تاريخ القرشه بسكاكا الجوف

[نواف الخالدي]

نبذة عن الشيخ سهيان بن لحيد بن مطيلق الضويحي الخالدي / ابو شكر

يقول معاشي بن ذوقان العطيه الخالدي في كتاب حدائق جوفية الصفحة 87 مانصه
(قرر الامير / سهيان بن لحيد الذي كان يقول على سكاكا في ذلك الوقت بان تكون المشيخة لا مركزية عليه
طلب من كل عشيره ان تختار لها شيخا ) انتهى.

وكان هولاء المشايخ يعودون للامير / سهيان بن لحيد والذي شكل حلفا قويا ً للامارة الرشيديه في حائل بزعامة الامير / عبدالله بن رشيد واستمر هذا التحالف منذ توليه الاماره بعد والده الامير / لحيد بن مطيلق في حدود العام 1254هـ
وفي عهد الامير متعب بن عبدالله الرشيد حضر لحرب قبائل الروله وبعض قبائل سكاكا ودومة الجندل وكان حلفاءه القرشة وبعد ان انتصر القرشة وابن رشيد امر ابن رشيد بتقطيع نخيل بعض قبائل سكاكا فرفض الامير / سهيان بن لحيد تقطيع نخيل بعض منها لوجود مصاهرات مع القرشة وتم لابن رشيد تقطيع البعض الاخر منها حيث يقول




وين القصير ومارد(ن) هو وشلال
وغرايس (ن) باشناقهـا قطعنـا






وقد ذكر ذلك عبدالرحمن بن عطا ال كريع في كتابه (هدية الاصحاب في جواهر انساب منطقة الجوف الجزء الاول
وفي نهاية حكم متعب بن عبدالله الرشيد حدثت اول معركة بين القرشة وال رشيد
وبعد عودة الامير متعب بن عبدالله الرشيد من هذه المعركه قام ابناء طلال بن عبدالله الرشيد بقتله بتحريض من عمهم الامير / عبيد الرشيد وعندها اعتلى الامير / بندر بن طلال الرشيد امارة حائل فارسل الامير / سهيان بن لحيد الخالدي
ابنه الشيخ / شكر لتهنأته بالاماره وتجديد الحلف فطلب هدم قلعة زعبل تاكيد لبقاء الحلف بعد تلك المعركه وعند وصوله الى سكاكا اخبر سهيان بطلب ابن رشيد فاجتمع مع عدد من رجال الضويحي
وكان ان قال الفارس والشاعر / مفضي بن عطيه الضويحي المقوله المشهوره اذا هدمت زعبل من الشمال انهارت على الاموات واذا هدمت من الشرق والجنوب انهارت على الاحياء
فجادت قريحة الشاعر / مفضي بن عطيه بهذه القصيده على لسان الامير / سهيان





ياراكب من عندنـا فـوق مقـران
متخيره من ساس هجن (ن) مطيعه
الصبح مدت من مناخـة سهيـان
والعصر بالنقره بسـوق البديعـه
تلقى عيال (ن) كنهم صف عقبـان
في نقرة (ن) عند اخو ترفه وسيعه
ان نشدوا عن جوفنا ويش به كان
الجوف صارت به امور (ن) شنيعه
قلهم عيال قريش هزت شبا الـزان
وطقت طبول الحرب تبغى الفزيعه
انشد منيره يوم فيك الدهـر فـان
يوم ان عيلاتك مع الناس ضيعـه
ياما خذيت بضلعنا وقـم مقطـان
لما غدت لخـوان نـوره وسيعـه
كد (ن) بعبدالله غدى درب دخـان
واللي يشوف عبيد يرجى القطيعـه
الضلع لو وزن لنا باغلى الاثمـان
الضلع لـو وزن ذهـب مانبيعـه
الضلع من دونه شغاميم شجعـان
كم خفرة (ن) منهم تفقد جضيعـه

عند وصول هذا الرد للامير / بندر بن طلال ا لرشيد غضب فارسل عبيد بن رشيدهذه القصيده



يابو شكـر والنعـم يومـك عديلـي
خطك جليل ووجهك ابيض من الشاش
واليوم صار الهـرج مالـه ضويلـي
طاوعت هرج فلان وفـلان وشـلاش
ان كان عندك واحـد (ن) مستعيلـي
خله يدور له مـع النـاس وشـواش
انشـد قيـال وضلعكـم هالطويلـي
عن حس منصور ليا هاش وهتاش
مايظهـر المـا بالمحـال الزبيـلـي
والغيد مايظهـر قنيـن علـى مـاش



فرد عليه الشاعر / مفضي العطيه بهذه القصيده


بالامس يوم ان كان خطبـك جليلـي
وعيال عمك عنهـم كنـت منحـاش
دوجـت شمـر مالقيـت الدخيـلـي
وحموك ربعي بالوغى كل (ن) اهتاش
حمـوك يـوم انـك مجلـى ذليلـي
والخوف طايف فوق قلبك وجـواش
وتيتنـا حافـي تـجـر العويـلـي
والشوك من رجلك تشيلـه بمنقـاش

وبعد وصول هذه القصيده الى ابن رشيد لم يتخذ اي اجراء وبقيت القلعة شامخة تعانق السماء

وقد قال الشاعر / جحيش بن هشال السرحاني وهو شيخ مسن عندما امر الامير / سهيان باستقطاع ارض لابن هشال في اللقائط وزراعتها بالنخيل


يابو شكر وش هقوتك بالجماعه
اللي نهجو يم اللقايط يغرسون
تركتهم عند الضويحي وداعـه
تحيا مع الحيين واللي يموتون











عتب جحيش بن هشال السرحاني على ابن فرج بهذه القصيده التي يمدح فيها الضويحي والامير / سهيان بن لحيد الضويحي الخالدي


يابن فرج قيلك ترى هو على الكيف
نسيت بيتيـن (ن) عليـك احملنـا
عيال الضويحي للقصايـر مواليـف
أ لـف مـن الخلفـات لعيالهـنـا
ابو شكر لو هو حضر جوعة الصيف
يامـا يسقـم نـاس منكـم ومنـا

[نواف الخالدي]

نبذة مختصرة عن الشيخ عساف بن شكر بن سهيان بن لحيد الضويحي الخالدي

ورث هذا الشيخ الشيخه بعد والده الشيخ شكر بن سهيان وجده امير سكاكا لحيد بن مطيلق وقد قرر التفرد بالسلطه وخلع حلفاءه الرشيد الذي كانت تربطهم علاقه وطيده مع والده الامير شكر وكذلك التخلص من الشعلان الاعداء القدماء والتي لا تربطه بهم اي صلة تحالف في السابق ولكن لا يكون هذا الامر الا بالاتفاق مع كبار عشائر اهالي سكاكا فقرر الامير جمعهم وبعد الاتفاق معه وتوليه امارة سكاكا اخذ على عاتقه التخلص من حكم ابن رشيد 0
كما يلتزم كبار العشائر الاخرى بخلع حليفهم ابن شعلان واشار الشيخ عساف في بداية الاجتماع ان اهل سكاكا اهل حضاره وتاريخ واصحاب حق ولابد في ان يكون مستقلين في امرهم وكان يرى في نفسه الرجل الاحق بها دون غيره لكونه حفيد الامير لحيد الذي كانت له السياده في المنطقه دون منازع0

واليوم التالي للاتفاق استولى القرشة على حامية ابن رشيد (ومنصوبه ابن صليبيخ) الذين استسلموا بمجرد ابلاغهم بضرورة الاستسلام وتم التصرف بما يملكون من سلاح وذخيرة وأرسلوا محروسين للالتحاق بحامية ابن رشيد في قلعة مارد بدومة الجندل


وبعد استسلام رجال ابن رشيد انشد حراسهم الانشودة التاليه وهم ينحدرون من قلعة زعبل



عساف* والله ماننام
للحرب نسعى هروله

العز في يوم الوئام
بين قرشه ومعاقله

الجوف مافيها سلام
لابن رشيد او روله

اليوم مافيها كلام
صوت الموازر زلزله*



*عساف= شيخ القرشة

*الموازر = جمع مؤزر وهي البندقية المستعملة ذلك الوقت





وقام كبارالعشائر بالاتصال بابن شعلان وهذا مخالف للاتفاق الذي تم بين عساف وكبار العشائر وهكذا خسر الشيخ حليفه ابن رشيد



