يسخــر من (الجرح)من لايعــرف آلامـــه

[تركي الميموني]

يسعد مساكم / صباحكم

v
v
v

تشره على الدرب خطواتي ورجليني

لا صار مبداه ضحك ودمع بـ أختامه

/
/
/

رجلي على دربها دايم توديني

والوقت تبكي ثوانيّه .. على أيامه


/


كذب المواعيد .. مرثيّه .. وترثيني

في كل موعد لقى .. تنخان / رزنامه

/


تضحك على حالتي وتقول : تبكيني ؟

واقول : جرحي عجز يوقف على أعظامه !

/


تسخر من الجرح لا من قلت : داويني

يسخر من الجرح .. من لا يعرف آلامه

/


يا لافتة ضيق لـ احزاني تدليني

انتي على الجال .. وانا وسط دوامه

/


مع فارق الشبه مابينك / و مـابيني

ومع فارق الحب والاخلاص واقسامه

/

انا الدجى ينامني وتسامره عيني

انتي الدجى يسهرك وعيونك تنامه

/


دوّري علي في غموض الليل .. تلقيني :

( واقف على باب حبك .. واحسب اعوامه )

/


لا صحت من حر ما بْي .. لا تلوميني

شاعر وقدام عينه .. ماتت احلامه

/


ودي تكونين .. شمع ونور يضويني

ودي اكون اقرب لـ عنقك .. من الشامه

/

تدرين بـ أنه خفوقي يحترق فيني

لا صار حزنه وراه .. و هم قدامه

/


قررت بأدفن ضميرك .. في بساتيني

مادام بك مات .. دفن الميت أكرامه

/


لكن رغم كل ماجاني وبـ يجيني

ولو المسافات .. عتمة روح منضامه

/


بـ أعيش لآخر وهم يستاهل سنيني

المرء وش كان لولا روعة أوهـامه

منقول

واتمنى أن ترتقي لذائقتكم الشعريه