##~~~&& أكتب اجمل ما قرأت في الغزل ... للقلوب الخضراء &&~~~##

[مقداام]

الروح تـ ح ـيا يوم أسمع بطاريك=ودنياي بوجــودك صدقني هنيه
مثل المطر تحيي الشـ ع ـوب المهاليك=تروي القـلوب الظاميات الـ ش ـقيه
الرب يعلم بالـ غ ــــــلا كثر مغليك=والروح ترخص لجل عينك هـدية

[خالد بن رمثان]

حكم الغلا خلاك تطعني وأنا اللي مستفيد=فديتك أنت وكل طعنه من يدك فديتهاااااااا

[خالد بن رمثان]

شكرا على إهداءك يالظامي



فعلا (لامست إحساسي)

[(( سهيل ))]

قالـوا كـذا مبسـم هيـا قلـت لا لا =بين البروق وبين مبسـم هيـا فـرق


يالله بـنـوٍ مـدلـهـم الـخـيـا لا =طافح ربابه مثل شرد المهـا الـزرق


لا جا على البكريـن بنـا الحـلا لا = ولاعاد ما يفصل رعدها عن البـرق


يسقي اغروسٍ عقب ماهـي همـا لا =وحط( الحريق ) ديارالاجواد له طرق


يسقـي نعـامٍ ثـم يمـلا الهـيـا لا = ويصبح حمامه ساجعٍ يلعـب الـورق


جرّيت انا صوت الهوى بـا حتمـا لا =في وسط بستـانٍ سقـاه اربـعٍ فـرق


طبّيـت مـع فـرعٍ جديـد الحبـالا = وظهرت مع فرعٍ تناوح بـه الـورق


روشن ( هيا ) لـه فرجتيـنٍ شمـالا = وبابٍ على القبله وبابٍ على الشـرق


وضحكة ( هيا ) له بالظلام اشتعـالا = ما بين ضحكتها ونـور القمـر فـرق


بـرقٍ تـلالا بأمـر عـز الـجـلالا = واثره جبين صويحبي واحسبه بـرق


يا شبه صفراً طـار عنهـا الجـلا لا = طويلة السمحوق تنزح عـن الـدرق


ويـا قلّـةٍ فـي عاليـات الجـبـالا = ماها قراح ميـر مـن دونهـا غـرق


مـا عـاد للصبيـان فيهـا احتمـالا = من كود مرقاهـا يديهـم لهـا طـرق


قالوا تتوب مـن الهـوى قلـت لا لا = لا ان تتوب رماح علوى عن الـزرق


قالوا تتوب مـن الهـوى قلـت لا لا = الا ان يتوبون الحناشل عن السـرق


قالوا تتوب عـن الهـوى قلـت لا لا = الا ان تتوب الشمس عن مطلع الشرق

[ابن مخيدش]

ودي اضمك واحضنك ضمّة عنااااق=وياشيب عيني كل ماقلت ودي
تقول وش خاطرك؟,,,خاطري ضاق=الكون كله ضااااق ماهو بقدي
ليلة جفا وفراق مابعده فراااااااااق=وبيحت فيها من ردى الحظ سدي




لايحضرني شاعرها

[ابن مخيدش]

والله اني ماشغلت القلب في حي ٍ سواك==ولاعشقت من الدروب الكايدات الا دروبك




شاعره مجهوله

[@ فــهــد @]

.
.
.

انا مقدر أكون اني حبيبٍ في بعض الأحوال=أنا كلّي أجي ولا أروح بعزّتي كلي
خذاني لك سؤالٍ في عيونك والجواب محال=خذاني منك دمعٍ في عيوني ما رضى ذلي

.
.
.

[اخت اخيها]

انا مدري جفـا والا غـرورٍ للاسـف صابـك ’


’ او احساس الملل ينقش علـى وجهـك تقاسيمـه ’

[ناصـر محمد المجروب]

في فن علم النفس وانمـاط /الحيـاه
مصيبتـك طلّـع وراهـا فـايـده..
لاينتثر فكرك علـى كـذا / اتجـاه
الخصخصه فن العقول / الرايـده..
وان ساد من حولك شعور الاشتبـاه
خذ لشعـورك منطقـه / محايـده..
الثقه سقف العقل والناقـص / ذكـاه
من حسسك بأن فيه حاجه / زايـده..
والابداع؟ماهو لعب شـد / الانتبـاه
على حساب الغاء فكـره / سايـده..
والضيق ضيق الافق واكظام / الشفاه
وفهم الحياه على انهـا / مزايـده..
افضل وسيلـه للسعـاده / والنجـاه
سهله على الراغب ولا هي / كايده..
توحد الله صـدق وتقيـم / الصـلاه
وجعل الفواحش عن حدودك / نايده..
وتكف يدك وتحمد الله على / الغنـاه
وتخشّر هنودك معك فـي المايـده..
ولاتخـاوي لاشيـوخ ولا / رعـاه
خـاو اصدقـا تفكيـرك وفرايـده..
والشيخ من تواضعـه يسبـق عطـاه
يتعودون النـاس مـن / عوايـده..
والحب ذروة كـل شـي / ومنتهـاه
ومحلا من وضوحه سوى / مكايده..
يبكـي الرجـال ويبحّـث / خـفـاه
ويعلمه شرح الحظـوظ / الباديـه..
واللي يحب احد(ن) ماهو في مستواه
يبطي وعينـه بالمدامـع / جايـده..
ياوجد حال الشاعر ويا امه / وابـاه
وجود من هاوش لأخوه / وصايده..
اللي اتمنى اعيش واتوفـى / معـاه
حتـى فعيـده ماقـدرت / اعايـده..
الحـزن طاقـه للدعـاة / وللطغـاه
وانا طلعت من الجـروح / بفايـده..
ان لم تزد شيئا ً على هـذه / الحيـاه
فتأكـد انــت حـاجـه / زايــده

لـ سعد علوش

[ناصـر محمد المجروب]

اللي بقالي مع الايام وفيته=والضيق لو ينهمر تشربه ودياني
ماهي كبيره علي والحزن غنيته=ولاهي غريبه اذا وقتي تحداني
الخوف يامن نبشت القلب وادميته=لاعشت زهرة شبابك وانت وحداني
كم جرح خدته من الاحباب .. ضميته=وجروح قلبي زكاة الحب خلاني
مطعون عادي .. جفا الاقراب داويته=تعبان مبطي .. ردا هالحظ خاواني
صدمه بسيطه .. هوان الحال مريته=مقرود ادري .. واذا حرمان عداني
الجرح ارحم اذا يرجع من اغليته=مجروح فدوه .. ولكـن صعب وحداني

لـ عبدالله الظفيـري