وكان على الشيخ ان يواجه خصومه من اهالي سكاكا حلفاء بن شعلان ودارت بين الطرفين معارك عده استمرت الى سنه ونصف كما ذكر سعد الجنيدل في كتابه بلاد الجوف الصفحه 141 الدكتور عوض البادي في ترجمته لكتب الرحاله الاوروبيون في بلاد الجوف ولم يصمد في وجهه سوى بني خالد (القرشة في سكاكا / الدرع من الجناح في دومة الجندل ) وقدذكر الرحاله الويس موسل في ترجمة عوض البادي الصفحه 371 /372 ((ان القرشة لايخافون احد وانهم امنون في منازلهم المتينه المحصنه وهم مسلحون جيدا وحدائقهم ذات جدران عاليه لذلك فهم يستطيعون الدفاع ضد البدووالصمود لسنوات وجماعة القرشة تتالف من عائلات الضويحي والعلي والمطر واميرهم هو عساف ابن لحيد )). انتهى



وبعدها لجأ النوري ابن شعلان الى خدعه بحيث طلب من الشيخ درزي شيخ الدغمان من الروله في قارا ليذهب الى الشيخ عساف اللحيد واخيه قشاع ويطلب منهما المصالحه وهكذا فعل ايضا مع الشيخ صفوق الدرع واخيه وفوق من جانب الدرع ومتعب العبدالله من شمر من حلفاء بني خالد وقد تعهد الشيخ درزي بأن لايمس اي منهم نقطة ماء. وبعد حضورهم للمنزل أمر النوري ابن شعلان بقتلهم فأعترض درزي على هذا القتل حيث ان عساف وقشاع على كفالته .الا ان النوري قد رتب جماعة من المنافقين والوصولين والانتهازيين الذين لايخلو زمن وجودهم .. من اهل سكاكا ودومة الجندل لينادوا بقتلهم بصوت واحد والتفت النوري الي الشيخ درزي وقال ان ((ابناء عمومتهم وعشيرتهم يطلبون لهم الموت واظن انك لست بأشفق من هؤلاء عليهم)) وقال درزي بعد سماع الاصوات الناعقة يخاطب عساف(( لقد خرجتم من ذمتي الى ذمة هؤلاء)) ويشير بيده الى اصحاب الاصوات وقال الشيخ الشهيد عساف يخاطب ابن شعلان ( اذبحني والله لو ماوراي الا عجوز نصيله).. .. ثم قاموا بقتل عساف بن شكر اللحيد شيخ القرشة واخيه قشاع من سكاكا..وصفوق حسن الدرع واخيه وفوق ومتعب العبدالله من دومة الجندل



وقد ذكر كل تلك الاحداث الشاعر / مناطح بن ضامن الزيد العلي الخالدي

الذي كان احد فرسان كتيبة الامير عساف عند مهاجمة منصوب ابن رشيد






مناطـح يقـول يالله يالله يالطـاف
تخزي عدوا الجوف وتكثـر لهـوده

البوق سنه صار وطبع (ن) للاحلاف
تامروا مـع مـن تسمـى بقعـوده

دعى الى الخلاص القـرم عسـاف
ثم استجبنـا لـه وصرنـا جنـوده

والغدر جانا من رعاديـد واحـلاف
باعوا شرفهم والوطـن فـي نقـوده

لكن اخوا سـرا زلـزال ورجـاف
حلحيل حـلال ماامـر (ن) يكـوده

ولولا الخيانه العدوا كـان ماطـاف
في جوفنـا ولاكـان يقـدر يـروده

امثالهـم كثيـر للخـزي هــراف
خزواتهـم معـروفـة وامـعـدوده

ان كـان عثرنـا اليـوم فالله رواف
لابـد مالايـام تـاتـي سـعـوده

الجوف لو صفوا اهاليـه مايشـاف
بربوعها والنـار النـوري وقــوده

شهيدنا فـي جنـة الخلـد طـواف
وقتيلكـم بالنـار تحـرق لـحـوده

الياذكر عساف هو ريف الاضيـاف
سقم الحريب وزبن ناقـض جعـوده

والياذكـر قشـاع للمـال متـلاف
يوم المناخي وافي (ن) في وعـوده

يقوله اللي كان معهـم وقـد شـاف
افعالهم واعطاهـم صـادق عهـوده

سيوفهـم قصيـرة بيـن الاسيـاف
وخطواتهم توصل قصـار مجـروده







كما جادت قريحة الشاعر / عابد الجباب











يادار ياللي بين ابـا القيـس وفلـوق
اليـوم مامنـا علـيـك السـلامـي

جعلك بنجم(ن) تالي الليـل ساحـوق
ياتيـك يـادار الخـنـا بانهشـامـي

عفناك لو ان الذهـب فيـك مدقـوق
دار المهونـه مالنـا بــه مقـامـي

من عقب اخو شاهه وعساف وصفوق
ياحـيـف ياهاك الوجيه الكـرامـي

كم دار شيخ (ن) عقب الافتاح مغلوق
ومضايف (ن) ماحط فيهـا الطعامـي

قلبي على لامـا الرفاقـات مشلـوق
شلقـة جديـد الخـام بيـدي شامـي

اكـل مواكيـل (ن) ولاعــدي اذوق
كبـدي تهيالـه مــن الله سقـامـي

من ربعة (ن) راحوا كما المي مطروق
راحـوا شتـات وبالقرايـا قسـامـي

عندك خبر خشة ربوعي هل السـوق
وصبيان خذمـا نافضيـن الحزامـي

....
..
:
وهذه كامل قصيدة الأمير عبدالله بن رشيد في مدح القرشة من بنى خالد الذين اضافوه في سكاكا الجوف

