خدامة الجيران ... ( قصة فكاهية من تأليفي )

[بيبسي مآن]

هذا القصة قديمه بالحيييييييل .. صارت لي في عز شبابي ايام الثانوي << وش عندووه الشايب العايب هع

كان عندنا جيران اسره بسيطه مكونه من اب وام وسبعة شباب << وين اسرة بسيطه انت و وجهك

المووهيم كانت عندهم شغاله خاقوقية بسم الله ما شاء الله عليها ، جمال رباااني كنكم تشوفون ( هيا الشعيبي )

الخالق الناطق يا لبى العرب .. قصدي يا لبى الهنوود هع

<< يسمع بلأفلام العربية وقصص حب بنات الجيران لكن للآسف جيرانا ما عندهم بنات عشان تسذا حبيت خدامتهم

( فيس ابو ضحكه غبيه )

ويا ويل حااالي لـ جا الضحى وطلعت فوق السطح تنشر الغسيل .. و لـ اذا طلعت تكب الزباله ..

ولا اذا طرشووها لبيتنا ارووح وطي ، ارووح ملح

خلوني استعرض بعض الذكريات الحزينه مع حبيبة الالب ( شيترا ) << اسم الشغاله


-:- هذا سلمكم ولد الجيران اسمه حمود وعيارته ابو راس .. عليه رااس تقل مجسم كرة ارضية مو راس

مره نطح خروف جدتي تكسرت قرون الخروف ( تنتررا تنتن ) ،،

ومره ضرب الكوره براسه مسوي هيا ماجد عبدالله فقع الكوره ( تنتررا تنتن ) ،،

فيه محشش راح للسووق ... << اقول يا بوالشباب كمل السالفه احسن لك

صادقت حمود منشان عيون شيترا بس ، ولا حمود ما يتصادق يا عليه اييد تقول زراديه ومزحه غثيث اجيهم في البيت علشان اكحل عيوني وهو ما يصدق على الله يقعد يمزح معي ويحشرني بالزاويه يربط حلقي بشماغي لمن تطلع عيوني وتصير كنها عيون واحد من الربع ما تعرفونه هع ، ويقعد يعافسني يا هووو ثقييل طينه .

وفي مره من المراريت سيرت عليهم وانا اللي اطق الباب شوي الا يوم فتحت شيترا كان في يدها قدر مليان طحين..

يا الهي لأة مش مصدئ عينيا : قلب ينبض: ( فيس الشيخ فؤاد يوم شاف خشت وضحى )

قالت بكل حنيه هييه انتا سنو يبي << امحق حنيه هع

قلت لها : انا يبي زواز انتي ( تراتاتاااا ) << مويزك تشويق

ومن الصدمه طربقت قدر الطحين فوق راسي

ويوم راحت الصدمه ابتسمت وقالت دنا مكسوفه << اشوفها قلبت سميه الخشاب

وانا اللي اتذكر اغنية سلمان خان يوم يبي يعرس على رفيقته بالجامعه .. واجر الاغنيه على المنكوووس ..

يا بري حااالي شوف عيني يوم دمعت عينها وهربت الى الداخل << اوخص يا هوووه كثر لي من هربت

هنا بدأت قصة الفصفص قصدي شسمه قصة الحب بيني يا محاكيكم وبين شغالة جيرانا شبيهة هيا الشعبيبي

( اول مره اشوف هنديه دووبه )

حتى اني صرت احلف على امي ان اقوم بشغل البيت وغسيل الملابس علشان اطلع فوق اسطح وانشر الغسيل واشوف المحبوب

<< يا زين شكلووه وهو ينشر الغسيل

هم جيرانا الطوفه على الطوفه وانا عندي دجاج فوق السطح مربيه علشان اتعذر بالدجاج ..

المهم اني ما اعرف اكتب اوردو علشان تسذا صرت ارسم قلوب حب وعصافير و ورود واربط الرساله برجل الدجاجه واحذفها على سطح الجيران << يسمع بالحمام الزاجل

وهي ترد علي بنفس الطريقه وهكزا ....


-:- و مرتن من المراري شفت جارنا الشايب عند شبك البقر .. جيته وحلفت عليه اني اعشي البقر .. موب علشان سواد عيونه علشان مدعوج الاعيان اللي يخم الشارع قدام البيت

<< اما مدعوج الاعيان هع هع مالت عليك انت وذوقك

قال الشايب ابعدي والله يا ولدي خلاص انا بروح ازهب القهوه وانت كب عشا البقر واحلبها همن تعال انا بالمجلس انتظرك

يا والله البلشه انا ما اعرف للبقر ولا وشلون تحلب ؟؟ قلت الدنيا فرص خلني اهايط قدام شيترا يا لبى الهنوود كلهم

خذيت السطل وجيت جنب البقره واحترت وين مكان اللبن وين مكان الحليب << لا يكون واقف عند ثلاجة المراعي وانا مدري هع

المهم قلت ابحلبها من كل الجهات بلكن يطلع لنا زبادي وقشطه ..

فجأة داست البئرة على رجلي آي آي وجهي حمرررر وانا كاتم الصيحه ما ابي اصيح قدام الحاجه

<< حلوووه الحاجه يقصد الشغاله ههههه

وبحركه خطافيه رفعت رجلها وانحشت ما ردني الا اخر الديره علشان اصيح على كيفي وطلعت اللي في خاطري

<< لاحوول متأثر بتوم وجيري ما يصيح الا خلف التلال لووووووول

وارجع بنفس السرعه لشبك البقر وارفع رجل البقره واحطها مره ثانيه فوق رجلي << صدق انه عبيط خلقه هع هع

(( شسوي المخرج قال خلنا نعيد المشهد )) >> ون تو سري اكشن ،،،

وانا اللي اكتم صيحتي مره ثانيه . مقدرت اتحملها قعدت اضربها بالعقال الا يووم طنبت بالصياااح ذا الخدامه ؟ وانا اللي ازود محط البقره وهي اللي يزود صياحها

والمخرج يقول لي اجمد يا بطل اجمد .. حسيت اني في برنامج (( كومبارس ولكن )) << مصدق نفسه

قامت تمشخ وجهها وتلطم خشتها انجنت الخدامه ،، كل هذا اعجاب في شجاعتي

<< ابو الشباب يحسبها للحين ميته عليه ومادرى انها تعبد البقر وزعلت علي يوم ضربت البقره ( فيس يعرض عضلاته )

وكملت ..!! البقره طينتها على رجلي وعع منها يا عليها دفع رباااعي الله لا يوريكم

احس اني نيست من هذاك شيسمونه وكل شوي والبقره تزود في دفعها الرباعي يا الهي اني اغرق اغرق ..

<< وش عندووه العندليب هق

لو لا الله ثمن جارنا كنت صرت شهيد الترعه << الله يقرفك

المشكله فشيله اذا مت واسألوا وشلون مات ؟؟ ينعن ام الموته الخايسه

اغمى علي ولا قعدت الا وانا في المستشفى اثاري الدفاع المدني هو اللي انقذني .

المشكله الكبيره والمؤلمه ان شيترا سافرت للهند وانا من يومها وانا ابحس عنها في كل مكاان

يا من يدلني عليها واهدي له بقره حلووب ذات دفع رباااعي


------------------------------------------------------------------


اتمنى انها تنال على قبولكم

واذا ما اعجبتكم لا تنتقدوني واجد لأني حساااس بالحيييل ( وجه ابو عاض طرف اصبعه ويناظر بالارض )