× دمــــــــــــــوع آلمــ ح ـــآبـــر ×.. }~ - الصفحة 22

طبــ ع ــي كــذآ.. }~ · #**211** 02-10-2010, 04:37 PM

مدري اصك الركن ولا اخليه
...............يمكن مع الآيام آرجع و افضا له

ياركني الهادي هجرتك ولا ادري ليه
...............همٍ كساني و قبله حالتي حاله

يومه عرض لي واحدٍ حسبي عليه

الله الله <--ماعرفت اكملها :×

بعدين اقول لكم السالفه :$

طبــ ع ــي كــذآ.. }~ · #**212** 04-10-2010, 10:02 PM

من هنا

ياعين عمدان السهر قامت ولا حولش منام=الهم جاني مبتداه ورحمة الله شامله
..
تلعب بي الدنيا وانا كنت احسب ان الحظ قام=الله يعوض خير في جهد اليدين العامله
..
مثل العقيم اللي رزقه الله ف احلامه غلام=من فرحته مافارقت راس الغلام انامله
..
ماتمت الفرحه وراحت روحه بسن الفطام=الله عطا والله خذا فرحه ولا هي كامله
..
غفا من اوجاع الزمان وفاع من نفح العسام=واليا تمنى جمع اشد العنا عوامله
..
عيا يزين الحال حتى بالتمني والحلام=الصبح مقتول التوهم والليال ارامله
..
اقدار سوت بي سوات الشلف عجلات الولام=تبطش ويبطش ف الحشا صيب الجروح الدامله
..
شرع الدهر يومين زين وشين لله الدوام=عاد الليالي مقبله مدري وشنهي حامله
..
والحظ مايسمع ولا ينطق ولاعنده نظام=اظن لو يعرف عنا راعيه فز وقام له
..
مافات مات وببتدي مادام لي شف ومرام=دام الآمل موجود فقلوب الوجيه الآمله
..
اللي زرع يحصد وانا بالنور واجهت الظلام=واللي يكرر غلطته بانت عليه الخامله
..
ياصاح انا سقت القدم صوبك ولا فيها كلام=خل النظر حول النظر تلقى علومي صامله
..
الذيب ماهرول عبث والطق بالميت حرام=والحر تكفيه الإشاره الى بغيت تعامله
..
انا ما اسج الرجل للي يرتخي وقت الزحام=اسجها للي علومه طيبه وازامله
..
لا مااننصحبنا ماصحبنا الا رفيعين المقام=الكير نحرب نافخه والمسك نصحب حامله
..
ماهانت العشره ياخيك الا على روس الهلام=اترك سميلات الجداد البس جداد السامله
..
اللي مايعنيني مايعنيني ولا اعطيه اهتمام=كوامله نواقصه نواقصه كوامله
..
كنه ذلول حزام مردوفه وزعلنا حزام=يحسب ذلول حزام له مدري يحسب حزام له
..
اقدام سيقان النعام تأثر بروس النعام=آثر النعامه راسها لاطال تصبح ثامله
..
حمل الرسايل والمسافه فوق جنحان الحمام=الطير بالمكتوب حايم للوطن ما حام له
..
روس الحبال معقده مابين جوخ وبز خام=الموقف الغصاب سلم لي على قرام له
..
الطيبين مصدرين العلم قصاص العظام =الطيب لو ماجاو له جاهم يغني زامله
..
وان ظاعوا اهل المعرفه قلنا على الدنيا السلام=اصل الآصايل يحتويها ماتعود هامله
..
يعنها اللي باللقا ضاري على ورد الحيام=يزعزع البيدا ولا جار الزمن في زامله
..
كان الزمن عيا يطيع فخلها راس وسنام=واخيك من بعد التعب عبر ابتسامه جامله

طبــ ع ــي كــذآ.. }~ · #**213** 07-10-2010, 04:06 AM

ماعرفت المحبه من ضمير
.................أحسب قلوب خلق الله ( دُما )

كان عمري مثل ( قصة هجير )
.................مالقى له وطن تحت السما

وكنت أحسب الطبيعه للفقير
.................قوت يومه إذا جاع وظما

ويوم جيتك عرفت إني بخير
.................وعمري اللي قضى توّه نما

ويوم شفتك دريت إني بصير
.................وأحسب إني قبل شوفك .. عما !.!

طبــ ع ــي كــذآ.. }~ · #**214** 10-10-2010, 12:54 AM

ياطول ..روح الغياب ويا ثقل دمه !
....................وانا أكتب الشوق بغيابك و أقراني ,

إنسان ! طاحت دموعه وأشتهى كمه ,
....................وفي كل دمعه أسولف فيك : و أنساني !

طبــ ع ــي كــذآ.. }~ · #**215** 10-10-2010, 12:57 AM

أحلامهن واجد وحلمي أنا بس
................... صدرٍ عليه ابكي ولا احس بالخوف

لو ليله تناظر بـ / الاعماق وتجس
............... روحي بتلقى كومة ( أيتامٍ ) ضعوف

طبــ ع ــي كــذآ.. }~ · #**216** 10-10-2010, 01:18 AM

انا عليك اغار من كل مخلوق..................
ويقال شئ تستحي منه بده
مانيب متسرع ولكن لي حقوق..................
ودي تقدر غيرتي والموده

طبــ ع ــي كــذآ.. }~ · #**217** 10-10-2010, 01:31 AM

طبــ ع ــي كــذآ.. }~ · #**218** 10-10-2010, 01:40 AM

الشوق ماله عمر , يفنى وينعاد=له في الضلوع أن عاد وأن غاب رجفه

..
مع كل فرقا , له ورى الجفن ميلاد=وأن ماتت الفرقا لقى الشوق حتفه

..
جيت أقتل الفرقا من بلاد لــ بلاد=ملّ الطريق يشيلني فوق كتفه
..

وأنا بعد مليت من كثر ما أرتاد=هالشارع اللي كان لك فيه شرفه

..
تظمأ عيوني شوفك , وتشبع سهاد=عيّا الزمن يقطع ظماها بــ رشفه
..

لاوجهك أسقاها , ولا ذاقت رقاد=ماغير طيفك , طيفك اللي أعرفه

طبــ ع ــي كــذآ.. }~ · #**219** 10-10-2010, 03:22 AM

لَـآإ يهمّك لو لقيت الناس من حولك كثير
..................الأهَم إللي وفا من هـ الحبايب وش كثر ؟

الجروح أحيان تبقى داخلك مهما يصير
.................... يعني مو كل الجروح تْطيب ، ماتترك أثر !!

طبــ ع ــي كــذآ.. }~ · #**220** 10-10-2010, 04:24 AM

أكثر أمانينا مع الريح ، طارت ،
...............ما تستجيب لـ صوت يزهم وتلويح !

لو ان فيها احساس ما كان بارت ،
...............ليت الاماني ما تطاير مع الريح !