والتى ابتدعها بعد ما وصل للعراق واستقر في بغداد

والتى تدل على الود والاحترام المتبادل بين الطرفين


ياهيه ياللي لـي مـن النـاس وداد
ماترحمون الحـال ياعزوتـي ليـه
ماترحمون اللي غدا دمعـه ابـداد
لاله زمان وحـرّق الدمـع خدّيـه
لالـي زمـانٍ ماتهنيـت بـرقـاد
وقصر الحشا قامت تهـدّم مبانيـه
من يوم شفت الشوق مزبور الانهاد
ومجلّـيٍ عـن دار جـدّه وأهاليـه
وأقفى يجر الثوب للضلـع شـرّاد
امشلّحٍ ياطا على اطـراف رجليـه
الشوك ماله عن حيا الرجـل ردّاد
الاّ ولا سـبـتٍ قــويٍ يوقّـيـه
يامن يسـوي لـه زرابيـلٍ جـداد
من الميّ لو ياطا على القطن يحفيه
بمشمرخات الهيف بالزحف صعّـاد
وكم ماعرٍ من خوف لاروام راقيـه
اخذ ثمـانٍ مـع ثمـانٍ لـه ازواد
ولالقى مـن عزوتـه مـن يلفّيـه
وجبّة سقاها من اول الوسم رعّـاد
ماطالعت خشـم ام سلمـان تسقيـه
حيـث انهـا للمنهـزم دار ميعـاد
ومن لاذ به تقل الحرم لايـذٍ فيـه
ومسيخ ابن فرحان عريب الاجـداد
كل العساكـر نكّسّـه تتلـي البيـه
نكّسّ بهم عامـر ومحسـن وفهـاد
والكل منهـم مارجـع يـم اهاليـه
وفزنا على شهب الغوارب منه غاد
وكم عيّلٍ يبكي من القيـظ شاويـه
وجينا قليبٍ صايـرٍ وسـط الانفـاد
بالخمس مع نصف الثمانيـن ندليـه
لابن رخيص النازلٍ حـد الاجـراد
قال اقبلوا انتم هـل البيـت ياهيـه
يابن رخيص الحضر يبغون ببـلاد
والحيضري بالهدي يكـره تبدويـه
ونبغي نقارب من هل الجوف خلاّد
وندعي عسى ان الوبل يسقي مفاليه
واهل سكاكـا نعـم بذالـة الـزاد
ونعم النكيف اليا لفى السير طاويـه
اويّ والله يالضويحي مـن أجـواد
ونعم الرفيق ليا نصى لمدح أهاليـه
والمدح بـدّو فيـه لرشيـد وبجـاد
والكل منهم سيـف يقطـع بحدّيـه
وشلنا على حمرٍ طويـلات الابـداد
يم الشمـال ونيّـه الهـور نبغيـه
كن جيت لي بدوانٍ بـالاذواد
ورّادوكـلٍ يزيـن للعشايـر نـواديـه
واحلو شرشـوح المغاتيـر لانقـا
لادوّه الراعـي بحلـو التـداويـه
ليا الشط لي في يمّه الشـط منقـاد
كن الشفّلّح فـوق موجـه تجاريـه
ياما عليـه مـن المخاليـق وعبـاد
والكل منهـم وال الاقـدار مشقيـه
هـذاك فـلاحٍ وهــذاك كــرّاد
وهـذا مريـحٍ وساهـراتٍ دواليـه
وهذا يهل الغزل من فوق الاعـواد
وهذاك يبـرم لـه وهـذا يساديـه
كن جيت لي سوقٍ ورا جسر بغداد
كن الدبل كتفـان يزهـي بلوحيـه
قبّة ذهب ياقـوت حتـى الزمـرّاد
يزوغ قلب المسطحي وان مشى فيه
لاهو بشفٍ لـي ولاهـو بالامـراد
ولاهو هواي وطاري النفس يطريه
من يوم جانا العلم تحرير الاوكـاد
قل العساكر غرّبـوا تتلـي البيـه
وحنا بديرة مـن يعـدّون الاجـداد
هـذا ولـد عمّـه وهـذا بناخيـه
هب الهوا يـاذاري الريـح وانقـاد
ويامن يدور قضى حلاله واهاليـه
الله يسـوّد وجهكـم ياهـل الـواد
سود السماء كل الخلايـق تراعيـه
من باب خـدامٍ ليـا بـاب عـوّاد
ومن ينتخـي بالضيغميـه تطاليـه
ياللي نسيتوا عمل الاجرب وفهّـاد
ومن عقب هـذا داخليـنٍ قهاويـه
حتى جـرادٍ فـي جماعاتنـا سـاد
هذا يخسخـس بـه وهـذا مجلّيـه
لو تجتمـع كـل الخلايـق بميعـاد
الاّ جـرادٍ مـالـك الله نصافـيـه
والله لو انّي من ورا جسـر بغـداد
انّي لكم مثل العمـل عنـد راعيـه
عيسى يقول الحـرب للمـال نفّـاد
والمال من هبّـت نسايـم ذواريـه
ياللي تقول الشر مابـه لنـا ازواد
انشد مسوّي السيـف وليـه حانيـه
لاصار ما يرويه مـن دم الاضـداد
يدّيـه يـم العرفجـيـه وتـرويـه
ولاصار مامرٍ يزغـرت بالاكبـاد
ترى الموصّى يسفه اللي موصيـه
ولاصار ما ناصل ونضرب بالاحداد
هبيت ياسيفٍ طـوى الهـم راعيـه
ولاصـار ماهـمٍ بصنديـد الاولاد
فألعـن شبـابٍ مايبهّيـه راعـيـه


المصادر كتاب اوراق جوفيه

كتاب بلاد الجوف



+ روايات من كبار السن

[سفيره بني خالد]

يامآإل ـآلعآإفيهَ يـ نواف
كّفيت ووفيت

[نواف الخالدي]

المشاركة الأصلية كتبت بواسطة سفيره بني خالد

يامآإل ـآلعآإفيهَ يـ نواف
كّفيت ووفيت

مشكورة يالسفيرة
وربنا يحفظك عن كل مكروه

[نواف الخالدي]

القصيده للاخ العزيز الشاعر ابراهيم بن سعد العريفي (يعددفروع بنى خالد)



