خيرة بني عمّه .. شيلة مميزهـ لـ فهد بن جري

[شيخة قبيلتها]

السلام عليكم ورحمة الله وبركاته ...


خيرة بني عمّه .. شيلة مميزهـ لـ فهد بن جري



كلمات الشاعر القدير والجزل / سلطان بن وسام الهاجري ...

أداء الشيله المميز / فهد بن جــري الهاجري ...

عليك الفرج ياالله ياحي ياقيّوم=إلهٍ عباده كلها تلفت يمّه
الا يارفيقي والله انه عداك اللوم=انا اللي علي اللوم في ذمتي ذمه
ولكن سامحني ترى العلم فيه علوم=ولا يفرح اللي بيننا ينقل النمه
حصل ماحصل والعبد يصبر على المقسوم=يدور الزمان ويخلف العزم والهمه
(طرات الرجل لا لحقه من الزمان هموم=ما يدري بسده كود خيرة بني عمه)
وسيع البنايد في الشدايد قوي عزوم=لعظك زمانك شال همّك مع همّه
وانا والله اني ماتهنى بحلو النوم=ورفيقي عليه هموم الايام ملتمه
اشيل الحمل منه واحطّه علي واقوم=مقام يورد ضامي الما على الجمّه
لكن الزمان الشين ظالم وانا مظلوم=على الهون ياللي تمدح الوقت وتذمه
تهب الهبايب والسفن في البحور تعوم=وتصفق بها صفق الهبايب عن اليمه
هبوب تصافقها وبحر وسما ونجوم=وموج تقفاه العواصيف وتزمه

مع اطيب امنياتي للجميع ...