتي رضيانه


دخيلك وانتي ممحاتي دخيلك وانتي طبشوره

دخيلك وانتي ارباحي دخيلك وانتي خسرانه


دخيلك وانتي مخطيه دخيلك وانتي معذوره

دخيلك وانتي محقوقه دخيلك وانتي شرهانه


دخيلك وانتي الخيمه دخيلك وانتي مقصوره

دخيلك وانتي دفيانه دخيلك وانتي بردانه


دخيلك وانتي مو حلوه دخيلك وانتي اموره

دخيلك وانتي الموكب وحراسه وغلمانه


دخيلك وانتي مصيونه دخيلك وانتي مهدوره

دخيلك وانتي مجنونه دخيلك وانتي جنانه


دخيله وانتي في جنبه دخيلك وانتي مقبوره

دخيلك وانتي اتراحه دخيلك وانتي اكفانه


دخيلك وانتي سنينه دخيلك وانتي شهوره

دخيلك وانتي ايامه دخيلك وانتي ازمانه


دخيلك وانتي حروفه دخيلك وانتي سطوره

دخيلك وانتي اشعاره دخيلك وانتي قيفانه


دخيلك وانتي ترابه دخيلك وانتي بحوره

دخيلك وانتي المركب دخيلك وانتي ربانه


دخيلك وانتي فهوده دخيلك وانتي عصفوره

دخيلك وانتي اشباحه دخيلك وانتي سلوانه


دخيلك وانتي اسرار(ن) دخيلك وانتي مسبوره

دخيلك وانتي اللاحب دخيلك وانتي عشقانه


دخيلك وانتي اللاشي دخيلك وانتي اسطوره

دخيلك وانتي الدنيا دخيلك وانتي طفرانه


دخيلك وانتي من تكسر دخيلك وانتي قاروره

دخيلك وانتي من تجبر دخيلك وانتي مرضانه


دخيلك وانتي اهداهم دخيلك وانتي مذعوره

دخيلك وانتي مرتاحه دخيلك وانتي تعبانه


دخيلك وانتي افقرهم دخيلك وانتي مستوره

دخيلك وانتي اصدقهم دخيلك وانتي ندمانه


دخيلك وانتي اعقلهم دخيلك وانتي مطيوره

دخيلك وانتي مكتفيه دخيلك وانتي شفقانه


ودخيل الله من قبلك وجنه فيها من حوره

وساعة تقبل العالم تدور عفوه سبحانه


ابي ارجع الاول مريض(ن) همه دكتوره

تعالج جرحه الغائر وتشفي باقي ادمانه


كفاني اكسر الخاطر وكفاني نفسي مكسوره

وربي تاهت الخطوة وضيع قلبي وجدانه


وسكن في لوحة العاشق الم واستوطن الصوره

وبكى من كانت احلامه فرح والبسمه عنوانه

[الظبيه العنزي]

خذني على صدرك أبي بس غفوه
و إسمع ( تنآهيد الخفوق ) بغيآبك


كنت ( أذكرك من رحت ) في كل خطوه
وإن رآح فكري عنْك عوّد و جآبك

[ديقول22]

إذا السهر تعبْك واحتجت النوم
تخيلي نفسك بحضني ونامي

لا ملحقك شرهه ولا ملحقك لوم
لو كان جرحي من سبايبك دامي

تلّحفي صدري وانا لوّ أبا اقوم
مانيب قايم لو تكسّر عظامي

سامي ولو آعيش فالحب محروم
بأموت سامي منه |وأعيش سامي|

حتى ولو إني معذَب ومظلوم
أبكي من الداخل واسوي عصامي

وإن صبّت عيوني على خدي غيوم
عضيت من غصّة غيابك بهامي

وإذا سألتي / كم لعينك عن النوم ؟
بأقولك مالك ومالي / ونامي

قدلي ثلاثه شهور إلا كذا يوم
ارقد / قبل ساعة فقط من دوامي

وأفز فزة من على الوجه ملطوم
وأدوّر اسمك في روشتة الاسامي

وأدق لين اسمك يجي صادر اليوم
وأقفّلْه واتخيل أنك |أمامي |