أهلا هلا مـا هـل همـال الأمطـار

وما غنت الورقا على دوح الأشجـار

سلام أحلى مـن لبـن شمّـخ النيـب

وانوج من المسك العبق عنـد عطـار

لاهل الثنا والمجـد والجـود نهديـه

وبازكى التحية لاهـل الطيـب نثنيـه

ونختـار شغمـوم همـيـم يـوديـه

من فوق ما يطـوي تخاتيـخ الاقفـار

هـافٍ مديـل الأربعـة والثمانـيـن

تـوه جديـد نظرتـه تعجـب العيـن

كن حس صوتـه بالشكاميـن الاثنيـن

نفّـاث مـيـراجٍ تـحـداه طـيـار

يـا طـارشٍ منـي ترحـل ونيـتـه

متفقـد هـزلـه وجـزلـه وزيـتـه

النـار والآيـل الـى مـن وطيـتـه

يغرابه الراكـب الـى جامـع القـار

سنّد وحدّر عـم لـي وادي العـرض

بازكى سلامٍ يشمل الطول والعـرض

سلام منـي لاهـل المنطقـة فـرض عموم

وخصوص لاهل فرعة الـدار

خـص الخوالـد بالسـلام النظيفـي

ربعي سلالة هبـس نسـل العريفـي

ربع الهـدا ضـد العـدا والحفيفـي

رجالهـم وقـت المواجيـب صبـار

اسم وسلملـي علـى نسـل عرفـان

بذالـة المعـروف فـي كـل ميـدان

لطامـه العايـل وذباحـه الـضـان

ولهم بعـال المجـد قـالات واذكـار

وعلـى الجبـارا ساكنيـن الجفـاره

اهل السخا واهـل الكـرم والخيـاره

ارجالهـم بالهـوش مثـل النـمـاره

الى زمـا العايـل وزامـن الامـرار

وافين بالسمعـه وبالفخـر والطيـب

والفعل باكـرام الضيـوف الاجانيـب

نعمٍ الى ضيفوا وصـاروا معازيـب

ونعـم يكـرر بالمجالـس والاخبـار

وسلم على نسـل الجناحـي وجبـور

هل السخى ذباحـة الحيـل والخـور

والعوشني وال الجميعـي لهـم دورو

افين فـي كـل المعانـي والاشبـار

حازوا على طيب المعاني والأخـلاق

وعلى الشهامه باخـذ عهـد وميثـاق

والراية البيضـا مـع كـل مطـراق

وقولة هـلا باللـي لفـا والـذي زار

من غير قاصر في قبايـل بنـي زيـد

شيبانهـم مـع مكرميـن الاوالـيـد

نعـمٍ بهـم لا مـا نتخـوا بالبواريـد

والمعركـة دخانهـا حامـيٍ حــار

أهل الكرم وأهل الركاب المواجيـف

هل المروره والسخاء مدهل الضيـف

من مثلهم مـا ينذكـر عنـه تعريـف

تاريخهم فـي قمـة المجـد والكـار

ومن غير قاصر في عتيبه وقحطـان

اربوعنا باحقـاب ماضيـة الازمـان

لشتـدت الهيجـا بـدايـن وديــان

نعم الى عج الرمـك والدخـن ثـار

من قصر مزعل ترتحل فوق موجاف

حدر وإلى جيت البطين اقهر الهـاف

سلم على آل زياد من بـد الاسـلاف

وبني غنيـم اللـي غيـابٍ وحضـار

سم على ال زيـاد واثـن السلامـي

اهل الشجاعـة والرجـال الكرامـي

رجالهـم مثـل النـداوي القطـامـي

نعـمٍ يكـرر للمشاكـيـل الاخـيـار

وسلم على ال غنيم ريف المواجيـف

أهل الشجاعة والكرم مدهل الضيـف

ضد الخصيم وللمسيـر كمـا الريـف

واثنـي السـلام وكـرره لال سيـار

اهـل السخـا نطاحـة الموجبـاتـي

قـولٍ علـى وضـح النقـا بالثباتـي

كسابـة المـعـروف والطايـلاتـي

الكـل مدهـالٍ لضـيـفٍ وخـطـار

غلمـة شغاميـم الدعـوم المشاكيـل

خـالـد ازحـــول الرجـاجـيـل

للضيف ريفٍ تذبح الخـور والحيـل

وللضد من صنعة هـل الهنـد بتـار

أهل الكرم وأهل الشجاعة على القـوم

وتاريخهـم كـلٍ فهـم عنـه معلـوم

أولاد ابـن سيـار عاديهـم الـلـوم

ابيوتهـم غيـفٍ وريـف المـن زار

من غير قاصر في رجـال الحمـاده

اللي لهـم فـي قمـة المجـد عـاده

رجالهـم مـا هـوب يبخـل بـزاده

ولهم فعول فـي مواقيـف الاخطـار

حدر على العارض وملفاك الاجـواد

اهل المروه والكـرم سقـم الاضـداد

مقـدم بنـي خالـد شغاميـم الأولاد

بني عريعـر ماكـر الجـود والكـار

في وقتهم وبن عريعـر هـو الشيـخ

ورماحهم تفتـك سـوات الصواريـخ

ولهـم علـى هـذا شهـودٍ وتاريـخ

ودارت دواليـب الدوايـر بالاقـدار

واليـوم فـي عـزٍ ومجـد وكرامـه

ومتمسكيـن فـي دروب الشهـامـه

ولا حصّـل الرجـال غايـة مرامـه

ادرك بها مجـدٍ كمـا ظلـع سنجـار

وسلـم وكـرر للرجـال الحلاحيـل

سلامٍ احـلا مـن قـراح الشهاليـل

واثـن التحيـة للشيـوخ ال منـديـل

أهل الكرم والجود للضيـف والجـار

ذباحـة الحايـل بوقـت الكـرامـه

ولطامـة العايـل بوقـت القـوامـه

وفي وقتهم هم من ارجـال الزعامـه

ماكر حـرار عالـيٍ فـوق الاوكـار

سلم علـى الشـدى عزيـز القبيلـة

وال شقري من نسل هبـس الاصيلـة

أهل الكرم وأهـل العلـوم الجميلـة

ينبيك عن ذكـر المشاكيـل الاخبـار

من غير قاصر في المشاكيل الاجـواد

سلـة هـل العوجـا شغاميـم الاولاد

ال سعود مطوعـة عـاص الاضـداد

مرويّة عطش العـدا كـاس الاكـدار

احما الحمى بالحال والمال والسيـف

والراي والحكمة وحسن التصاريـف

لين امّنوا جملـه جميـع الأطاريـف

عـن كـل محتـال وحاقـد ومكـار

وبالخرج من هبس العزيـزه حمايـل

اهل الكرم واهـل الوفـا والجمايـل

نعـمٍ إلـى عـدوا ارجـال القبايـل

ونعم بهبس عموم في كـل الاقطـار

باربوعه اكرام الرجـال ال غمـلاس

اهل الشجاعـة والشهامـة ونومـاس

أهل الكرم والدين مرفوعـة الـراس

الكل ميـدان السخـا واخـذة الثـار

غملاس هم ساس الكرم واهل الجـود

وهزاع وال سعال من ماكـر الفـود

يـوم الوغـا لشتـب نـار وبـارود

يردون ميراد الظوامـي علـى النـار

من غير قاصر في هل الخرج الاجواد

نعم الى جـأ هاتـش الضيـف رواد

واهل الظفر واهل الكرم واهل الامجاد

بيوم اللقا تفـدا وتصخـى بالأعمـار

واهل الشجاعة والكرم واهـل الديـن

اللي ربـوا باربـوع دار الهزازيـن

ال الـرزوق اللـي حشـام وغاليـن

باربى الحريق ديار وافيـن الاشبـار

دار السخـا ديـرة اعـزاز القبايـل

دار الوفـا ديـرة صناديـد وايــل

دار الظفر واهـل المهـار الاصايـل

دار الهزازيـن المشاكيـل الاخيـار

من غير قاصر في الرجـال الوفيـة

اهل الكرم واهـل الفخـر والحميـه

اهل الحريف اورود حـوض المنيـه

لشتبت الهيجـا وملـح القهـر ثـار

بنـعـام والحـلـوه اولاد العقيـلـي

بيـوم القوامـه مزبنيـن الدخيـلـي

اهـل الجفـان اللـي تغطـا بحيلـي

للضيف مصحوبـة بحشمـة ومقـدار

اهل الكرم واهل الشجاعه والافعـال

وللجود والواجب ايضحـون بالمـال

معربيـن الجـد والـعـم والـخـال

نعم يكـرر عـد مـن بالقـدم سـار

نعمٍ هل الحلـوه ومـن كـان غايـب

