( مآفي الخآطر )

[ريـمـيـه]

رجع يسأل عن أخباري بعد غيبة سنه وشهرين
..رجع شايل وجع صدره وقال أرجوك واسيني

رجع كنه يحسبني سعيد بدنيتي أو زين
. وإهو ما يدري الدمعة تسيل ولاتسليني..

دمع.هالوجه..أو كنه جمع في غيبته جرحين
.. وأنا عيني بدت تدمع على حزنه وتبكيني..

يقول الدنيا خانتني وبعدك يا الغلا سكين
ولا أحدن يا الغلا غيرك يقدرني ويراعيني..

حبيبي ضقت بغيابك حبيبي حيل أنا مسكين
.. وأنا جيتك بهاليله وتكفى لا تخليني..

و أنا.. لامن نطق (تكفى) عطيته لوطلب (هالعين)
..وأجود بكل ما يملك خفوقي وتملك إيديني..

وقلت: ابشر ولايهمك تدلل وش تبي يا زين
.. تراني فدوه عيونك (لو إنك جيت تشقيني)..

حبيبي لو تبي القمره عطيتك فوقها ثنتين
.. بعد لو تطلب النجمة أبنطق جيتك إضويني..

بعد هذا ضحك ..بعثر همومه سلهم الرمشين
.. وقال الله يا الطيب وأنا ظنيت ناسيني..

صراحة.. حيل تحرجني يا طيب يا أطيب الغاليين
.. ولا ادري كيف بوفيلك حبيبي وأنت تعطيني..

بعد هذا تسامرنا وتواعدنا بعد يومين
. . ووصيته على قلبي وهو مثلي يوصيني..

تواعدنا على الجمعة ((ولا جاني ))إلى الاثنين
. ومر أسبوع والثاني وشوقي يشتعل فيني..

تصدق عاد يا السامع !!ولا جاني الين الحين.

وقبل تسأل عن أسبابه بجاوب ((وإنت واسيني))..

لأنه م ات في حادث وأنا مت بغيابه لين
[[عرفت إني كذا ببقى ولا أحد يقوى يحييني]]..

[ريـمـيـه]

لبيه لو أن مالي فـي حياتـك نصيـب
بقولها .. وانت وص سنينـك وقلّهـا :

أنّي أحاول معك أقرب من أقرب قريـب
وأبعد من أبعـد بعيـد ٍ للبشـر كلهـا

حاولت لكنّها قامـت تصيـب وتخيـب
أمسي على ليتها وأصبح علـى علهـا

من يوم صارت أحاسيسك تحضر وتغيب
وأنا أحسب أنّي محاصرهـا ومحتلهـا

لاتدّعي بالرومنسيّه وبأنّـك حبيـب ..
.. روحي وأنا أغلى حبيب لروحك وخلّها

نيتك متبيّنه .. لـو أن صمتـك رهيـب
قريتهـا فـي عيـون ٍ دمعـك يبلّهـا

مشاعرك ليه تجبرها لشي ٍ ماهيـب ..
.. تبغـاه وتحدهـا لـدلٍ مهـو دلهـا

ودّعني وعطني الفرقا وربّـي حسيـب
واللي بقى لك من الذكرى معـك تلهـا

جاتك من الله توّكل وأنت مالـك طليـب
ما أحلى من الحاجه إليا جت على حلها

أرحل وأنا صدري الكون الفسيح الرحيب
لـو أن روحـي علـى لامـاك ياملهـا

ماعاد باقي سوا دمعة حبيـب لحبيـب
إليا ذكر هلهـا .. وإليـا سـلا هلهـا

[ريـمـيـه]

يابوي جعلك للبقا والمكاسيب
عمري بدونك يالذَرا ويش أبي به

ليه المرض مايعرف الزّين والعيب؟
مايدري انك للمخاليق هيبه !!