عن الوطن من كـل صبـيٍ وشايـب

نعـمٍ عـدد وبـل المطـر والهبايـب

نعمٍ بهبس ومن نـزل حومـة الـدار

من غير قاصر فـي وطنهـم وهاليـه

رجالهم صطر الظفـر والكـرم فيـه

الكـل منهـم بالـقـدا دون عانـيـه

ريف الضعيف ومدهل الجار والمـار

اهل الشرف واهل الشجاعة والامجاد

غلمة تميم مطوعة عـاص الاضـداد

اهل الكرم بالخور والحيـل والـزاد

ريف الوطن وحماة عن عبث الاشرار

وحريمـلا فيهـا ارجـال ال جمـاز

اهل الكـرم ربـع شريفيـن وعـزاز

وفيها ابن مشعل بالكرم والثنـا فـاز

ربع كرمهـم مثـل صفـاق الابحـار

وبني ابراهيـم المداغيـش الاحبـاب

سلة بني خالـد عزيزيـن الانسـاب

اولاد هبس أهل الكرم حصن الاطلاب

أهل الشهامه بالوغا تهـدي الأعمـار

نعمٍ بهم ل ما لفـا الضيـف جيعـان

ايقلطـون اظهـور حيـل وخرفـان

ولا يحسبـون الخسـارة والاثـمـان

كن الخسـاره عندهـم عشـر دينـار

وبالبره ال مجاهـد يلهـون بالضيـف

منصا لاهل عوص الركاب المواجيف

سعد الرفيق وللمسيـر كمـا الريـف

وبالخوف لربوع الوطن سور وحظار

من غير قاصر في ارجال الشجاعـة

اهل الكرم واهـل المـروه وطاعـه

سكانـة البـره وكــل الجمـاعـة

وبالدين تبـاع الصحابـة والانصـار

وفي محمل العارض لنا ربع ورجـال

بذاله المعـروف مرخصـة الامـوال

أهل السخا وأهل الشجاعة والأفعـال

نعمٍ بنـي خالـد سنـد كـل محتـار

استثنـي ارجـال الوفـى والشكالـه

اهل الكرم والجود فـي كـل حالـة

اهل الظفر وهـل السخـا والجمالـه

نعمٍ هل المحمل علـى كـل مضمـار

اسـم وبلـغ بالسـلام ال ابـو ذيـب

اهل الحزم والعزم واللـزم والطيـب

ريـف الرفيـق وللمسيـر معازيـب

نعـمٍ بنـي خالـد الـى ذكرهـم دار

نعـمٍ بهـم والنعـم باهـل الصّفـرّه

رجـالـهــم بـالـهــوش لله دره

نعـم يكـرر للجميـع الـف مــره

وببن اصقيه الشهم بيطـار الاشعـار

بشقراء عريبيـن القبايـل والانسـاب

اللـي علـى درب المواجيـب دراب

آل السبيعي وال فاضل لنـا اقـراب

هم بحقـل الطيـب مـارد ومصـدار

من غير قاصر في بني زيد الاجـواد

بذالة المعـروف مرغمـة الاضـداد

اهل المروّه والسخـا ضـد الالحـاد

والهُم بعالـي قمـة المجـد اطـوار

وبن بليهـد ماكـر الجـود والطيـب

شيخٍ وينصونـه اطـروش الاجانيـب

منصاً وملفـاً لاهـل الفطـر الشيـبب

السلـم بـذالٍ وبالحـرب مـغـوار

في ما مضا عدٍ قـراحٍ كمـا الريـف

وغيثٍ على وافد جميـع الاطاريـف

وذكرٍ عن اهل الدار بالجود تعريـف

اهل القراين جودهـم سـر واجهـار

واهل القصب دار الشويعر حميـدان

اهل الكـرم ومطوعـة كـل ديقـان

نعمٍ بهم وأيضاّ النعـم بـال شعـلان

اللي لهم قولة نعـم حـرز واشعـار

الـى لفيـت الوشـم بارفـع بالنـدا

لاهل الشهامة والكـرم بحـر النـدا

قل نعـم يالحامـد الـى مالـه مـدا

رجالكم يا هبس مـن نسـل الاخيـار

أفعالكـم مـع درب مطـراق القـدا

والى زما العايـل فهـم ضـد العـدا

مستثنيـنٍ سـكـان بـلـدة ثـرمـدا

وجيرانهم واللي سكن حومـة الـدار

دار المكـارم والشجاعـة والأمجـاد

دار السخا دار الكـرم دار الاجـواد

دار العناقر في وغار الحـرب وراد

وبالسلـم غيـث لا لفـا الـدار زوار

يال الجناح اهـل الشهامـة والافعـال

يـا معربيـن الجـد والعـم والـخـال

افعالكـم يشهـد بهـا فـوق الاقــذال

افعال خير وحشمة الضيـف والجـار

وافعالكـم يـوم الدخـن كنـه السيـب

دون الوطـن والناعمـات المهـاديـب

وعفوٍ حماكـم عـن جميـع الاجانيـب

دونها اشبـالٍ بيـن فـارس ومغـوار

يا هبس يا فخـر السمـوّه والانسـاب

ياللـي علـى فعـل المواجيـب درّاب

يا هل السخى والجود يا حصن الاطلاب

نفخر بذكراكـم مـع طيـب الاذكـار

يـا راعـي الميمـون يالحـر القطـام

اسلـم وسلّـم واثنـلـي رد الـسـلام

على آل مطر نسـل الشغاميـم الكـرام

اولاد هبس اهل الشرف واهل الوقـار

الدندنـي وايضـاً الشمـردل يـا هـلا

وايضاً الغطيغط يـا هـلا يـا مسهـلا

تاريخهـم معـروف مـع كـل المـلا

هداتـهـم مصحـوبـةٍ بالانـتـصـار

سلم علـى صقـر الصقـور الدندنـي

اللـي عـن التعريـف باذكـاره غنـي

شيـخٍ نـوالـه دايــمٍ لــذٍ هـنـي

يستاهـل التقديـر والحشمـة وكــار

وايضا الشمردل والغطيغـط بالمجـال

نعـمٍ يـكـرر للشغامـيـم الـرجـال

ذبّاحـة الاكبـاش متعـبـة الــدلال

بيوم الوغـا يصخـون غاليـة العمـار

أهـل الشهامـة والكرامـة والـعـلا

اهل الشجاعـة والوفـى وأهـل هـلا

تستاهلـون النـعـم كـلـه والـغـلا

يا طيور شلوى وكر مدهـال الحـرار

من غير قاصر فـي سكاسكـا واهلهـا

من كـان يسكـن فـي البـلاد وطللها

نعـمٍ بحاضـرهـم ونـعـمٍ باولـهـا

وكرر لهم من صـادق النعـم مكثـار

من غير قاصر في بقية هـل الجـوف

اهل الكرم درع الوطن حـزة الخـوف

نعمٍ بهم لا جـوك طـوفٍ ورا طـوف

واشتدّت الهيجا وصـار الـذي صـار

يا راعي الهـاف الحمـر ود الاعـلام

ملفا ومدهـال الضيـوف ابـن غشـام

من ربعة الفيصـل عزيزيـن واحشـام

رجالهـم مثـل النـداوي الـى طـار

الـى كفـخ وادلا يعـوق الضريـبـه

وهوماتهـم بـيـن القبـائـل تعيـبـه

يزكـون دايـم بالـدروب الصعيـبـة

وحريبهم مالـه علـى الغلـب مقـدار

ساس الكرم ساس الوفـى والشجاعـه

ساس السخا سـاس الفخـر والبتاعـه

سـاس الـمـروّه والادب والسنـاعـه

اهل المزايا الطيبـة حصـن الاخطـار

مستثنيـن قريـه باهلـهـا المسمّـيـن

اسلالـة الدوشـان ربــعٍ عزيـزيـن

اهـل الشجاعـة والكـرم بالميـاديـن

اهل الشهامـة نـدر وافيـن الاشبـار

ومطير ماعون الكـرم سقـم الاضـداد

اهل السخـا والجـود فدعـان الاولاد

نعم الجميع الـى طغـا الملـح ونقـاد

وعجّ الرمك غطا السمـا والقهـر ثـار

وال المزيني ماكـر الطيـب والجـود

ورثوه مـن أبٍ ومـن سالـف جـدود

نعـمٍ بهـم عـدة ذرى ذارى الـنـود

غلمة بنـي خالـد عزيزيـن الاذكـار

عميدهـم عـمـدة وسـيـد ابــلاده

غيـث الرفيـق ومـن يريـد السعـادة

بقولة هـلا يـا مرحبـا رسـم عـاده

بعـد كرامتهـم علـى كيـف واكتـار

يا راعي الميمـون يـا خيـر مرسـال

يـا زاكـي الجـدان والعـم والخـال

خلك على الداعـي اوسـع لنـا البـال

نبيـك تاخـذ يمّـة الشـرق مـشـوار

حـدّر وقـد الراحلـة يمّـه السـيـف

ديـرة بنـي خالـد حمـاة الاطاريـف

في وقتهم مـن غيـر مـدحٍ

وتعريـف تاريخهـم بالكتـب سجـل بالامصـار

اهل الخليج اللي لهـم بالخفـر طـور

شعب العمايـر والمهاشيـر واعمـور

ومقـدام واولاد الجناحـي وجـبـور

اللـي يدوسـون المعـارك بالاخطـار

وللخالـدي جملـة سـلامٍ ومـقـدور

هبس الذي بالفخـر والجـود مشهـور

مقدمهـم آل حميـد ذبّاحـة الـخـور

ولهـم امجـاد فـوق ممتـد الانظـار

سلّـم علـى جملـة شيـوخ العمايـر

خـص آل خالـد حامليـن الخسـايـر

وعلى آل حسن مقدم عـزاز العشايـر

وعلى آل مجدل بالكرم مثـل الانهـار

الكل منهـم يكـرم الجـار والضيـف

وسقم العدا من فوق عـوج المحاريـف

ضد الضديـد وللرفاقـه كمـا الريـف

وغيثٍ كما همّال الانـوا علـى الـدار

وسلّم على ساس السخا منقـع الطيـب

ابو فهد مـن نسـل حصـن الاطاليـب

الشيخ ابـن فـزّاع مقـري الاجانيـب

اللي يشوش إلـى لفـا البيـت خطّـار

ساس السخا ساس الكرم صرحالامجاد

ساس الشهامـة مـن شغاميـم الاولاد

مستارثٍ الطيب مـن مـاضٍ الاجـداد

وبنا واشاد المجـد مـن عشـرة ادوار

قل هكذا السيره تبي حسـن الاخـلاق

وبـذلٍ كمـا مـدرار الامطـار دفّـاق

مثل ابن مجدل شبـه حـرٍ الـى تـاق

ل قيـل بالمجلـس ضـيـوفٍ وزوار

سلّـم علـى آل صبيـح نقّالـة الـزان

أهل الشهامـة والكـرم دب الازمـان

عجران والهدهود وايضـاً آل شعـلان

نعم الجميع امـن المشاكيـل الاخيـار

وبني زبـن رمـز الفخـر والشهامـة

اهل الشرف واهـل الوفـى والكرامـه

واهل الشجاعـة يـوم وقـت القوامـه

يشهـد لهـم بافعالهـم سـر وجهـار

وثـواب وظهيـرات وايضـاً آل حيّـة

اهـل الشجاعـة والكـرم والحمـيّـه

حمّالـة الكـايـد اجـمـال الـرزيّـه

ريف الرفيـق وللعـدا حامـي النـار

سلّم على آل دعيج وشريـش ورمـاح

وبنـي مسلّـم منقـع الطيـب وبـداح

أهل الشجاعة والكرم واهـل الامـداح

نعمٍ بنـي خالـد هـل المجـد والكـار

مـن الحسـاء ليـن العـرق العـذيّـة

والـشـام والاردن ونـجـد المـريّـه

نفخـر بهـبـس وكلـمـة الخالـديّـة

ويالايمي فـي ربعتـي منـك معـذار

وربوعنا اللي تكرم الضيـف والجـار

هبس العزيزيـن المداغيـش الاخيـار

فجري وعفراوي هـل المجـد والكـار

بيوم الملاقـا مـا تحسـب للاخطـار

اللي على كسـب المراجـل دواريـب

ويافون في جملـة جميـع المواجيـب

نعمٍ هل الطـولات حصـن الاطاليـب

سقم الحريب إلى التقى الملـح والنـار

للضيف ريف فـي جميـع المواجيـب

وللضد مصقـولٍ عطيـب الاصاويـب

وللجـار حصـن وللمسيّـر معازيـب

وللملتجي سورٍ عن الضـد واحضـار

أهل الكـرم واهـل السخـا والتعاليـل

أهـل الشجاعـة متعبيـن المعامـيـل

ذبّاحـة الخرفـان والخـور والحيـل

وعلى العـدو يكـوون قلبـه بمسمـار

واهـل الكويـت الطيبـيـن النشـامـا

اهـل الشجاعـة والرجـال الكـرامـا

اهل الوفـى نسـل الجبـور الخطامـا

اهل الكـرم والجـود وافيـن الاذكـار

اهل الجفـان اللـي يهلـون بالضيـف

ودايم مجالسهم المـن زارهـم ريـف

مـا يسكنـون الاّ حـدود الاطاريـف

على الطريق الـدرب ناهـج ومـرّار

وبـالادن شيـوخٍ كــرامٍ عزيـزيـن

آل العطيـن اللـي حشـامٍ وغالـيـن

فـلاحٍ مقدمهـم بـوقـت الاكـاويـن

اوقت الكرم والجود ودروب الاخطـار

اهل الشّيم واهـل الكـرم والشجاعـة

واهل المضيف بوقت عصر المجاعـه

وحلاّلـة الاشكـال بـيـن الجمـاعـة

نعـمٍ بنـي خالـد عزيزيـن الاذكـار

نعـمٍ بنـي خالـد عــزاز القبـايـل

نعـمٍ بنـي خالـد بوقـت الصمـايـل

اهل الوفى واهـل المهـار الاصايـل

رجّالهـم مثـل النـداوي الـى طـار

واتباعهم من هبـس وافيـن الانسـاب

اللـي علـى درب المواجـيـب درّاب

اهل السخى ومطوّعة عاص الاصعـاب

حريبهـم لاشتـدت الحـرب ينـهـار

من غير قاصر في الرفاقه والاصحـاب

واهل وطنهـم مـن مسنيـن واشبـاب

ومن كان يسكن بالوطن بالف ترحـاب

تحـيـةٍ للـكـل قــدرٍ وتـذكــار

وبـالاردن القاضـي عزيـز القبايـل

اولاد هبـس اهـل المهـار الاصايـل

اللـي لهـم وقـت الملاقـا فعـايـل

ما بيـن شجعـانٍ وفـارس ومغـوار

عـم الخـوالـد بالـسـلام المـكـرر

اعذب من الترياق واحلـى مـن الـدر

وانوج من الـورد القطيـف المعطّـر

وقولة نعم بأهل الشهامـه هـل الكـار

وبالشام مـن صلـب الخوالـد قبايـل

اهـل الشهامـه والوفـى والجمـايـل

منها البُـوش وافيـن كـل الخصايـل

سقم الحريب وحصن خايـف ومحتـار

مقـدم شغاميـم الرجـال المشاهـيـر

اهـل الثنـا والنعـم بيـن الجماهيـر

واتباعهـم نـدر الرجـال المناعـيـر

اللي لهم في حمـص مدهـال واديـار

وبنـي ودي اهـل الكـرم والشهامـة

ساس السخا رمـز الوفـى والكرامـه

بوجيههـم وقـت الملاقـا ابتسـامـه

ونهض الحجاج لمـن نواهـم بمسيـار

ورا الشفـا والبعـد جـانـا خبـرهـم

ومن زار هجْر مـن القبيلـة ذكرهـم

بالسمعـة العلـيـا بغـالـي ديـرهـم

وتاريخهم سجَّـل بصفحـات الاخبـار

اهــلاً هــلا ترحيـبـةٍ كلـهـا ودّ

بوفد العوارض زاكـي الخـال والجـدّ

سلة بني خالـد هـل الاصـل والعـدّ

سجِّل لهـم فـي قمـة المجـد تذكـار

لهم مـع المطـران قـالات واعهـود

ومـع الخوالـد دار واقطـار وجـدود

وفّوا بها الاطـراف بالفعـل والجـود

وحسن التصرف والوفى وأخذة الثـار

قـد جالهـم علـمٍ وفـعـلٍ وتـاريـخ

نقوة اعيـال كـل منهـم باسـم شيـخ

وحصل لهـم وقـت الملاقـا مناويـخ

مـع حاكـمٍ فـادى وفـادوا بالاعمـار

من الصباح الى العشا واسمـر الليـل

والمعركـة شبوبهـا الزِلـم والخـيـل

وجمـع العـوارض ماخذيـنٍ تنافيـل

اسلوم ماكـن ثـار حـربٍ والاصـار

باعـوا ارواحٍ مـا تقـدر بالاثـمـان

على الولي رب السما قاضـي الشـان

اوقاهـم الله ثــم بـأمـات تيـجـان

وحمـوا ركايبهـم بسبـرات الاقطـار

باقلـوب صـم مـدرعـات حـديـدي

وعزيمة تعطـي البطـل مـا يريـدي

ان مـات دون حمـاه فهـو شهـيـدي

وان عاش سجّل لـه تـوارخ واذكـار

استثني اهـل الـدار مـره وعجمـان

ومطيـر واولاد الهواجـر وعـزمـان

وسبيع واهل الـدار حضـرٍ وبـدوان