أبسألك وش به غزا وجهك الشيب
والقلب لايع والنواظر شحيبه

[ريـمـيـه]

شف هذي الأرض .. من ياس الضمى و الجفاف
فيهـا التجاعيـد .. تترجـى كفـوف السـمـا

شفت الشجر .. مات واقف بالدهـور العجـاف
من عزته ماحنى راسـه .. لعـذر : الضمـى

من جيت أرض الضمى .. وأثقال همي خفـاف
دريـت بـأن الأمـل .. ثانـي عصـا للعمـى

وأن المحبه (بحر) .. وأيام عمـري (ضفـاف)
و(الريـح) .. حظـي الامنـه هـدى وأحتمـى

مشاعري (أرض) .. ماتت بالضمى والجفـاف
فيهـا التناهيـد .. تترجـى كفـوف السـمـا

[ريـمـيـه]

لا ضاقت الدنيا عليك وتشاويت
خلق الله اللي فالرخا كان واجد

ومن العرب والصوت والثوب مليت
وقامت عليك هموم بأقعا تراجد

فارفع يديك لخالقك لا توضيت
وادعو تراك أقرب إليا صرت ساجد

ووقت من أوقاتك للأوقات توقيت
وسجل لنفسك في المساجد تواجد

وأبشر بفزعة حامي الدين والبيت
إليا هجدك من الهواجيس هاجد

اللي يميت الحي ثم يحيي الميت
لرضاه شف كثر البشر بالمساجد

[ريـمـيـه]

والله وصار الفراق .! وغبت عن عينـي
وأنا أحسب إنّك .! كـذا بَـس إتحدّانـي

إشتقت لـك فـي غيابـك يـا معنينـي
يا سيّد أجدد همومي .! وأقـدم أحزانـي

تعال ويـن انـت رايـح يـا مخلينـي ؟
إرجع ولاهو على شانك ..! على شانـي

خذني معك .! ويـن مـا ودّك توّدينـي
راضي بـظلمـك .! ولكـن لا تناسانـي

ويـاك ؟ راضـي أبعثـر آخـر سنينـي
ولانيب راضي .! أبعثرها معـا ثانـي .!

لا صرت تجري هنا . داخـل شرايينـي؟
في غيبتك .! ماني بـحاجه . لـشرياني

بكـرة ليـا مـات حبّـك .؟ لا تعزينـي
وقف هنا .! وإبتسم لي . عقبه إنساني .!

بآشوف في بسمتك .! نصـرة معادينـي
واشوف بـإقفايتك .؟ موتي . وخذلاني .!

فرصة عمر .! مرّت وضاعت من يدينـي
حاولت فيها .! لكّن الوقت .! ماأمدانـي

جانـي نصيبـي . وماجانـي ؟ يكفينـي
الموت .! لو أنت ما كفّاك .. ما جاني .!

ومادام صار الفراق وغبت عن عينـي ؟
ما قلت لي . ليه .؟ أحسب إنّك تحدّاني

[ريـمـيـه]

لاهنت على المرور الطيب سالمـ ..

[ريـمـيـه]

لاشفت رقمي وأنت لاهي ومشغول
الواجب إنك ماتحقر اتصالي

أول ماتفضى ياغناتي على طول
كلم على اللي لانتخى مايمالي

قل له معاذيرك ولاتكثر القول
ترى حبيبك مايحب الجدالي

وعذرك قبل مايسمعه منك مقبول
حق(ن) من حقوق الغلا وانت غالي‎

[ريـمـيـه]

توجعني الفرقى ويوجعني الشوف
شوفك بعيني يوم منـت بيدينـي

مانيب باسط لك يميني وبي خوف
اخاف لابسطها لك ومـا تجينـي

ماكن لي لمجابه فراقـك كفـوف
وماكن غيرك مر في موق عيني

الله يسامح زلتك عيـت تطـوف
والله يسامح حاجتي مع حنينـي

[ريـمـيـه]

دمعتـك ذنـب وسكوتـك تـردّي نصـيـب
وانهـزام الاحبّـه .. جــرح مـالـه دوى

كـان ودّك تقدّمنـي علـى المـوت غـيـب
او تمـاد بزعلـك شـويّ واحنـا ســوى

حاجتي لـك ماهـي حاجـة حبيـب لحبيـب
انت قبل الغذا والمـا وضمـن الهـوى .. !!

ياكسجيـن النفـس ذبّ العـروق وتطـيـب
كل عـرق .. فقـدك اربـع دقايـق .. ذوى

سمّ وانس الفراق .. فهمت ؟ هل من مجيب ؟
ماعشقتـك عشـان آمـوت .. مالـك لـوا