اكبارهـم واللـي صغـار وقـصّـار

مأقصـد بمدحـي للرفـيـق اتـحـدّا

ولا علـى حــق العـبـارد أتـعـدّا

الكـل فـي فضـل المليـك المـفـدّا

ننـام وعيونـه علـى الشعـب سهّـار

حامي الحمى من حـد حقـلٍ لجيـزان

وما حدث الوافـر شـروره وظهـران

الذيـب مكفـولٍ يفلـي مـع الضـان

مستصغـرٍ حقـرٍ ولـو كـان مكّـار

مقدم هل العوجـا الـى ذعـذع النـود

على العدا مـا بيـن طـارد ومطـرود

ولا شبـت الهيجـا بـنـارٍ وبــارود

حريبهـم قلبـه كمـا دقــة الـطـار

اشبال سقـم الضـد صقـر الجزيـرة

عبد العزيـز اللـي حمـا كـل ديـره

سيفه شقيـرٍ مـا هـوى فـي جفيـره

حتـى تبـدّل بالرغـا كــل هــدّار

استغفـر الله عـن زيـاده ونقـصـان

وعن كلمةٍ تكتب علـى غيـر برهـان

وارجى السموحه كان بالقـول غلطـان

ولا كل من غاص البحر جـاب محّـار

ذكـرت هبـس ودق بالقلـب دقّــاق

وهز الضمير اذكار ربعـي والاشـواق

جبـت القلامـه والمحـابـر والاوراق

وديونت من فيض الحشا زين الاسطـار

منـي ســلامٍ للشـيـوخ العناتـيـت

افخر بهبس الى توضـح لـي البيـت

وسطرت من فيض الحشا مـا توريـت

سلامٍ اشهـى مـن حـلا در الابكـار

سلامٍ انوج من عبيـر افخـر الطيـب

والـذّ واحلـى مـن ثمـار المهاديـب

منّـي مكـرر بالـولـه والتراحـيـب

لا احباب واقراب بنـي عـم واخيـار

سلام مشتاقٍ علـى شـوف الاحبـاب

ربعي بنـي خالـد عريبيـن الانسـاب

تحيـةٍ تـقـرا المسنـيـن والـشـاب

شيبانهـم واللـي حديثيـن الاعـمـار

هذا وصلى الله علـى صفـوة النـاس

ما هـب هبّـاب مـن النـود نسنـاس

وعداد مـا تـذرا الهبايـب بالاطعـاس

وما غرّد الحادي علـى دوح الاشجـار

وبالمجمعه وجلاجـل اهـل الخيـاره

وبـن عـطالله مسكـنـه بالـقـواره

وبعشيـره اسـود العريـن النمـاره

وراعي الحصون ابن تميم ابن الاخيار

نعـمٍ الـى عـدوا ارجـال القبايـل

نعـمٍ بنـي خالـد بوقـت الصمايـل

واهل وطنهـم مـن جميـع الحمايـل

واهل سدير اللـي تفـادي بالاعمـار

وحوطة سدير ابها الجراوا المشاكيـل

اهل الكـرم بصحونهـم والمعاميـل

لطامة العايـل الـى شافـوا الميـل

ومن الشرف والمجـد غنيـا وتجـار

من غير قاصر في هل الحوطه

اعموم اهل الشرف واهل الشجاعة على القوم

دون الوطن حصـنٍ منيـعٍ ومزمـوم

حريبهـم لا واجـه الحصـن ينهـار

وابالزلفي ال حميد وبـه ال حمـدان

اهل الكـرم والجـود نقالـة الـزان

نعم الجميع برفـق حاميـن الاوطـان

دارٍ بها اولاد الجريسي لهـا اسـوار

الكل منهم لـه ابحـر الكـرم جـودو

كلٍ ايحاول يطلب المجـد والـزود

ولا جـا نهـارٍ فيـه نـارٍ وبـارود

ما حسّبوا للعمـر مربـح ومخسـار

والغاط فيه مـن ال حيـدر جماعـه

وفيه ال رزق اهل الكـرم والسناعـه

نعمٍ بنـي خالـد ارجـال الشجاعـه

علّ الوطن يسقى من الوبـل مـدرار

دار الرخـا ديـرة اعـزاز القبيـلـة

دار السدارا اهـل العلـوم الجميلـه

اهل الكرم واهل السيـوف الصقيلـه

عـلّ الوطـن غيـثٍ هنـيٍ ومبـدار

واهل عنيـزه مـن تسمـا الجناحـي

نطاحـة الكايـد اطيـور الفـلاحـي

فـازوا بموفـور الثنـا والمـداحـي

ويروون حد السيـف لشتبـت النـار

من غير قاصر فـي عنيـزه واهلهـا

نعـمٍ بـدار العـز واللـي نزلـهـا

وحامـل تكاليـف البـلاد وجملـهـا

ابن سليـم ابـو سليـم ابنهـا البـار

وبالعوشزيـه والقصيـم المطـاريـد

وببريـده الربـدي نفـاد المصاريـد

نعـم الـى عـدوا قـروم الاواليـد

وشتبت الهيجـا وعـج الرمـك ثـار

اهل الكرم واهل الظفر واهل الجـود

سلمٍ لهم ورثوه مـن سالـف جـدود

ملبوسهم بالحرب مـن صنـع داوود

اوقت الرخا تاج الشرف حرز وشعار

وبن ثويني الشهـم حـلاّل الانشـاب

ملفـا ومدهـال الرفاقـه والاجنـاب

راعي الشجاعة والكرم واف الانساب

زيزوم ربـع مـا يهابـون الاخطـار

واهل الشهامة والكرم فخر الاوطـان

سعـد الرفيـق الخيريـن الطـويـان

في حومة الهيجـا ابطـال وشجعـان

ومجنى حرار مـن لحاليـح سنجـار

نعـمٍ بهـم لا شافـت العيـن للعيـن

بوقت الكـرم وإلاّ بوقـت الاكاويـن

ومكـارم الاخـلاق والعقـل والديـن

ويثنالهم فـي محتـوى الهـرج لادار

ونسل الجناحـي مـن قبايـل بريـده

نعـمٍ بهـم يـوم السنيـن الشـديـدة

من الشـرف بقّـوا حصـون مشيـده

واحفادهم دون الوطن سـور وستـار

استثنى اهل الدار من كـل الأجنـاس

اهل الكرم والجود مـع قـوة البـاس

اهل بريدة في وغا الحـرب فـرّاس

وبالسلـم در اللـي تفلـي بالاقفـار

وتفخـر قصيبـا بالشيـوخ المهـنـا

اهل الشرف واهـل الشقيـر المحنّـا

وبالشقـة العقـلا علـى مـا تمـنـا

اهل الدلال اللـي بهـا البـن وبهـار

استثنـي قصيبـا بأهلهـا المسمّـيـن

اهل الشجاعة والكـرم واهـل الديـن

وبالشقـة ارجـالٍ كـرامٍ عزيزيـن

للشـرع تبـاعٍ وللـديـن انـصـار

وهـل الصبـاخ وربعـةٍ بالبـدايـع

نعـمٍ بهـم والنعـم بـاولاد شـايـع

اهل الكرم ريـفٍ علـى كـل جايـع

والضيف يلقـى عندهـم بـن وكتـار

ومن هبس بالمذنب ارجاب ال حوّاس

اهل الكرم في حومة الحرب فـرّاس

كم حصّلوا بالمجـد فخـرٍ ونومـاس

وكم بطلوا من كيـد حاسـد ومكّـار

استثني ارجـال الصبـاخ المشاكيـل

واهل البدايع من ازحـول الرجاجيـل

ونعمٍ هل المذنـب ارجـالٍ حلاحيـل

نعم الجميع إلى غدا الملـح معصـار

وبالبصر شجعان الرجـال المحيميـد

الطيبـيـن الاكرمـيـن الاجـاويـد

شيبانهـم مـع مكرميـن الاجـاويـد

من الوفـى والمجـد غنيـا وتجـار

فخر الوطن غيث الوطن للوطن ريف

ومسكانهـم دايـم حـدود الاطاريـف

متطرفين لاجـل ينصاهـم الضيـف

وحمى وطنهم عـن مغامـر ومكـار

اهل الكرم والجود واهـل الشجاعـه

وهل الفخر واهـل الوفـى والبتاعـه

ومنهاجهـم للديـن سمـعٍ وطـاعـه

ومن الرجال اللي تسمـى بالاخيـار

نعمٍ بهبس ومن سكـن فـي جـوار

همـن القبايـل بـاديـه والحـضـاره

عـلَّ الحيـا يسقـي روابـي ديـار

هوتزمي فياضـة بالشمطـري ونـوّار

واهل حنيضل حصّلوا كسب الامـداح

حياتهم في ما مضـى عـز وافـراح

نعمٍ بهـم يـوم الثميـدي والامـلاح

مثل الغمـام وجمعهـم للعـدا سـار

يروون حـد اللـي شباتـه شطيـره

والـدم شـلالٍ ســوات المطـيـره

وكم فرقـوا بيـن العشيـر وعشيـره

من خفرةٍ في زوجهـا تطلـب الثـار

استثني ارجال الوفى اهـل الاسيـاح

المجد لابطال الوطن حـرز ووشـاح

اهل السخا دون الوطن سور واسلاح

وينبيك عن فعـل المشاكيـل الاذكـار

والـرس فيـه الخالـدي ابـن بـلاّع

وافٍ الخصايل زاكي الجـد والبـاع

للشرع مطـواعٍ وللحـرب مرجـاع

وفعلـه وتاريخـه للاحفـاد تـذكـار

من غير قاصر في هل الرس من يـام

أهل الوطن وخلوطهم عبـر الاعـوام

اهل الحـزم والعـزم واللـزم وولام

إلى زمـت نـار العـدا والفلـك دار

وبربوع حال نفتخـر بـال ضبعـان

لطّامـة العايـل وذبّاحـة الـضـان

ولهـم علـى هـذا شهـودٍ وبرهـان

ويردون بالهيجا على قـب الامهـار

ومن هبس نفخـر بالشويعـر بحايـل

فعلـه ومجهـوده علـى كـل طايـل

جوده من جـدود العصـور الاوايـل

ابنا الحكيـم اللـي للاشعـار بيطـار

وفيه العواصا اهل الكرم نسل الابطال

اهل الشهامة في وغا الحـرب عيّـال

ريف الرفيق وللعـدا مثـل الاشبـال

في حومة الهيجا يدوسـون الاخطـار

قد جالهم وقـت الثنـا والفخـر دور

اوقت الشجاعة جالهم فعل وعصـور

نعمٍ يكـرر كبـر ابانـات والطـور

يا احفاد شيخٍ لـه تواريـخ واخبـار

استثنـي ارجـال الشمـال السناعيـس

حمّايـة اربـوع الجبـل بالملابـيـس

هدّامـة احصـون العـدا والمتاريـس

اهل الشجاعـة لا تعامسـن الاشـوار

واهل قفار اللي لهـم بالكـرم صيـت

سلـة بنـي خالـد شيـوخٍ عناتـيـت

رجّالهـم لا مالـفـا قـيـل حيّـيـت

بصوتٍ رفيـع ونـال فخـرٍ ومقـدار

الهُـم بعـال المجـد فخـر وكرامـه

ومتمسكـيـن بالـوفـى والشهـامـة

وابهـم الـى زار المسيّـر عـلامـه

نهض الحجاج ويـا هـلا بالـذي زار

استثني اهل الدار مـن كـل الاجنـاس

اهل قفار اللـي لهـم رفعـة الـراس

اهل الكرم والجـود مـع قـوة البـاس

اوّقت اللقا يردون ما ارعـوا للاشـوار

واهل سكاكا شيـدوا صـرح الامجـاد

افعالهـم يـوم الوغـا فـوق الاشهـاد

نعمٍ بنـي خالـد علـى الحـرو ورّاد

وبالجود في وقت الكرم مثل الامطـار

وافين فـي كـل المعانـي والاخـلاق

وتاريخهم يشكـر مـع كـل مطـراق

منيحـةٍ مـن عنـد خـلاّق الاطـبـاق

رب السما والي الملا النافـع الضـار

فيهم اخصـال مـن المزايـا الحميـده

وشوفاتهـم صـوب المعالـي بعـيـده

مـن بينهـم وصـل وحيـاةٍ سعـيـده

خص الضويحي وال علي نسل الاخيار

نسـل القريشـي متعبيـن المعامـيـل

طبع لهم من عصر جيـلٍ بعـد جيـل

أنا اشهد انهم مـن خيـار الرجاجيـل

ويحضون باشعار الفخر سر واجهـار

أهل الفخر وأهل الكرم واهل الاخـلاق

واهل الشجاعة لازما الجمـع وانسـاق

افعالهـم يطـرب لهـا كـل مشـتـاق

نعـمٍ بنـي خالـد عزيزيـن الاذكـار

نعـمٍ هـل الطولـه شغامـيـم الاولاد

عز الوطن فخر الوطن صرح الامجـاد

نعم الضويحي وال علي نسل الاجـواد

درعٍ حصيـن دون حلـوات الاثمـار

يشهد لهم ضـرب القنـا (والمناويـخ)

وضرب المشـوّك بالوغـا والتواريـخ

نعـم الجميـع الابـن والاب والشيـخ

وقت اللقا فيهـم صعاطيـر وصطـار

عبـد الله الكايـد زعـيـم العشـيـره

وابنـاه مـن بعـده بقولـه اذخـيـره

نعم الخلـف بأهـل العقـول الكبيـره

يا قاهـم الله مـن عواثيـر الاشـرار

اكبارٍ فعايلهـم علـى كفـح الاضـداد

وكبر الصحون اللي بها الحيل والـزاد

أهل الشجاعة والكرم واهـل الامجـاد

نعـم الجميـع مكـررٍ لـبـو بـشـار

وعبيـد مـن بعـده وسـيـع البنـايـد

شيـخ العشيـره للمواجـيـب زايــد

شيـخٍ ولـد شيـخ الكـرام آل كـايـد

لـه سمعـةٍ عنـد القبايـل ومـقـدار

ومفلح عضيـد عبيـد بالفعـل والقـول

بوقت الكرم والجود ما هوب مجهـول

ما قيل فيه مـن الكـرم قيـل معقـول

وسعيـد ومساعـد سنـد كـل محتـار

وقـت الكرامـه مثـل وبـل المخيلـه

اوقت الشجاعة مـن ارجـالٍ اصيلـه

متسلسليـنٍ مــن عــزاز القبيـلـه

من أسـرة الكايـد عزيزيـن الاذكـار

والشهـم ابـن غانـم اديــبٍ وراوي

ومن الشرف والجود والمجـد حـاوي

اجـاره الله مـن جمـيـع الـبـلاوي

حيثه مـن الربـع المشاهيـر الاخيـار

شاعـر ومشهـورٍ ابّــدع المثـايـل

ومغيَّـبٍ جمـلـة قصـيـد القبـايـل

ملاحـمٍ مـن كــل قـيـلٍ وقـايـل

صعبـات وطـوالٍ كليفـات واعسـار

نعمٍ يابـو فيصـل الـى حـل طاريـه

كـل المزايـا الطيبـه والفخـر فيـه

ودّك الـى جـات التعاليـل توحـيـه

يلقى المثايل مـن حسينـات الاشعـار

ونعـمٍ بابـن عقـلا حسيـن القصايـد

اللـي قصيـده دايــمٍ بــه فـوايـد

قولـه حسيـنٍ مثـل زيـن المـوايـد

مشكّـلٍ مـن كـل مـا كـان تختـار

يا راعي الهـاف الحمـر مـر نـواف

سلـم عليـه اعـداد مـا هـل هتـاف

واثـن السـلام وكـرر اميـات وآلاف

سلامٍ احلـى مـن لبـن كـل مـدرار

سـلام مشـتـاقٍ عليـهـم أوّلـهـان

لنواف مقري الضيف من قرِّح الضـان

الخالـدي الأصـل سـلـة اذوبـيـان

اللي يشـوش إلـي لفـا زايـر الـدار

وانص آل مسعـر خصّهـم بالسلامـي

اهل الوفـا نسـل الرجـال الكرامـي

وللثلج وآل الثلـج بازكـى احترامـي

وازكى سلامٍ عـد مـن بالقـدم سـار

رجّالهـم مـا ينذكـر عنـه تعـريـف

معروف في جملـة جميـع الاطاريـف

بقولة هلا لا مالفـا الجـار والضيـف

ونهض الحجاج ومرحبـا بـه ومقـدار

فايض كرمهم حاتمـي غيـر الاخـلاق

واخلاقهم شهد النحـل عـذب الاذواق

منيحـةٍ مـن عنـد خـلاق الاطـبـاق

اللي إلـى منّـه عطـا يعطـي اكبـار النعم
يال الـدرع يـا كـرام الاشنـاب

ونعم السحيـم اهـل الشهامـة والاداب

تحيـةٍ تـقـرا المسنـيـن والـشـاب

عمـوم وخصـوصٍ لوافيـن الاشبـار

[فـيصل الخالدي]

السلام علسكم ورحمة الله وبركاته


الاخ والاستاذ نواف الخالدي

والله لم تبقى لنا شئ

فلله درك اأخي نواف

و هذا الصغير يسعى جزافاً بخرافاته وحقدة الدفين
بأسماء مستعاره خلف سترت الشبكه العنكبوتيه
عليه من الله مايستحق
اللهم وأفضحه بالدنيا قبل الأخره
اللهم وأفضحه بالدنيا قبل الأخره
اللهم وأفضحه بالدنيا قبل الأخره
اللهم وأفضحه بالدنيا قبل الأخره

[الجناحي الخالدي]

ونعم في قحطان وكل قبيلة فيها احلاف وماعليه خلاف عند العرب والقرشة طيبين دخلو في طيبين